“L Masterplan dan ai uedli”

Data

16 de jugn 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La minonga dl  ambolt de Sëlva Roland Demetz n con’ dla regulamentazion dl trafich su per i jëufs

Jëufs - L ambolt de Sëlva Roland Demetz dij che per Sëlva se tràtel, tl cajo cuncret dla regulamentazion dl trafich ntan n valguna enes d’instà, de na scumenciadiva dl Chemun de Sëlva, che à bele doi deliberes che dà dant de ce viers che n uel jì, cun n regulamënt dl trafich di jëufs fat bele tl ann 2010 y n’autra delibera mo dant. Pona iel n Masterplan, cun referimënt a na nrescida dl’Eurac, che prevëija che n dessa crì mesuns de smendré l trafich, da coche stlarësc Demetz, che dij inant che “la direzion ultima dl Chemun de Sëlva, a una nce cun plu assessëures provinziei de Bulsan, ie chëla de na na chëuta ecologica,” nscila Demetz che njonta che “cun l paiamënt iel plu saurì a ti mëter brëna al trafich.”

Na soluzion amez ite udëssa Demetz de fé a l savëi, bele a chiche vën da Puntives ite y pona do y do ite per la valeda, che da Plan de Gralba inant ne n’iel nia mesun lascé i auti sun ëur de streda, y che n muessa pona lascé, canche la ie tan inant, i auti sun la gran plaza dai auti sun Plan de Gralba. “Do mi ntënder ëssa chësta soluzion na majera fazion uperativa, ntan che la soluzion dl pas ie plu mediatica, “ nscila Demetz n con’ de na si idea, che ne unirà nia metuda n ndroa, per ntant, che auza ora la mpurtanza ded na bona mubltà - nce a priesc - cun la curieres publiches y cun i mplanc portamont.

Demetz: “Tenian cont che l ie plu soluzions, coche dit nce miëures y plu sustanzieles, ratons coche Chemun de Sëlva drët che n feje pea pra scumenciadives che smendrësce l trafich. Definitivamënter se ancunterons mo proscimamënter te Chemun per fé ora zeche de plu cuncret,” nscila l ambolt de Sëlva Roland Demetz.

Sun la foto: l ambolt de Sëlva Roland Demetz.

David Lardschneider  

Galaria retrac