Incö ai 7 de jügn él le gran de: dales 12 ploanies dla Val Badia pëia ia la gran prozesciun, olache incër mile omi y jogn se mët sön tru por arjunje le santuar de Jeunn sura Tlüses. I plü bunoris é chi da Calfosch, che é bele piá ia dales 5:30 da doman. Daimproía é spo piá ia chi da Corvara dales 5:45, chi da San Ciascian dales 5:50, chi da La Val dales 6:30, chi da La Ila dales 7:15, chi de Badia, da La Pli y d’Al Plan ales 7:30, chi da San Martin dales 8:30, chi da Rina dales 9:00 y inultima chi da Lungiarü, che piará ia dales 11:00. Iniann él ince le Vësco Ivo Muser che vá para. Al é pié ia deboriada cun chi da La Pli de Mareo.
Al é trëi dis de prozesciun, de meditaziun y de oraziun. A düc chi che vá impara, ti aodunse n bun iade por sanc y i periun che ai toles ite te sües oraziuns i bojëgns de sües families, de sües comunités y de sü paisc.
I ves pitun valgünes fotografies da La Pli, Al Plan, San Martin y La Val.
T’La Usc di Ladins di 15 de jügn ciafarëise spo deplü plates cun pinsiers, impresciuns y informaziuns. (pablo)
Jeunn: la gran prozesciun é piada ia
Les prömes impresciuns fotografiches dla prozesciun, da valgügn paisc dla valada.
Galaria retrac
- Denanco pié ia: mëssa cun le Vësco Ivo Muser a La Pli.
- Sön plaza da La Pli: Le Vësco Ivo Muser cun siur Klaus Sottsas.
- Chi da La Pli é sön tru.
- Chi da La Pli vëgn acompagná le pröm toch dai confaruns.
- La prozesciun de chi d’Al Plan.
- La prozesciun de chi da San Martin.
- Chi d’Al Plan pëia ia.
- Ara vëgn da pié ia a San Martin.
- Sön ur’ de strada a San Martin ince i mëndri de scora y scolina che salüda i peri.
- Da doman adora sön plaza de dlijia a La Val. La prozesciun pëia ia.
View the embedded image gallery online at:
https://www.lausc.it/la-usc-on-tour/7495-jeunn-la-gran-prozesciun-e-piada-ia#sigProId9c5cdfc283
https://www.lausc.it/la-usc-on-tour/7495-jeunn-la-gran-prozesciun-e-piada-ia#sigProId9c5cdfc283