L Gherdëina venc l 1° Trofeo Ladin Elite

Data

20 de fauré 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
A Selva i patrons de cèsa i à batù la squadra da Ampez. La scomenzadiva l’à abù l patrozinie de la Union Generela di Ladins dla Dolomites e l’à garatà ence dal pont de veduda del lengaz e di leames.

Gran emozion ansera lunesc ai 19 de firé te stadie de la giacia Pranives de Selva per la venta e la premiazion del 1° Trofeo Ladin Elite de hockey metù a jir endèna la paussa de l’Alps Hockey League per la Olimpiades de PyeongChang da la trei sozietèdes de hockey ladines: Hockey Club Fascia Falcons, l’Hockey Club Gherdëina e la Sportiva Ghiaccio Cortina.

La pruma edizion la é stata venta dal Gherdëina per 4 a 3 sul Cortina e a la fin de la partida te stadie de Selva l’é stat sobito la zerimonia de premiazion con la consegna de trofeo, n jiador de hockey zipià fora dal legn e fat da Robert Senoner de la firma Rowi de Selva.

A la premiazion l’era i doi presidenc del Gherdëina, Markus Rabanser e Ivo Moroder, l’ombolt de Selva Roland Demetz e la presidenta de la Union Generela di Ladins dla Dolomites Milva Mussner te stadie de la giacia con i vize presidenc de la Generela, Elsa Zardini per Ampez e Fernando Brunel per Fascia. Apede ic na cornisc de jent col guant.

La Generela l’à patrozinà l’event e l’à colaborà ence per smaorèr l ladin ti stadies. Te Fascia l’é jà da n trat e da ansera ence a Selva che vegn rejonà ladin dai microfons te stadie per duta la comunicazions de jech.

De più su La Usc di Ladins de vender ai 23 de firé.

 (vr)