Comentar de Pruma

Data

11 de agost 2017

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Matura te 4 agn
Cun altonn 2018 (te n ann) dess pié ia tla Talia la poscibilité de n cuadriënn por la matura te ma cater agn (al post de cinch atuai). An baia dl turbo-abi, definiziun atuala tla Germania, olache an pënsa indere bele da jí indô zoruch ala spana de stüde tradizionala. N tëmp de stüde cört pó ester interessant dantadöt por i ciorví ezelënc che é al'altëza da imparé debota y conzentré n potenzial de savëi fora dla normalité. Por la mesaria de jones y jogn é indere chësc spazamënt n stress implü, an se damana: „Ciodí döt tan debota? Y, bele tan adora tan debota?" Vál debojëgn sëgn da trá sö a 150 al'ora mitans y mituns desco n motor da gara? A ci joel pa, sce na jona y jonn röia bele da studié a 22-23 agn (titul academich), ái spo plü dainciará, plü vita? Iö me mëni bele sëgn picé de chisc „pici ciorví" che messará spo atira do le stüde apié la litra dla cariera por ruvé „i ne sá nia tan insö" y „lunc". Iö arati che les jones y i jogn d'aldedaincö adöres döt d'ater co spazamënt y presciun, dantadöt afet familiar, tëmp, y conscideraziun y dediziun da pert di gragn. Ai vëgn pa bëgn pro da laoré ciamó dî assá, bunamënter cina a 80 agn, sce ai ne sará bele a 40 agn „borjá"!  (de Iaco Rigo)