L’Alta Badia sot al sëgn di palons

Data

17 de jené 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’Alta Badia se presentëia chësc ann cun na novité. Cina ai 22 de jená án la poscibilité da odëi la contrada dal alt, plü avisa cun n palon aerostatich. Valgünes fotografies.
Chisc dis pón odëi tl cil sura l’Alta Badia deplü palons che pëia ia ala descurida dles Dolomites dal alt. La manifestaziun á metü man en sabeda ai 14 de jená da sëra, cun n evënt de presentaziun. Iló án podü odëi tl zënter da La Ila na ligna de palons aerostatics de vigni corú, te n spetacul de löms, flames y musiga. Cina ala domënia ai 22 de jená ti gnarál ciamó dé la poscibilité a düc i interessá da se fá n iade sön n palon aerostatich y odëi la belëza de nostes munts y de nüsc paisc dal alt. La direziun dl iade ne pón nia se chirí fora, mo al sará le vënt che trasporta le palon y i passajiers, che pó se gode le chît y la calma dl cil. Na odüda che despaia magari ince les temperatöres valgamia frësches. La manifestaziun vëgn organisada en colaboraziun cun le Dolomiti Balloonfestival y les prenotaziuns pon fá diretamënter sön la plata internet www.balloonfestival.it.  (pablo)