Comentar de Pruma

Data

07 de dezember 2017

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Zitadinanza austriaca
De gran atualità ie al mumënt la cuestion dla zitadinanza dopla per la jënt de Südtirol, dlongia chëla taliana de giapé nce la zitadinanza dl'Austria. Danz che tl cajo cuncret se nuzëssa mé i ladins dla doi valedes de Badia y Gherdëina y dl raion provinziel de Südtirol de chësc mesun sëuraprò. Y son pona inò tla nia-cunscidrazion di ladins coche cumenanza ntiera, son inò tla descriminazion di ladins.
Ma mo dant ulëssi auzé ora che chëi dl partit de "Los von Rom" dëssa n iede se fé n ejam de cuscienza, de tant che i tën pa efetivamënter dal'Austria coche "Vaterland".
Coche redatëur dla USC vëni cunscidrà ladin-talian - y per l tifo che feje a livel de sport per i azzurri ie chësc n pert nce vëira. Dal'autra
pert éi abù ani alaongia l mesun de sté tl'Austria a studië, mparan a cunëscer truep cumpanies dl'Austria, la mentalità austriaca y la gran richëza sozioculturela che l'Austria à, ala pèr de chëla taliana, ma sambën autramënter.
Per jì de reviers al partit di "Los von Rom": a tanc ne ti n va pa perdrët nët nia dl'Austria, scencajo feji al plu l tifo per l Bayern München, che ne n'ie pa nia tl'Austria? Tanc à pa na maniera de vester, de viers di austriacs, mpue' da sëurajù, sciche sce i südtiroleri fossa vel' de miëur, se apustan tl'Austria sambën l macchiato mpede l Kleinen Braunen, apustan na pasta mpede n bon Tafelspitz, desmustran nsciuma si vester autramënter, miëures, cun ch'l culëur de image positif che vën ora dala Talia y si assoziazions, che i ne lascia nia de mustré te uni ucajion.
Per l parit ladin di "Los von Rom" ne me damandi nia che i sebe da dì der y das sciche l se toca, ma mpue' plu de giaurida culturela de viers dla richëza sozioculturela dl'Austria, y tl medemo mumënt nce la ulentà de se giaurì ala richëza sozioculturela taliana, da bon ladins, cun si identità y si denità, che fej da puent danter la cultures, te n spirt europeich.  (de David Lardschneider)