Manifestazions atuales

Data

17 de fauré 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 17 de fauré
Trasmiscions TV y Radio
Programazion ladina sul canal 642 TML
Sul canal de la mendranzes linguistiches TML (642) ogne sabeda taca la neva programazion ladina de la setemèna, organisèda te bloches de zirca 3 ores che pea via: de sabeda h. 7.00 e 17.30; de domenia h. 10.30 e 21.00; de lunesc e de jebia h. 14.00 e 21.00; de mèrtesc e de vender h. 10.30 e 17.30; de mercol h. 7.00 e 14.30. Duc i dis da les 7.00 e dapò h. 9.15, 12.30, 19.30 e 22.30 se pel veder l TG Ladin e h. 7.15 e 12.15 e 19.45 l'é l program istituzionèl "Da Fascia en curt". Dò se pel veder spezièi e de sabeda, domenia e lunesc la neves da La Usc di Ladins. Da les 7.30, 14.00 e 17.00 vegn manà fora i cartons per bec. Te la programazion se pel veder l rotocalch setemanèl "Pedies", che va semper fora de sabeda h. 8.00 e 20.00, de domenia h. 8.00 e 22.00 e dapò fora per duta la setemèna, e la rubrica de sport "Finalzil" de sabeda h. 8.15 e 20.15; de domenia h. 12.15 e 22.15 e en replica duta la setemèna. L'é dapò i programes de musega e teater, chi culturai de "L Cianton de l'Istitut" e etres spezièi.
L palinsest é a la leta dal link http://www.tmltv.it/palinsesto.php e la maor pèrt di programes é da poder veder ence sul web da Youtube o Facebook sot Programazion Ladina TML. Per ciapèr vigni setemèna per mail la newsletter con oraries, neves e video de la Programazion ladina TML se pel se enscinuèr a: http://www.comungeneraldefascia.tn.it/newsletter/subscribe.

TELEVIJION

Merdi ai 21 de fauré dala 20:50 - Paisc dla Ladinia vita y storia: Chièrz
Le paisc de Chièrz é tla val de Fodom, a 1650 metri sura le livel dl mer, y tratan la pröma vera mondiala él gnü destrüt, mo la popolaziun é indo stada bona da se fá sö les ciases. La picera dlijia fata sö tl 1876 y dedicada ala Santa Crusc ié romagnüda en pé ince tratan la vera. A Chièrz, n paisc olache al dá tröp sorëdl virél al dedancö 41 porsones, y ince n valgönes families jones. Te paisc él ciamó da odëi n murin eletrich, che ne é nia plü en funziun, mo che i paurs á adoré dër tröp ti agn passá, canche a Chièrz êl tröc ciamps. Program de Erika Castlunger, camera y tai de Hans Peter Karbon, a cura de Alessandro Dapunt.
Mierculdi ai 22 de fauré dala 20:50 - Trail Spezial: Giagres de steiles
A cura de Margherita Detomas.
Juebia ai 23 de fauré dala 20:50 - Euro TV - magazin d'economia
Program de economia dles valades ladines de Diego Clara y Hartmann Mairhofer, produziun de ZAK Multimedia, a cura de Leo Senoner.

