Comentar de Pruma

Data

19 de mei 2017

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Hubert Dalponte
Indoman domisdé en gaujiun di Dis d'Europa a Neudrossenfeld (Franconia Alta/Bavaria) gnaral descurí tl „urt dles scultöres" i büsć nüs de trëi personalités: Prof. Dr. Dr. h.c. mult. Otmar Issing, Dr. Theo Waigel (ex minister dles finanzes todësch) y Hubert Dalponte da Corvara. Hubert Dalponte é bele portadú de plü onoranzes, danter l'ater ince chëra nazionala de Ciavalier dla Republica Taliana (l'ann 1991). La medaia plü nöia é na europeica, surandada dala FEK, na sozieté de promoziun por la Comunicaziun Europeica cun sënta a Nürnberg che é ince iniziadëssa di „Neudrossenfelder Europatage". Deboriada cun le Comun de Neudrossenfeld, le Landkreis Kulmbach y la Ciamena de industria y comerz de Bayreuth fistidiëia la FEK dal 2003 incá, tl turnus bienal de iniziatives y manifestaziuns suraregionales, da comuniché n spirit de lian europeich „tres le colloquium economich-politich, tres l'onorifiziënza de personalités che s'á fat mirit cun la Medaia d'Europa dedicada al imparadú Carl IV y tres la gran festa d'Europa daimpró ai zitadins". Hubert Dalponte n'á nia debojëgn da gní presenté te nostes vals ladines: al é sté un di aturs y protagonisć dl svilup turistich y economich dl'Alta Badia y dles Dolomites. Al n'á nia odü i confins, cun coraje y perseveranza él passé surafora, ti ál tut efiziënza - de vigni vers. L'Europa pó ma crësce tres de te' porsones y personalités!  (de Iaco Rigo)