LA USConTOUR

media/k2/galleries/26431/thumbs/carlasce0.jpg
13 de fauré 2024

Al Plan: Paladina al Carlascé

Impresciuns fotografiches dla defilada da Carlascé, chësc mertesc ai 13 de forá.
Liberté ala fantasia ince chësc ann, por la defilada da Carlascé metüda a jí a Al Plan de Mareo, sot la bachëta dla Cooperativa Turistica. Tröpa jënt dl paisc y dai paisc vijins s’á mascheré sö y ti á dé vita a na defilada demorvëia.

Chiló n valgönes impresciuns fotografiches. Fotos: Pablo Palfrader
media/k2/galleries/25897/thumbs/musical0_gianvitococo.jpg
11 de dezember 2023

"Chë picia stria"

Impresciuns fotografiches dl musical te cater lingac, porté sön paladina tres la Uniun Ladins Val Badia
Le musical "Chë picia stria" é sëgn storia. Do cater rapresentaziuns cun gran suzes de publich, ves publicunse chiló valgünes fotografies, metüdes a desposiziun dal team dl musical. Ares é dötes fates da Gianvito Coco.

Deplü sön le musical ciafëise spo ince t’La Usc di Ladins di 15 de dezëmber
media/k2/galleries/24655/thumbs/istesonladlacia_freddyplaninschek.jpg
22 de agost 2023

"Isté sön la dlacia" a Corvara

Valgünes impresciuns fotografiches dl spetacul sön la dlacia, pité ai 17 d’agost a Corvara
Danter i apuntamënc dl isté tl’Alta Badia tochel vigni ann danü ince n spetacul sön la dlacia, che vëgn desfiré tl stade da Corvara. Insciö ésera ince stada en jöbia sëra ai 17 d’agost, canche al é gnü invié al "Isté sön la dlacia". Jadinadësses y jadinadus dl post, campiuns de livel nazional y internazional á pité n spetacul che á cherdé alerch n gröm de jënt dl post y nia, y á pité morvëies artistiches bel assá.

Chiló n valgünes impresciuns fotografiches, metüdes a desposiziun da Freddy ...
media/k2/galleries/24651/thumbs/ciantesonmunt0_pablopalfrader.jpg
21 de agost 2023

12. Cianté sön Munt da Rina

Le Cor Col dla Vedla da Rina á metü a jí la domënia ai 20 d’agost la 12. ediziun dla incuntada de cors. Les impresciuns fotografiches
N miú tëmp n’ess i organisadus nia podü se dejidré, por la 12. ediziun dl "Cianté sön Munt da Rina". Sot a sorëdl, cialt y cil bröm él gnü zelebré la santa mëssa, abelida dai cors partezipanc, denanche i lascé la paladina ala "Böhmische" da Rina. Domisdé s’á spo lascé aldí cun dui toc porom düc i 12 cors o grups che á tut pert. I ves pitun chiló n valgönes impresciuns fotografiches. Deplü sön le "Cianté sön Munt" ciafarëise plü inant t’La Usc stampada.

Fotos: Pablo Palfrader
media/k2/galleries/24588/thumbs/Ciamorces.jpg
16 de agost 2023

Festa de la Jent da mont a Ciampedel: vèlch retrat

En Sènta Maria Maor l é stat rengrazià chi che à fat la storia del alpinism, recordà chi che é morc e chi che se dèsc jù duc i dis per salvèr vites e festejà i Ciamorces e si ‘senatores’. La sociazions de volontariat é states protagonistes de la prozescion ofertorièla e la bezes à portà la manes sun utèr.
Soreie e piaz pien de jent en mèrtesc, festa de Sènta Maria Maor, a Ciampedel per chela che tradizionalmenter vegn chiamèda ‘Festa di Omegn da mont’, ma che anchecondì fossa miec ge dir ‘Festa de la Jent da mont’, ajache semper de più l é la femenes che va sa mont e che sui crepes les porta socors e les vida la persones en segureza. Desche la Madona – à dit don Mario Bravin te la messa – che ne moscia l zil e la ne disc olà meter i piesc canche l troi é adort e senester e stenton a jir ...
media/k2/galleries/24536/thumbs/FtM_2023_Alpins_polenta.jpg
09 de agost 2023

De bie retrac de la Festa ta Mont

L é stat endò na bela Festa ta Mont, la sabeda l temp no à didà ma la domenia l é stat soreie e gran partezipazion
L é peà via pien de gaissa, l grop de joegn del Comitat Festa ta Mont, per meter a jir na neva edizion de la più bela festà del istà a Poza. Ence chest an l scomenz no l é stat ampò di miores, con nigoles e pievia la sabeda da doman; la domenia enveze la giornèda é scomenzèda con ciel seren e n bel soreie, che à tirà te la mont de Poza n maraut de jent.