RADIO

"LADINIA LIVE": Microfons davierc sun atualità y cultura
La trasmiscion ie da audì uni merdi y mierculdi dala 13:45 ala 14:00 sun la frecuenzes de RAI LADINIA
La trasmiscion "DAI CRËPES DL SELA" ie da audì uni di dala 19:05 ala 19:30 sun la frecuënzes de RAI LADINIA
Vënderdi ai 17 de fauré - Vester da 60 ani incà pra na lia ie n gran merit
L Cor de Sëlva à pra si senteda generela pudù sëurandé a si cumëmber Albert Perathoner da Linacia l diplom per i 60 ani de atività. N program de Alex Runggaldier.
Sada ai 18 de fauré - "Momënc de vita – intervista a Carlo Kostner"
Carlo Kostner de Vijo de Cajarin da Corvara nes cunta sciöche al á metü man da jí cui schi ti agn 30 a Corvara y sciöche al é nasciü la scora de schi de Corvara tl altonn dl 1945. La manira de jí cui schi, le material, les pistes, i lifc: döt chësc é scialdi mudé, döt mëss jí plü snel y l'important aldedaincö é jí tröp cui schi, mo laôta stô n maester de schi cun i prinzipianc n'edema sön ciamp sot al lift de Col Alt a ti insigné co fá les otes y co jí a cadrëia. Program de Erika Castlunger.
Dumënia ai 19 de fauré - Tradizions y usanzes ntëur l Carnescià
L Carnescià ie zënzauter carateristich per l mëns de fauré; ma co fajovenpa Carnescià zacan te nosta valedes? Marta Senoner nes conta zeche sun tradizions y usanzes ntëur al tëmp plu mat dl ann. Na trasmiscion de Georg Mussner.
Lunesc ai 20 de fauré - Campiunac dl mond schi nordich a Lahti
A Lahti tla Finlandia mëtel man i campiunac dl mond de schi nordich, cun la partezipazion nce de truep atlec ladins, n valguni nchinamei cun speranzes de bedaia. Ntervista cun l trainadëur dla naziunela taliana de saut dl'ëiles Romed Moroder. Program de Leo Senoner.
Mierculdi ai 22 de fauré - Almanach 2016
Presentazion de la quinta edizion de l'Almanach che sporc la regoeta de fac e curiositèdes de l'an passà. Con Manuel Riz jon tres la patofies che el à enjignà vigni meis per recordèr e se fèr ence vèlch grignèda sui fac sozedui. L'Almanach de l'Union di Ladins de Fascia bina adum ence "piroles" sui avenimenc mendres, n personaje ladin da cognoscer miec e piates dedichèdes ai ortames coi consees de l'Azienda Agricola Soreie. Program de Anna Mazzel.
Juebia ai 23 de fauré - Mo n pier...
A Urtijëi se fej lerch la produziun artejanala dla bira. La buanda da flocures, scüra o lominosa é da dangëra incá bëgnorüda por se paré dala sëi o fá na viva en compagnia. RAI Ladinia s'á tigní sö tla berstot dla bira te Gherdëna, por ves cunté tl monü de chësta ativité. Program de Sara Frenner.

Informaziuns plü menüdes söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota "Mediateca" y les trasmiscions radio sota "Podcast".

Temp lede
Se lascé depënjer su l mus per Carnescià
N juebia ai 23.2. tla ufize de turism Active & Events sun plaza Nives te Sëlva puderà granc y pitli se lascé depënjer su l mus da pavël, da ciof, da vel' tier o zënza zeche che ve sà bel. Na artista jëuna sarà iló a ve fé su. Chësc vën fat debant.
Festa da Carnescià cun i Pëufla
N Juebia Grassa ai 23.2. dala 20.00 inant tla sala dla mostres tla Cësa di Jëuni, Ert y Cultura a Urtijëi sun Plaza S. Antone.
Desmustrazion da Carnescià cun la Scola de Schi de Sëlva
N Juebia Grassa ai 23.2. dala 21.30 sun l purtoi da Frëina.
Salvé zachei tla nëif cun i cians da levina
N vënderdi ai 24.2. dala 10.00 ala 12.00 sun Mont de Pana a S. Cristina. I Judacrëp y chëi dai cians da levina fej na proa de n ntervënt te na levina y mostra coche l vën fat. Duc i nteressei possa judé pea a crì cun sondes y pipseri.
Striunëc cun "Mago Remì"
N dumënia ai 26.2. dala 16.30 sun Paza Nives te Sëlva. Show nueva! Unide duc n mascra. L ne n'ie nia da paië a cialé pro
Vijita meneda ala dlieja da Sacun
Uni mierculdi dala 9.30 vëniel pità na vijita meneda ala dlieja da Sacun, sciche plu velda dlieja dla val y cun si opres d'ert de gran valuta.
Per jì pea iel da se nuté su nchin la 18.00 dl di dant tla Lia dl Turism de Urtijëi, tel. 0471 777600.
Jí cui schi de nöt
En mercui ai 22 de forá dales 20.00 ales 22.00, sön la pista "Doninz" a La Ila.
Domisdé tl Museum Ladin Ursus ladinicus
En mercui ai 22 de forá é düc i mituns da 5 a 12 agn inviá da tó pert a n domisdé tl museum a San Ciascian. Dales 17.00 podará i mituns vijité le museum y tó pert a n laboratore didatich. Prenotaziun tl ofize turistich da San Ciascian, anter en chël de dales 12:00.
Desmostraziun de düli
En jöbia ai 23 de forá, pro la ütia Edelweiss a Calfosch. La incuntada mët man dales 13.00 y an á ince la poscibilité da se fá na fotografia cun düli y ciuites.
Festa da Carnescé a Calfosch
En jöbia grassa ai 23 de forá, dales 14.30 inant, vëgnel metü da jí sön la pista "Colfosco" a Calfosch na festa da Carnescé. Al sará de vigni sort de animaziun por i mituns, adöm cun i clowns, y al ne manciará sambëgn nia tröpa musiga y devertimënt.

