I ultimi dis por mené ite a SCRIBO

Data

26 de mei 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Repartiziun Cultura y Intendënza ladina á scrit fora n concurs leterar por porsones apascionades de leteratöra. An pó dé jö l'opera cina en jöbia ai 31 de ma 2018.

Sostigní la leteratöra ladina, motivé i jogn da se dé jö cun la scritöra y arichí l repertoire de operes leterares ladines: chisc é i fins prinzipai dl concurs leterar “SCRIBO” (che vëgn dal latin y ó dí “iö scrii”) organisé dala Repartiziun Cultura y Intendënza ladina dla Provinzia. Le concurs é dediché ales döes seziuns prosa y teater y dötes les modalités por tó pert é online. Che che tol pert al concurs mëss dé jö cina ai 31 de ma dl 2018, dales 12.00, na copia de so laur pro le secretariat dl concurs.

Informaziuns ütles

Al concurs leterar pól tó pert düc chi che sá da scrí te öna na varianta ladina dles valades dl Sela (badiot, gherdëna, fascian, ampezan o fodom). Le concurs leterar é partí sö te döes seziuns. La seziun junior é por i auturs y les auturies danter 16 y 25 agn, chëra senior é por düc i auturs y les auturies de passa 25 agn. Pro le concurs pól gní dé jö operes che fej pert dles seziuns prosa y teater. I auturs y les auturies pó chirí fora la tematica de süa opera.

I tesć dá jö mëss ester originai, scric por ladin y ne pó nia bele ester gnüs publicá. Les traduziuns de operes bele publicades te d‘atri lingac ne vëgn nia azetades. Vigni autur y vigni auturia pó ma dé jö öna n’opera. Al ne vëgn dé dant degun limit de parores.

Por vigni seziun vëgnel preodü dui pesć: le pröm pest de 3.000,00 euro y le secundo pest de 2.000,00 euro. Le laur pó gní ortié tres lëtra racomanada cun avis de recioiüda (al vel la data dl timber dl ofize postal) o tla forma digitala a chësta misciun culturayintendenzaladina@pec.prov.bz.it

Por de plü informaziunswww.provinzia.bz.it/scribo