Temp dles rodes su per i joufs

Data

18 de jugn 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Siesmile ziclisć per montes y valedes: la seconda edizion dl Di dla Roda tles Dolomites ("Dolomites Bike Day") inier domenia ai 17 de jugn é steda n bel suzes nia demé per l interes y numer de partezipanc. L temp á judé.
Na jorneda de soredl con les temperatures ideales per na pedalada á atrat inier domenia i apascionés dles rodes, en gaujion dla seconda edizion dl Di dla Roda tles Dolomites con i trei joufs de Ciaulonch, Falzares y Valparola, scluc al trafich motorisé.
Les Dolomites sciche scenar sugestif y imprescionant, i colours de creps y pres tla plu bela lum de temperatures y meteo: enscí ne póssel nia mancé la motivazion per se fé na raida sun la roda na domenia de mez jugn.
Cheles y chi dla roda á sul percurs a anel lonch 51 chilometri y con n deslivel complessif de 1.290 metri, atraversé i zentri abités de Corvara, Reba, La Pli de Fodom, San Ciascian y La Ila, despassan ben trei joufs dolomitics. A la manifestazion á tout pert passa 6.000 ziclisć: pro chisc truepes eles, trueps mutons y ence ziclisć che jiva l prum iade con na roda eletrica. N bel suzes é ence steda la partezipazion de ziclisć da d’autres nazionalités sciche l’Inghiltera y la Francia. De dovei é ence steda per trueps la paussa sunsom i joufs per fé n retrat y tegní chieta na imprescion de n di resservé y dediché a la roda.

Y la "segra dles rodes" su per i joufs scluc a la motorisazion jirá inant en sabeda ai 23 de jugn con l "Sellaronda Bike Day" y spo la domenia al 1 de messel con la Maratona dles Dolomites.

Fotos: Su per trei joufs y tres vals ladines. Y do chest prum di resservé a chi dles rodes jirala inant con le "Sellaronda Bike Day" endoman sabeda ai 23 de jugn y spo con la Maratona dles Dolomites en domenia al 1 de messel 2018. (fotos: Freddy Planinschek)

De plu tla edizion de La Usc en vender che vegn!

Galaria retrac