"Stille Nacht" complësc 200 agn

Data

18 de november 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Adincuntra a Advënt y Nadé: la ciantia "Stille Nacht, heilige Nacht" de Joseph Mohr y Franz Xaver Gruber é gnüda ciantada por le pröm iade dl 1818 a Oberndorf dlungia Salzburg.
"Stille Nacht, heilige Nacht" é la ciantia da Nadé plü conesciüda al monn. Ara é indicativa te test y melodia por la tradiziun nadalina tl raiun cultural todësch y alpin.

Val’ söla storia dla composiziun dla ciantia

A Madoínes dl ann 1818 portâ dant le pröm iade le maester de paisc y organist da Arnsdorf Franz Xaver Gruber (1787-1863) y le ploan aiutant Joseph Mohr (1792-1848) tla dlijia de San Micurá a Oberndorf dlungia Salzburg la ciantia "Stille Nacht, heilige Nacht". Mohr â scrit le test sciöche poesia bele l’ann 1816 a Mariapfarr y menâ do les edemes dan Nadé pro Gruber che al fajess na melodia lapró.
Aldedaincö é la ciantia da ciafé te chi 300 lingac sura döt le monn, ince te plü versciuns ladines.

Film cört dl iubileum di 200 agn de "Stille Nacht"

Le "Salzburger Land" recorda la composiziun y storia dla ciantia cun tröpes festivités. Por l’ocajiun él ince gnü realisé n video:

https://www.youtube.com/watch?time_continue=243&v=1_jUNLxHO3k


 (Iaco Rigo)