Sport
Partides dl HC Gherdëina dl campiunat AHL
N merdi ai 21.2. dala 20.30 juega l HC Gherdëina contra SG Cortina
tl stadio Pranives de Sëlva. N juebia ai 23.2. dala 20.30 a Cianacëi jugherà l Gherdëina contra i Fassa Falcons.
Hockey Serie C: HC Gherdëina II contra Sterzing II
N vënderdi ai 24.2. dala 20.30 tl stadio Pranives de Sëlva saràl la partida dl Master Round danter l Gherdëina y l Sterzing.
Liösa alta: finala de Südtirolcup a Lungiarü
La US La Val seziun liösa organisëia la finala de Südtirolcup de liösa alta, sön la pista "Do Juvel" a Lungiarü. La gara mët man dales 9.30. Dales 13.00 s'incunta spo düc tl salf "Domëne Moling" a La Val por la marëna y premiaziun. La festa vá inant cun musiga y devertimënt, cun la band "Stolen Brothers" y DJ Burgnich. Infos sön www.uslaval.it

Avisc
Senteda generela dla Lia per Natura y Usanzes
Ncuei vënderdi ai 17.2. dala 20.00 tl sotët dla Cësa de Cultura a Urtijëi.Saràl la reunion generela cun vela dl cunsëi nuef.
L unirà cuntà dl'atività fata y mustrà fotografies dla jites y n pitl film. Duc i nteressei ie nviei ala senteda y a se mëter sun lista per la vela.
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16.00 ales 17.00 tla ciasa de Comun a Badia.
L'Ofize de "Ëres dëida Ëres"
L'ofize a Bornech é da ciafé tla str. Paul von Sternbach nr. 6, Questo indirizzo email è protetto dagli spambots. È necessario abilitare JavaScript per vederlo.. Al é davert dal lönesc al vëndres dales 8.30 ales 11.30. Fora de chësc orar, vëgnel tut sö termins sön prenotaziun. Tel. 0474/410303.
Portina por l'assistënza y la cura a Picolin - orars
La portina nöia por l'assistënza y la cura é daverta lönesc, mercui y vëndres dales 14.00 ales 16.00, le mertesc y la jöbia dales 10.00 ales 12.00, te Raiun Sozio-Sanitar a Picolin - pröma alzada. An ciafa informaziuns por ci che reverda l'assistënza y la cura de familiars y porsones che á debojëgn de guern. Tel. 0474/586137 y 0474/586138.
Radunanza de l'Union di Ladins
En sabeda ai 18 de firé da les 5 domesdì te sala del Consei de Comun de Poza l'Union di Ladins de Fascia chiama ite la radunanza generèla. Vegn prejentà l'Almanach 2016 coi dessegnes de Manuel Riz e lità l nef Consei. Compagnament de cianties ladines con Elena Favè e Marco Mattia. Duc é envié de cher.

