Raiuns militars passa ala Provinzia

Data

14 de dezember 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La caserma Verdona a Vahrn y pert dl areal dla caserma Schenoni a Porsenú fej pert dla ultima acordanza de passaje de proprieté danter le Stat y la Provinzia dl Südtirol
N vare inant vëgnel sëgn fat tla intenüda danter le Minister dla Defenjiun y la Provinzia por la revalutaziun de n valgönes infrastrotöres adorades dales forzes armades tl Südtirol y dl passaje de n valgügn raiuns militars nia plü adorá por fins istituzionai. L’acordanza prevëiga le passaje de arees militares nia plü adorades dal Stat ala Provinzia. Sciöche retüda él la Provinzia che finanziará na morona de laurs de manutenziun de frabicac di soldas. Le valur complessif dl’operaziun é de söporjö 220 miliuns de euro.
La Junta á fat fora chisc dis da autorisé le Presidënt Kompatscher da firmé le contrat da 27 miliuns de euro danter la Provinzia y l’Agenzia dl demane. Le contrat reverda le passaje de proprieté ala Provinzia dla caserma Verdona a Vahrn (operaziun da 15,5 miliuns de euro) y dl areal dlungia (valur de 2,4 miliuns de euro), sciöche ince de na pert dles frabiches tl raiun dla caserma Schenoni a Porsenú por zirca 9 miliuns de euro. "Chësta acordanza é dër inovativa, deache insciö sarál poscibl da mëte a desposiziun arees por realisé operes publiches o proiec de valüta adöm ai Comuns y ala popolaziun" - insciö le preisdënt Kompatscher.

 (Iaco Rigo)