La documentaziun sanitara eletronica

Data

19 de setember 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Te Südtirol dess i iscric al sorvisc sanitar podëi ciaré ite da Gnissant 2018 inant online te sü dac de sanité y povedimënc albüs. Le "fascicul sanitar eletronich" é na novité che sparagna tëmp y grovaries
Sciöche la Provinzia de Balsan scri dess "dai 31 d’otober dl 2018 inant düc i zitadins y dötes les zitadines dl Südtirol che á complí 18 agn y é scric ite tl sorvisc sanitar provinzial podëi ti rové pormez online a so fascicul sanitar eletronich y ti ciaré iló a sü dac sanitars y ai intervënc albüs". L’azes vëgn a se le dé tres la cherta di sorvisc ativada o tres l’identité digitala SPID, y chësc indlunch y tres. Bele da mez otober dl 2018 inant gnará dötes les prescriziuns digitales ortiades al fascicul sanitar. I resultac dles proes fates dess gní metüdes a desposiziun cina la fin de novëmber tl Fascicul sanitar eletronich.

La novité gareta en gaujiun dl iter preodü dal "Plann de proietaziun por la realisaziun dl Fascicul sanitar eletronich tl Südtirol", che ti ê gnü porté dant dala Provinzia al Minister por la Sanité a Roma l’ann passé. Al contëgn les mosöres da realisé dal’aministraziun provinziala y dal’Aziënda Sanitara "Sabes" y i tëmps por le prozes. Al vëgn scrit dant n control di progresc di laurs tres l’autorité statala. L’introduziun dl FSE (fascicul sanitar) vá zoruch a na dezijiun dla conferënza Stat-Regiuns dl 2011. Les diretives sön l’introduziun dl fascicul digital ê gnüdes dades dant dan da n ann dal Minister por la sanité.

Dal’introduziun dl FSE s’aspeta la Provinzia vantaji por l’assistënza sanitara.  (Iaco Rigo)