30 agn Televijion Ladina

Data

12 de messel 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Avisa incö dan 30 agn, ai 12 de messel dl 1988, scomenciova les trasmiscions televisives per ladin con doi apuntamenc edemanai de 10 menuc porom y na trasmiscion de 30 menuc vigni terza edema. Recordon l aniversar di 30 agn! Chest auton podaronse spo festejé i 20 agn dl telejornal ladin TRAIL.
Bele l mesum é messaje, independentementer da si contegnú - chesta la teoria dl filosof y soziologh Marshall McLuhan chi agn 1980. Laota ne fovel nia ciamó l internet de massa, y nia i socials, y demé puecia jent ova n aparat da fé ju. Al di da encuei é duta la tecnologia valch de normal y da vigni di. Jan derevers de 30 agn é n dovei per la mendranza ladina, ajache avisa iló ova i ladins ciafé si prum canal televisif publich, che á podú se svilupé inant enfin te nosc dis y deventé l pan da vigni di dla informazion video ladina. Rové tla televijion con lingaz y imajes é per na mendranza sciche la ladina essenzial y sostanzial, y é sté per n grum de militanc dl mond cultural y politich ladin na gran sodesfazion do deseines de agn de impegn y desfides. Spo dl 2013, d’auton, giatova la RAI ladina sia autonomia, con n caporedadour - tla persona de Erwin Frenes - y n si format inovatif adaté ai debojens ladins. Les trasmiscions dla televijions podova vegní ampliedes, y vigni sera - aldefora dla domenia - possen da iló encá vedei ence da les 22:00 TRAIL, per 10 menuc a la longia.

Deplú tla edizion dla Usc stampeda da dodoman!