Plü controi te busc y ferates

Data

14 de dezember 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Insciö dessel gní alzé la segurëza por düc i anuzadus di sorvisc y ince por controladus y ciafers
La Junta provinziala dl Südtirol alza le potenzial de segurëza sön i mesi dl trasport publich. "Anuzé autobusc y ferates zënza na chërta varënta y ne savëi nia da se comporté é döes cosses che ne vëgn nia azetades sön i mesi dl trasport", á splighé Kompatscher presentan ince la posiziun dla Junta, y inant: "Por aumenté la segurëza unse ciafé n’acordanza adöm al Comissariat dl Govern y ala Cuestöra che á dit da orëi ince alzé le numer dl personal de segurëza".
En acordanza cun i conzescionars dessel sëgn gní stabilí sön ci trasses y te ci ores che al dess gní controlé deplü  y tan di che al gnará controlé plü avisa. Por ci che reverda le finanziamënt él bele preodü n capitul de spëisa ti contrac de sorvisc cun i conzescionars. "Tan tröp che al gnará ciamó investí sará ciamó da ejaminé ince conscidran tan inant che i controi jará", á dit Kompatscher.

Tres plü passajiers

I mesi dl trasport publich tl Südtirol vëgn tres plü adorá. Chësc vëgn ince desmostré dales zifres: dantadöt tl setur dles ferates él le numer di passajiers che s’á alzé cotan ti ultims diesc agn. Sön la trassa dla Val de Puster s’á le numer di passajiers tripliché. Dl 2013 êl ciamó 49,2 miliuns de timbradöres al ann cun 8,6 miliuns sön les ferates. Tl 2016 é le numer sté de 53,3 miliuns de timbradöres, de chëstes 8,6 miliuns sön les ferates. "Ince iniann él indô gnü registré n ampliamënt dles porzentuales por ci che reverda les linies dla Val d’Isarch, la Val de Puster y la linia che porta a Maran", á dit le presidënt dla Provinzia Arno Kompatscher. De conseguënza él ince les entrades che s’á alzé. Dl 2011 êl ciamó gnü registré 24,1 miliuns de euro de entrada dal’adoranza di mesi publics, tl 2016 esun rová a 40,18 miliuns de euro cun tl 2015 ince na reforma dles tarifes, sciöche l’assessur por la mobilité Florian Mussner á alzé fora.