Co éra pa cun i montli da d’invern?

Data

30 de dezember 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Zentrala di Consumadus Europeica á inrescí do co che ara se stá cun le regolamënt chiló da nos y ti stac vijins.
TALIA/SÜDTIROL
Tla Talia n’él nia na oblianza generala di montli da d’invern. N’atrezadöra da d’invern pó gní - y vëgn - scrita dant da tofles stradales por na certa perioda, sce al é le tëmp aladô. Dötes les informaziun é da ciafé sot a: http://www.provinz.bz.it/verkehr/download/Winterausruestungspflicht.pdf
Dai 15 de novëmber 2017 él sön le toch dla A22 Prener-Affi l’oblianza da avëi n’atrezadöra da d’invern, belanfat sce al é condiziuns da d’invern o no. Tla Val d'Aosta él bele dai 15 d’otober (cina ai 15 d’aurí) l’oblianza di montli da d’invern.

AUSTRIA
Tl’Austria él por auti y camions cina 3,5 tonelades l’oblianza di montli da d’invern dal 1. de novëmber ai 15 d’aurí, sce al é strades da nëi y dlacia. I montli mëss gní metüs sö sön dötes les rodes y avëi lassura l’amarsciadöra M+S, M.S o M&S y n profil minimal de 4 mm pro montli radiai y de 5 mm pro montli diagonai. Al é conzedü da mëte les morones sön i montli da d’isté, sce la strada é tresfora o feter tres curida da nëi o dlacia.

GERMANIA
Tla Germania mëss i montli ester adatá ales condiziuns dl tëmp. Al é l’oblianza di montli da d’invern sce al é da dlacia, da cialtines, sce al é lize porvia dla nëi, dla dlacia o dla broja. An mëss avëi montli da d’invern sön dötes les cater rodes. Novité da jügn dl 2017: montli M+S che é gnüs fac cina ai 31 de dezëmber dl 2017, pó ciamó gní adorá cina ai 30 de setëmber dl 2024. Dedô pól ma plü gní adoré por d’invern montli cun le simbol alpin (crëp cun n floch de nëi).

SVIZERA
Tla Svizera n’él nia l’oblianza di montli da d’invern. Mo che che tëgn indere sö le trafich deache al vá cun montli nia adatá fora por strades te condiziuns da d’invern, mëss s’aspeté na straufunga.

Galaria retrac