La gran pert de Südtirol é online

Data

10 de messel 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Da na inrescida dl ASTAT vëgnel fora che plü co le 75% dles ciases y plü co le 99% dles imprjes é coliades a internet.
I tëmps se müda debota. Ciamó dan da 10 agn êl apresciapüch meses les families te Südtirol che â n coliamënt a internet. Na porcentuala che á arjunt dl 2017 le 75,2%, tanco bun trëi cherc. Chësc é ma un n dat che vëgn fora dala inrescida dl ofize provinzial de statistica ASTAT dal titul ”Les ativités di zitadins y dles imprejes te internet”, che se referësc al 2017. Pro les families che n’á ciamó degun internet, él le 41,5% che motivëia cun le fat che degun ne sá da l’adoré, y n 40% dij che al n’é nia d’öga o interessant.
L’ASTAT á ince orü savëi che che â adoré l’internet ti trëi mëisc dan la inrescida. Plü che l’eté crësc, plü che l’adoranza cara: chi da 16-34 agn röia sön le 93,8%, chi da 35-54 sön le 86,6% y chi da 55-74 agn sön le 54,6% (cun gran tendënza söpert). Le stromënt plü adoré por jí te internet é le smartphone, che vëgn adoré dal 82,5% di intervistá. Le 49,8% adora n laptop, le 48,9% n computer, le 22,5% n tablet.
Sce l’internet é bele tan slarié tles families, spo él tles imprejes tanco indlunch: Bëgn le 99,5% dles imprejes cun altamo 10 dependënc á almanco n pc colié a internet.
Chi che ó se lí la inrescida tl menü, pó la desćiarié sot chësc link:

http://astat.provinz.bz.it/de/aktuelles-publikationen-info.asp?news_action=4&news_article_id=615744


 (pablo)