Les fotos de ”Picio Muck”

Data

22 de agost 2016

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Gran suzes á albü les trëi rapresentaziuns dl musical ”Picio Muck - en picio möt, mo na gran porsona”, stades ai 20 y 21 d’agost a Al Plan de Mareo.
Cun l’ultima rapresentaziun stada ai 21 d’agost da sëra, é jü a piz n proiet de suzes - le musical ”Picio Muck - n picio möt, mo na gran porsona”. Ara se trata de n proiet porté inant chësc isté dal Sorvisc ai Jogn Val Badia, sot la organisaziun y coordinaziun de Stefanie Kaneider d’Al Plan. Por bëgn cater edemes alalungia á 26 mitans y mituns da 8 a 13 agn dé döt por arjigné ca chësc toch te 4 lingac (ladin, talian, todësch y inglesc), acompagná da Sofia Pisching tla direziun musicala, Barbara Rottensteiner Comploi tla rejia y coreografia y Maria Frenner ti costüms y tla grafica. Le toch é tut dal original ”Der kleine Muck” de Wilhelm Hauff, cun tesć de Heike Büttner & Maria Merkle. L’adataziun tl ladin é gnüda fata da André Comploi. Chiló ves pitunse n valgönes impresciuns fotografiches dl musical che á mostré döt le förtl che ara vá da trá fora dai jonins. Ai á mostré n spetacul demorvëia, premié da n gran publich y tröc aplausc.

T’La Usc di Ladins di 26 d’agost ciafarëise deplü.
 (pablo)