Na roa (simulada) cun trëi morc

Data

21 de mei 2016

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Gran eserzitaziun la sabeda ai 21 de ma a Al Plan de Mareo. Na roa ingrava ite 3 auti y plü porsones. Indöt 15 feris y trëi morc.
An sá tan important che al é por les forzes de socurs da porvé fora ince les situaziuns plü estremes. Chësc dëida ciafé arjigné i socoridus ai caji reai, da porvé fora n intervënt, da ciafé fora i fai por podëi insciö mioré. Cun chësc fin án metü da jí en sabeda ai 21 de ma na gran proa a Al Plan de Mareo. Ara se trata de na proa MANV - Massenanfall von Verletzten, olache al é gnü simulé na maiú roa te paisc. Roa che á ingravé ite deplü auti, mo ince sopolí porsones. Indöt án albü da socodí 18 porsones. Chinesc de chëstes ê ferides, trëi é stá i morc. I feris é gnüs arjigná aladô che ai ciarass fora scialdi realistics, cun ferides ince pesoces. La proa é gnüda inviada ia sön proposta dl Comun de Mareo - cun le vizeombolt Marco Pizzinini - y organisada tres la Crusc Blancia, suradöt tres le volontar dla seziun mareo Alex Moling.
Ala proa á tut pert döt adöm incër 200 forzes d’intervënt. Por spezifiché i grups: i stödafüch d’Al Plan, La Pli, Rina, San Martin y La Val, deplü seziuns dla Crusc Blancia dla Val Badia, Gherdëna y ince Puster, le grup d’intervënt asvelt (Schnelleinsatzgruppe), le grup por la rapresentaziun realistica di inzidënc (RUD), l’Assistënza Spirituala, doturs dl ospedal da Bornech, le grup de socoridus d’ega da Bornech, Aiüt Alpin Al Plan y La Val cun n socoridú cun i cians.

Deplü t’La Usc di Ladins di 27 de ma.  (pablo)

Galaria retrac