Comentar de Pruma

Data

12 de otober 2018

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
"Dolomites Street" y "Dolomites Rally"
Degügn n'ó ti tó la ligrëza y adrenalina ai apascioná y piloc de auti sportifs, che vá cun desfratamënt sö por i jus dolomitics UNESCO, sciöche an foss te n anel de Formula 1. Degügn n'ó gnanca ti tó l'atmosfera plajora y inchersciora ai grups de motors da strada che vá sön Pordú a ciaré sorëdl che lea. A vignun sües ligrëzes, o? Le problem é tres ma chël che olache la liberté de un vá porsura y röia ia tla liberté dl ater, spo él interferënzes, destürbs, antipaties, sënns... Un che vá a pe sö por na sëmena de munt ne destürba nia un che vá cun l'auto o motor sö por n ju jö albas, mo al inzescü suzedel gonot. Ci fá spo? Lascé vignun fá ci che al ó - sciöche al é sté le caje cina sëgn - o smendrí y alisiré n pü' chësc paraisc de morvëia, nostes Dolomites, dala vera, dal fracac, dala Formula 1 y dai problems? Dan otedé ala ultima ediziun de "Dolomites Street" él sté deplü piloc che á pordü le control sön sü motors gaierc de marca (Ferrari, Lotus - él gnü dit) y l'á risćiada grossa: por se instësc y d'atri! Al n'é da ti aodé a degügn da jí fora de strada cun na Ferrari, tan de manco sce na bela Ferrari passenëia ite tan bun te na contrada dolomitica. Forsc criticunse ma dagnora demassa, ala fin fin podesson bel ti avëi la gola. Y sce la Ferrari ess indoman da deventé instëssa "Patrimone dl'umanité UNESCO"?  (de Iaco Rigo)