Comentar de pruma

Data

17 de fauré 2017

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Mundiei ladins
Nce la USC ie stata via, almanco n doi dis, a San Murezzan. Per la pert dla urganisazion dl sport y dla manifestazions ntëurvia cun la logistica iel unì fat n gran lëur, ti fajon perchël i cumplimënc a nosc fredesc ladins. Auze ora l aspet culturel, ajache i Mundiei de San Murezzan iei nce na ucajion per prejenté la rujeneda rumancia-ladina, se lascian udëi pra i vijitadëures de dut l mond y sambën nce a livel de mass media. N aspet che se mbincion che l vënie ora te na maniera sterscia nce pra i Mundiei de Cortina d'Ampëz tl 2021. A San Murezzan ons bele pudù rujené cun i respunsabli per Cortina, sensiblisan de chësc viers. Per la scuadra taliana ne n'iela nia jita bën, nscila niancanó per i ladins. Ma ntant ans mo per inier juebia, do la stluta dla redazion, la speranza per Manuela Mölgg, y chisc dis fajons mo l tifo ai nosc Manfred Mölgg, Stefano Gross y Chiara Costazza. L tifo fajons sambën nce per nosc atlec ladins pra i campiunac de biathlon. Oradechël iel drët lecurdé che nosta atletes y nosc atlec à na gran fazion, purtan ora nce l aspet culturel ladin te dut l mond. N gra de cuer, perchël!  (de David Lardscheider)