Mostres y Ert
Unika, tla Cësa dl Parch Naturel a Sëuc
Ncuei vënderdi ai 17.2. dala 18.00 iel la giaurida dla mostra di artisć dla grupa Unika, tl zënter de Sëuc tla Cësa nueva dl Parch Naturel "Scilier-Rosengarten". La resterà davierta nchin ai 19.3. uni di dala 16.00 ala 19.00, de merdi nce dala 20.30 ala 22.00. De lunesc iel stlut.
Franz Canins y Lothar Dellago tl Tublà da Nives te Sëlva
Nchin ai 26.2. iel na mostra cun scultures y dessënies di doi artisć. Ti lëures de lën, de bront y de ghips de Canins luna ora la formes astrates y scëmples cun cumposizions plëines de dinamica y forza. Dellago al incontra se prejënta cun scultures figuratives sun tematiches y ntraunides ora dla vita da uni di.
"Laota"
Mostra de fotografia artistica de Georg Erlacher tl Kunstraum a Sanciana, dai 28 de jená ai 24 de merz 2017, daurida en sabeda ai 28 de jená, dales 19:00, cun introduziun de Romana Prinoth.
Vijites al Museo de la Vera sun Serauta
Enscin ai 9 de oril l Museo "Marmolada Grande Guerra" sun Serauta sporc la vijita vidèda su prenotazion dal mercol a la domenia ti oraries 10.00-11.00 e 14.00-15.00. La vijita é debant, se paa demò la forenadoa a jir su. Info: 334.6794461 o visitmuseo@ museomarmoladagrandeguerra.com.
Oraries mostra La Gran Vera
La mostra "La Gran Vera" te Navalge a Moena la é averta dut invern, enscin ai 2 de oril, dal mèrtesc a la domenia con orarie 15.00-19.00. De lunesc l'é serà.
Oraries Museo Ladin de Fascia
L Museo Ladin de Fascia a Sèn Jan l'é avert dut invern, enscin ai 30 de oril, dal mèrtesc a la sabeda con orarie 15.00-19.00. Serà de domenia e lunesc. Tel. 0462.760182, mail: Questo indirizzo email è protetto dagli spambots. È necessario abilitare JavaScript per vederlo.; www.istladin.net.
Vijites a la Mèlga de Fascia
Per dut invern per endrez del Museo Ladin de Fascia de mèrtesc da doman vegn endrezà la vijita vidèda a la Mèlga e a la sezion del Malghier a Pera, con cercia de prodoc. La vijita pea via da les 10 da doman, per 1 ora e mesa zirca, l cost l'é de 3 euro e ge vel se prenotèr te Museo al 0462.760182.
Vijites al Molin de Pèzol
L Museo Ladin de Fascia endrezà vijites vidèdes a la sezion del Molin a Pera de mercol e de vender h. 10.30 e de jebia h. 17.30 enscin ai 10 de mèrz. Se se troa lo dal Molin de Pèzol, str. Jumela 14. La vijita é per talian e debant, chi che tol pèrt ciapa n voucher de rebas per l'entrèda te Museo. Info: 0462.760182.

Chino
Al chino de Cianacei
Anché, vender ai 17 de firé e ence en sabeda, en domenia, en lunesc e en mèrtesc che vegn, h. 17.15 l'é semper en program "Lego Batman". Da insnet enscin en lunesc h. 21.15 se podarà veder enveze "Mamma o papà?" e en mèrtesc ai 21 da la medema ora "La battaglia di Hacksaw Ridge". En mercol ai 22 "Mamma o papà?" sarà en programazion h. 17.15 e da sera h. 21.15 se podarà veder "Cinquanta sfumature di nero".
Al chino de Pardac
Anché, vender ai 17 de firé, h. 21.15 l'é en program "Incarnate"; en sabeda ai 18 de firé e en domenia ai 19 h. 17.00 se pel veder "Ballerina"; semper sabeda e domenia e ence en lunesc ai 20, h. 21.15 vegn moscià "Resident Evil"; En mercol ai 22 e en jebia ai 23 h. 21.15 se podarà veder "United Kingdom – L'amore che ha cambiato la storia"
Al chino de Tieser
Insnet, vender ai 17 de firé, h. 21.15 se pel veder "Split", che l'é en program ence en sabeda ai 18 da la medema ora; en domenia ai 19 h. 17.30 l'é l spetacol de bal de E.sperimenti Dance Company dal titol "Hopera".
En mercol ai 22 h. 21.15 se pel veder l film girà tel Trentin "La felicità è un sistema complesso" e l biliet costa 4 euro. En jebia ai 23 e en sabeda ai 25, semper h. 21.15 l'é en program "Mamma o papà?".
Al chino de Ciavaleis
Te l'auditorium de l'Istitut "Rosa Bianca" en sabeda ai 18 de firé e en domenia ai 19 h. 17 se pel veder "Doraemon Il Film - Nobita e la nascita del Giappone" e h. 21.15 "Mamma o papà?". Info: www.fiemmefassa.com.

