La Usc di Ladins

Ence chest an l’ùltima sabeda de setember l’Union Generela di Ladins dla Dolomites, chest an didèda da l’Union di Ladins de Fascia, l’à metù a jir l pelegrinaje de la jent ladina a Oies dal sènt ladin Giosef Freinademetz.

Per l’ocajion i fidei da duta la valèdes i se à binà entorn mesa la does te gejia de Sènt Linert olache l Cor de Soraga da Fascia l’à fat na ciantia per la Madona. Te cortina l’é stat portà n fior sun fossa de la storica presidenta di Ladins, Ilda Pizzinini e dò se é ponté demez per l pelegrinaje.

Enlongia l troi envers Oies l’é stat dit sù orazions per ladin da vigni valèda e per ladin dolomitan, l’era n muie de jent col guant, la bandiera di Ladins de Fascia e ence n confalon de Sèn Giosef Freinademetz portà ca da la parochia de Pera te Fascia. Ensema ai fidei en procescion l’era l decan de Fascia don Mario Bravin e l decan de la Val Badia Siur Iaco Willeit che i à ence dit messa per ladin ensema a Pater Franz.

Endèna perdicia Siur Iaco l’à recordà l’emportanza de na union ladina vidèda dant da dut dai gregn valores cristiegn.

Dut l’articol su La Usc di Ladins de vender ai 6 de otober.

 (vr)