I miores lurieres di architec de la Èlpes en mostra

Data

17 de merz 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks

Insnet al Museion de Busan e te etres 9 lesc del raion alpin vegn enaudà la Rassegna de Architetura de la Sociazion AAA con la 22 operes finalistes e anunzià i 4 venjidores



Rua a compiment anché la Rassegna de architetura de la Sociazion “AAA” Architec de l’Arch Alpin, nasciuda tel meis de mé del 2016 e vidèda dal president Alberto Winterle, de naa fascèna.

La sociazion AAA tol ite 14.000 profescionisć de 9 Ordegn de architec de dut l raion de la Èlpes, e la se met dant de sporjer ocajions de confront e de sinergìa, coordenan la scomenzadives leèdes ai temes profescionèi e culturai e vardan semper de tegnir cont e de valorisèr la carateristiches particolères de ambient natural, tradizion, cultura e identità di raions da mont.

L’inaudazion de la Rassegna é anché, vender ai 17 de mèrz, da les 18.30 a Busan al Museion e tol pèrt l president de l’Orden di Architec de la Provinzia de Busan Wolfgang Thaler e l president de l’AAA Alberto Winterle. La esposizion sarà da poder veder dai 20 de mèrz ai 8 de oril te la LUB, piaza Università 1, dal lunesc a la sabeda h. 8.00-20.00.

L’esposizion vegn fata ence te etres 9 lesc de la Èlpes, da Aosta enscin a Udin, con inaudazion e proclamazion di 4 venjidores tel medemo moment te duta la sentes.


 (Lucia Gross)