De più podede lejer su La Usc stampèda de vender ai 11 de aost. Chiò podede veder i retrac de la festa.

media/k2/galleries/24507/thumbs/defilada0_gianvito.jpg
07 de agost 2023

"Le Rëgn de Fanes" a Al Plan

Impresciuns dla gran defilada dles liëndes, gnüda a s’al dé la domënia ai 6 d’agost
Tla fin dl’edema di 5 y 6 d’agost él sté festa da d’isté a Al Plan de Mareo. N punt culminant é gnü a s’al dé la domënia domisdé cun la gran defilada dles liëndes "Le Rëgn de Fanes". I ves pitun chiló na bela cumpëda de impresciuns fotografiches.

Deplü sön la defilada ciafëise t’La Usc di Ladins di 11 d’agost
media/k2/galleries/23935/thumbs/conzert0_freddy_planinschek.jpg
13 de jugn 2023

Conzert de conclujiun dla Scora de Musiga

A Badia él sté le conzert de conclujiun dla Scora de Musiga Val Badia: i ves pituns n valgönes impresciuns fotografiches, metüdes a desposiziun da Freddy Planinschek
Vigni ann, püch denanche les bronsines de scora sones por l’ultim iade, él ciamó n apuntamënt musical important tla valada. I baiun dl conzert de conclujiun dla Scora de Musiga Val Badia, che é – sce an ó dí insciö – la cherscia söla turta do n ann musical de ligrëza, impëgn y lezitënza. Al é l’ultim apuntamënt do i conzerc interns che é gnüs tignis bele te plü paisc ia por l’ann. En chësc ann é le conzert de conclujiun sté en mercui ai 7 de jügn tla Ciasa Runcher a Badia, olache le diretur dla ...
media/k2/galleries/23591/thumbs/dessegns0.jpg
12 de mei 2023

Concurs Raiffeisen: i dessëgns premiá

Le "tigní adöm" odü dai mituns: a San Martin él gnü a s’al dé la premiaziun dla 53ejima ediziun dl concurs de dessëgn Raiffeisen. Chisc é i dessëgns premiá.
Le concurs de dessëgn Raiffeisen é le concurs de dessëgn plü gran dl monn, che vëgn tigní ann por ann ince tla Val Badia, organisé tres la Cassa Raiffeisen dla valada en colaboraziun cun les scores. En chësc iade i ára toché a scolares y scolars dles elementares y dla mesana di comuns da La Val y San Martin de Tor. Döt adöm él gnü dé jö 280 dessëgns – 186 dles scores elementares y 94 dla mesana – te chi che y jonins â da traté le tema: "NOS. Co ciara pa fora le tigní adöm?"
La premiaziun é gnüda ...
media/k2/galleries/22718/thumbs/carlasce8.jpg
21 de fauré 2023

Impresciuns dl Carlascé d’Al Plan

Do dui agn de palsa sforzada, él indô garaté la gran defilada fora por la strada prinzipala dl paisc
Dui agn án messü lascé ester por gauja dl Covid, mo iniann ésera indô gnüda a s’al dé. I baiun dla gran defilada dl Carlascé d’Al Plan, organisada tres la Cooperativa Turistica chësc mertesc ai 21 de forá domisdé. N gröm de jënt dl paisc y da d’atri paisc dla valada é gnüda a fá para, y ciamó n iade tanta é gnüda a ciaré pro. Deplü ves cuntarunse t’La Usc stampada. Chiló ves pitunse n iade valgünes impresciuns fotografiches.

