”Ariel”... tan bel!

Data

12 de agost 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Impresciuns fotografiches dala premiera dl musical da mituns ”Ariel, danter tera y mer”.

Le salf dles manifestaziuns d’Al Plan ê toch y plëgn, en vëndres ai 11 d’agost da sëra. Al ê söl program la premiera de ”Ariel, danter tera y mera”, n musical te cater lingac che i vá do ala storia originala de Hans Christian Andersen y do le film animé dla Walt Disney. Al cunta dla sirena Ariel (Kristin Moling), che tralascia tres indô so monn tl ozean por i rové plü davijin ales porsones umanes. Chësc cina che ara salva le prinz Eric (Marcus Costalunga) rové en dificolté cun le bastimënt y s’inamorëia de ël - tan da i ”vëne” süa usc ala stria Ursula (Miriam Campei), por ciafé iames al post dla coda y porvé da jí tl monn uman a realisé chësc amur.
Le musical é na produziun dl Sorvisc ai Jogn, che á podü se lascé sön porsones competëntes por le porté sön paladina. Bëgn 25 mitans y mituns dla Val Badia s’á arjigné ca n mëis alalungia a chësc momënt y le resultat é daldöt garaté.
L’organisaziun y coordinaziun dl proiet é de Stefanie Kaneider, la direziun musicala de Sofia Pisching, i costüms y la grafica de Maria Frenner, la rejia y coreografia de Barbara Rottensteiner Comploi - che á ince fat l’adataziun dl toch. Les traduziuns tl ladin, inglesc y talian é de André Comploi. 
Le toch vëgn ciamó presenté chësta sabeda ai 12 d’agost dales 15:00 y dales 20:00, sciöche ince la domënia ai 13 d’agost dales 18:00, te salf dles manifestaziuns d’Al Plan. L’entrada é lëdia, 30 menüc dan le mëteman.

I ves pitun chiló valgünes impresciuns fotografiches. Deplü ciafëise spo t’La Usc di Ladins di 18 d’agost.
 (pablo)