Suns Europe 2018: musizisć ladins tolede pert!

Data

11 de messel 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Al é davert la bandida de concurs per l Festival dles cianties ti lingac de mendranza che sarà a Udin ai prums de dezember.

SUNSEurope é l Festival dles ertes ti lingac de mendranza dl’Europache se tegnirà a Udin al prum y ai 2 de dezember al teater “Giovanni da Udine”. L festival metù a jì vigni an da Cooperativa Informazione Friulana e Cooperativa Puntozero dol sostegn finanzial dl ARLEF (Agjenzie Regjonâl pe Lenghe Furlane) dla Region Friul, é spartì tles sezions dedichedes a la mujiga, a la poejia y ai film.

A Sun Europe pòn tò pert i artisć dles comunanzes linguistiches de mendranza reconesciudes da la “Cherta europeana per i lingac regionai o minoritars”.

Per tò pert ala sezion dles cianties méssen scrive ite dant dai 30 de messel l formular sun lsit internet www.sunseurope.com- “call 2018”. Sun l sit pon giaté duta la bandida de concurs.

Adum con la scheda, an mess mete dant l curriculum, la ciantia proponuda en format MP3,l test dla ciantia per ladin y sia traduzion per ingleis. 

Al vegnirà ametù demé composizions originales che ne fej nia pert di respetifs repertors tradizionai dles regions de origin.

Anter dutes les cianties ruvedes dant dal prum de setember vegniràn selezionés i toc finalisć, che vegniràn enviés a soné sie toch dal vif a Udin tl teater “Giovanni da Udine” al prum de dezember. Info y contac: www.sunseurope.com- info@sunseurope.com.  (lg)