Fotos: Pablo Palfrader/La Usc di Ladins
media/k2/galleries/22290/thumbs/ZSC_9611.jpg
19 de jené 2023

Le Maroco davagna le "snowfestival"

En mercui sëra él sté la premiaziun dl 32. festival dles scoltöres tla nëi d’Al Plan y Sanciana. Te Mareo á davagné le Maroco cun "La speranza pordüda"
Chëra dl Maroco é na scoltöra che dá n messaje tler. Tla opera "La speranza pordüda" él da odëi n ël sön na barca cun laite na pera dla fossa, che vëgn bel plan injopé da na gran ora dl mer. Rachid Jouida, Sophiue Bourkab y Omar Gammaoui fej cuaji n "monumënt" y zënzater ince n amonimënt por ti dé visibilité a chi muciadus che pëia ia plëgns de speranza adincuntra a n miú dagní, mo perd spo la vita tla traversada prigorosa dl mer. Cun passa 1.700 usc á le Maroco davagné, dan la ...
media/k2/galleries/22272/thumbs/st1.jpg
17 de jené 2023

Na proa cun 150 socoridus

N valgönes impresciuns fotografiches dla gran eserzitaziun dles organisaziuns de socurs dl'Alta Badia stada en jöbia ai 12 de jená sön Piz Sorega
I pipseri di stödafüch y dles atres organisaziuns de socurs dl'Alta Badia á soné en jöbia sëra dales 19:25. L'alarm é gnü dé por via de n medefüch rot fora tla ütia Piz Sorega a San Ciascian cun deplü porsones ferides. An savô indere che chësc iade ne se tratara – por fortüna – nia de n intervënt real, mo de na eserzitaziun, organisada dai Stödafüch da San Ciascian, che á cherdé ite ince i grups da Calfosch, Corvara, La Ila, Badia y La Val y les atres organisaziuns de socurs dl'Alta Badia: le ...
media/k2/galleries/21789/thumbs/1669066851863.jpg
30 de november 2022

Creativité y solidarieté pro le Marcé dl Cufer

A Corvara él iniann indô gnü tigní le "Marcé dl Cufer", cun 27 esposituries y esposidus dla valada y nia ma
Iniann ésera indô garatada: do la palsa sforzada por la situaziun cun le Covid, á la Uniun dles Ëles da Corvara metü a jí en domënia ai 20 de novëmber le Marcé dl Cufer, tl salf dles manifestaziuns dl paisc. Ara se trata de n marcé particolar, olache al röia adöm n gröm de porsones che mët en mostra so förtl y sües maestries da pastlené ogec y cosses demorvëia. Condiziun da tó pert ê che al foss porsones che le fej por hobby. Tla cornisc dla iniziativa él ince gnü invié ia n’aziun de ...
media/k2/galleries/21550/thumbs/rait1.jpg
07 de november 2022

Ciavai, musiga, guanc y tradiziun al Rait de San Linert

Inier, domënia ai 6 de novëmber, él garaté le Rait de San Linert dles valades ladines y de Südtirol
La nëi arsida püc dis denant, che s'á moscedé cun i bi corusc dl altonn, ti á scinché na cornisc particolara a chësta bela manifestaziun che manciâ da dui agn y sön chëra che tröc se confortâ. Chiló publicunse deplü fotografies dl Rait, che é gnü organisé iniann en colaboraziun cun les Uniuns di Ladins y cun la Uniun Generela di Ladins dla Dolomites. 

Düc i retrac é de Freddy Planinschek. 

Deplü podëise lí tla ediziun da en vëndres ai 11 de novëmber.


media/k2/galleries/21075/thumbs/Oies_2022_1_benvegnu_SenLinert.jpg
25 de setember 2022

I Ladins a Oies: i retrac

N reportage fotografich dl bel pelegrinaje dla jent ladina per onoré Sènt Ujöp Freinademetz, metù a jì en sabeda ai 24 de setember da la Union Generela di Ladins dla Dolomites deberieda con la Union di Ladins de Fascia y con la colaborazion de dutes les Unions di Ladins.
I retrac moscia i momenc plu emportanc. La enconteda de duc i pelegrins ladins tla gliejia de S. Linert de Badia y l moment de recort sun fòssa dla president onorara Hilda Pizzinini te Cortina de Badia. La Via Crucis perian per ladin dal codejel "Na orazion sun l iade" y la beliscima santa Messa zelebreda da siur Iaco Willeit degan dla Val Badia y conzelebreda da don Mario Bravin de Fascia y da pater Franz Senfter da Oies, viventeda con gran braura dal Cor di joegn de Poza mené da Vanessa ...
media/k2/galleries/20918/thumbs/stodafus0.jpg
13 de setember 2022

