Florian Zerzer proponü sciöche diretur general

Data

20 de setember 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Junta provinziala de Südtirol á dé jö so arat y proponü Florian Zerzer por la inciaria de diretur general dl’Aziënda sanitara provinziala (suzessur de Thomas Schael)


La Junta provinziala á ejaminé dantier les trëi candidatöres di candidac cun idoneité por la inciaria de diretur general dl’Aziënda sanitara provinziala. Al se trata de Florian Zerzer, diretur dl Departimënt Urbanistica, Irene Pechlaner, direturia dl Comprensore de Maran y de Thomas Schael, diretur general dl’Aziënda sanitara da denant. L’assessuria por la sanité y les politiches soziales, sön la basa dla discusciun gnüda fata tratan la sentada, á spo fat la proposta da nominé Florian Zerzer sciöche diretur general. La proposta é gnüda tuta sö positivamënter da pert dla Junta che á spo dé inciaria al’assessuria da arjigné ca la delibera y na proposta de contrat da aprové tratan öna dles proscimes sentades dla Junta por ti dé l’inciaria definitiva a Zerzer - chësc lascia al savëi la Provinzia te n so comunicat stampa.