Comentar de Pruma

Data

17 de merz 2017

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ti lascé valch pluma
Do les protestes te Südtirol ti ultims agn per la reforma dl sistem y di servisc sanitars (che á jové a puech y nia, ajache i reparc da sté de pert a Sanciana y Sterzing é vegnus scluc), se lascia su la jent de d'autres valedes vejines: Anpezo, Fascia, Flem... I ospedai de Ciavaleis y Cortina (l Codivilla Putti) pér ester a risch de scluta (sceben che almanco la Region dl Venet á sen calmé via i ampezans per si ospedal). An ne veid nia tres cler assé tl sistem dl'aministrazion publica en cont di servisc sanitars y si funzionament, te Südtirol dess la reforma en discuscion porté a razionalisazion de servisc, y donca a sparagns. Ma che l zitadin y pazient ti lasciará valch pluma! Tl Südtirol, tl Trentin y tl Beluneis ne vivel nience tant de jent co che te na zité de provinzia tla Talia, ma che les zircostanzes geografiches se damana per ruvé te n ospedal dai zitadins iadesc lonc y na mobilité efizienta. Sce i ospedai, p.ej. te Südtirol, partesc su i servisc spezialistics anter ei per tegní plu basses les speises de funzionament, él da l'autra pert da pensé che tres manco zitadins n'á instesc n auto y é sforzés da podei se lascé sun n servisc de trasport publich tres plu spes y puntual. Chest ti costará for plu y plu speises a la man publica!  (de Iaco Rigo)