125 agn Stödafüs d’Al Plan: les fotos dla festa

N aiüt che döra da 125 agn incá. I Stödafüs d’Al Plan á festejé tla fin dl’edema passada so iubileum de 125 agn. Valgünes impresciuns fotografiches.
Na festa plajora él garaté en gaujiun dla segra d’Al Plan, olache i Stödafüs dl paisc á podü recordé le gran iubileum de 125 agn. Do che an á metü man la sabeda sëra cun musiga y aorela cörta, é la festa ofiziala gnüda a s’al dé la domënia ai 11 de setëmber. Dales 9:30 é piada ia da magazin di stödafüch la marcia dles organisaziuns, cun totes y autorités, acompagnades dala Musiga d’Al Plan. Te dlijia él spo gnü zelebré la gran mëssa da festa y de rengraziamënt, abelida solenamënter dala ...
media/k2/galleries/20369/thumbs/ujop0.jpg
23 de messel 2022

"Ujöp da Oies": premiera garatada

I ves pitun valgünes impresciuns fotografiches dla premiera dl teater musical "Ujöp da Oies", garatada en vëndres sëra ai 22 de messé
Do agn de laur intensif ésera finalmënter garatada. I baiun dla premiera dl teater musical "Ujöp da Oies", gnüda a s’al dé en vëndres sëra. Le teater musical che cunta dla vita de Sant Ujöp Freinademetz é nasciü da n proiet metü en pe dala Müjiga de Badia y le Sorvisc ai Jogn Val Badia - sot la coordinaziun de Philipp Lerchegger y Stefanie Burchia por la Müjiga, sciöche ince Valentin Erlacher - ex coordinadú dl Saj. I tesć dl teater é de Carlo Suani, le componist Antonio Rossi á fistidié dles ...
media/k2/galleries/20148/thumbs/siurpaul0.jpg
04 de messel 2022

Rina y Antermëia festejëia siur Paul

Les döes ploanies á recordé i 50 agn da prou de siur Paul Campei: impresciuns fotografiches

Ai 25 y 26 de jügn él sté la comunité da Rina, ai 2 y 3 de messé la comunité d’Antermëia. Intrami i paisc á fat gran festa por le iubileum de 50 agn da prou de siur Paul Campei. Siur Paul á socodí 29 agn alalungia la ploania d’Antermëia y 20 agn chëra da Rina. Les döes comunités á festejé la sabeda cun iluminaziun dl paisc, la domënia cun mëssa da festa.

T’La Usc di Ladins di 8 de messé ciafëise deplü sön les festes. Chiló ves pitunse val’ impresciuns fotografiches. (pablo)

media/k2/galleries/20068/thumbs/labirint0.jpg
27 de jugn 2022

La Val á inaudé le labirint de meditaziun

En domënia dl Cör de Gejú él gnü inaudé a Dlijia Vedla da La Val n labirint de meditaziun, realisé tres le Grup de meditaziun dl paisc: n post por perié, lascé palsé l’anima y daidé rové zoruch pro se instësc
Oraziun y meditaziun á per se le fin da acompagné la porsona pro se instëssa, da la porté zoruch al’essënza de süa esistënza, da la condüje plü daimpró a Chël Bel Dî. Formes y manires él n gröm: öna de chëstes é i labirinc de meditaziun. Bele de forá ânse presenté t’La Usc la orenté da realisé n te labirint danter les fondamëntes de Dlijia Vedla a La Val. Le proiet é gnü porté inant dal Grup de Meditaziun da La Val y en domënia dl Cör de Gejú ésera stada tan inant che an á podü le benedí. Ala ...
media/k2/galleries/20011/thumbs/sternfahrt0_cRalf_Pechlaner_AVS_32.jpg
23 de jugn 2022

Lungiarü: "Sternfahrt" garatada

Passa 300 porsones á tut pert en domënia ai 12 de jügn ala "Sternfahrt" – la incuntada anuala dl AVS Südtirol. Iniann ésera stada a Lungiarü, olache al é garaté n program rich y desvalí, cun la colaboraziun de tröpes porsones
Soghé, s’la spaziré, passé n bel tëmp deboriada... Chisc é ma trëi aspec che caraterisëia la "Sternfahrt" dl Alpenverein Südtirol – na incuntada che vëgn a s’al dé ann por ann te n ater post. I ultimi iadi éra baldi tomada fora por gauja dla pandemia. Insciö ince l’ann passé, canche ara foss stada söl program a Lungiarü. Iniann ai 12 de jügn ésera finalmënter stada tan inant y dopró mësson dí che al á paié la mëia da aspeté. Sot a n cil bel bröm y temperatöres da sté saurí á le paisc dl ...