Comentar de pruma

Data

07 de dezember 2018

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
30 agn ladin te Südtirol
Le DPR 15-07-1988 nr. 574 y les normes d'atuaziun l'ann do, dl 1989, complësc 30 agn. N compliagn é chiló por ciaré derevers y ince inant. Da iubilé él tan inant che le ladin é gnü, y vëgn, ince adoré aladô de chësta lege tan fondamentala che ti pormët ai Ladins da adoré so lingaz dla uma a usc y por scrit tl'aministraziun publica (cun estlujiun dles Forzes armades y dles Forzes de polizia), operativa tles localités ladines dla provinzia, ti ënc locai y tles istituziuns scolastiches de chisc posć, ti ofizi dla provinzia che desfira sü sorvisc tles valades ladines y ince foradecá - tan inant che ai laora dantadöt tl interes dles popolaziuns ladines.
Le dërt da adoré n lingaz publicamënter y ofizialmënter ti surandá al lingaz n status plëgn, le mët ala per di atri lingac. I Ladins se meritass ciamó na maiú adoranza de so lingaz, sce i ponsun ales cuestiuns dan signoria, ala toponomatica fora dles vals ladines, ai avisc te ferates y autobusc de conzesciun publica. Chiló él da odëi püch y degun ladin, a so post él l'inglesc... y datrai ince d'atri lingac che n'á degöna tradiziun te nosc raiun cultural.
Cun la lege á i Ladins instësc ince n dovëi da adoré so lingaz, da le baié y le scrí indertöra. Y chiló mët man la orenté y ligrëza che i án: da ti dé le valur o ti tó le valur!  (de Iaco Rigo)