Vál mësson dí!

Data

21 de fauré 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
N comentar dl redadú Iaco Rigo
Chësta campagna litala taliana é bunamënter öna dles plü da stufé dla storia dla Republica tl do-vera. Inoms y leaders che i conesciun bele da 20-30 agn proa da atrá simpatia y usc - cun i baiá oramai stereotipics, impermetüdes banales y infantiles, y strumentalisaziuns de argomënc massa importanc por deventé marionëtes. An vëiga che i partis y leaders dla politica vedla n’á nia plü argomënc da trá ca - essi pö bele instësc podü mioré la situaziun de na Talia tres plü instabila y nia credibla. Vál mësson dí te döt chësc teater: che i parlamentars y i atri mandatars politics di "5 Stelle" cun paiamënt publich é jüs danfora cun val’ bun ejëmpl chisc 5 agn sce ai á dé jö pert de süa paga al Stat por mené do le sostëgn ales piceres impreses. Che al é sté ince danter i "5 stëres" na biscia foscia o l’atra ne pó nia ajié n bun ejëmpl y carater che degun ater politich gonot paié fora de mosöra n’á fat. Indöt á i "5 Stelle" tl parlamënt a Roma dé zoruch passa 23 miliuns de euro de süa paga por daidé do l’economia, porvan tl medem tëmp da mudé val’ te n sistem oportunistich. La politica dess indô deventé na "res publica" - na cossa publica, zënza n’ará la Talia y süa jënt degun dagní. A critiché i "5 stëres" é ince ma chi politics che ne dess mai ca mile euro de süa paga a na porsona y dita en dificolté! Chësc mi pinsier ne nasc dessigü nia da na simpatia ai "5 Stelle", mo da n pinsier zivil. Spo pó le bla-bla-bla tles televijiuns talianes ester ciamó n iade tan sterch!