Cursc

Domesdis de pastelné per sculeies dla elementera
La sades dala 9.30 ala 12.00 mët la Nëus Jëuni Gherdëina inò a jì l curs de pastelné: ai 25.2. fajeràn zeche per carnescià, ai 25.3. cocodrii cun perles. L ie da se scrì ite tl ufize dla NJG o cherdan su l 0471 799006. Da paië 10 €.
Feldenkrais per col y sciables plu liedies
Se muever miec, zënza sfurzé, cun plu lesirëza y plajëi. Workshop de Feldenkrais per miuré la lidëza de muvimënt dl col y dla sciables, n sada ai 4.3. dala 16.30 ala 19.30 tla sala Gisella Moroder a Urtijëi. Iscrizions da Evelyn 346 746 9162 o Questo indirizzo email è protetto dagli spambots. È necessario abilitare JavaScript per vederlo..
Curs de ladin per nia ladins
Curs de ladin per chëi che ne sà nia gherdëina y ulëssa mparé. Dai 7.3. ai 11.4. for de merdi dala 18.30 ala 20.00. Tla biblioteca ladina tla Cësa di Ladins a Urtijëi, cun David Lardschneider. Da se scrì ite iel pra la Union di Ladins, tel. 0471 796870 o Questo indirizzo email è protetto dagli spambots. È necessario abilitare JavaScript per vederlo..
Curs per chëi che uel purvé a fé arpizeda sportiva
L "Gardenaclimb - As Gherdëina" mët a jì n "Schnupperkurs" de arpizeda sportiva per mutans y mutons nasciui tl 2008/09. L scumëncia n mierculdi ai 5.4. y va inant per 8 iedesc. Per nfurmazions plu avisa pòssen cherdé su l 333 5235675 o l 0471 786181.
Fotoworkshop - pultredes de Gherdëina
Uni mierculdi dala 14.00 nchin la 16.30 ntan na pitla jita sun Resciesa mpèren a fé de bela fotografies ala cuntreda de Gherdëina. La Lia dl Turism de Urtijëi mët a jì chësc curs cun n fotograf prufesciunel y per fé pea iel da se nuté su tl ufize a Urtijëi, tel. 0471/777600.
Curs de yoga por düc
Cun Karin Pizzinini, deboriada cun la Uniun dl Sport de Corvara y Calfosch. Vigni mertesc dales 20.00, tla palestra da Calfosch, y vigni vëndres dales 20.00, tla biblioteca de Badia. Informaziuns y iscriziuns al nr. 340/1268806.
Curs de ladin por prinzipianc
Organisé dal Istitut Ladin Micurá de Rü. Dai 20 d'aurí cina ai 8 de jügn, vigni jöbia dales 19.30 ales 21.00, te Istitut a San Martin de Tor. Informaziuns y iscriziuns al 0474/523110 o ala mail Questo indirizzo email è protetto dagli spambots. È necessario abilitare JavaScript per vederlo.

Dotors y Apoteches
Dutor
L dutor de servisc te Gherdëina da n sada ai 18.2. dala 8.00 daduman nchin la 8.00 daduman de n lunesc ai 20.2. ie l dutor Valentin Tröbinger de Sëlva, tel. 0471/773073 o l 335 6844944.
Doturs Val Badia: Le dotur en sorvisc tl fin dl'edema di 18 y 19 de forá, ti comuns de Mareo y San Martin, é la doturia Margarete Mahlknecht, La Val, tel. 349/0667034 o 0474/523018. Ti comuns de Badia, Corvara y La Val él en sorvisc le dotur Guido Caretta, Calfosch/Corvara, tel. 0471/836870 o 337/616080.
Apoteca
L'apoteca de servisc te Gherdëina, che à daviert ora dl orar ordiner da n vënderdi (dala 19.00) ai 17.2. nchin n vënderdi ai 24.2. ie chëla de Fie, tel. 0471/725373 (orar lu-ve 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
L'apoteca de servisc tla zità plu daujin ie ntan chësta ena la Apoteca "Am Rosslauf" a Persenon, str. Schalderer Bachl 22, tel. 0472/201714 (orar lu-ve 8.00-12.30/15.00-19.00, sada 8.00/12.30); i dis de servisc muessela vester davierta almanco de sa. 15.00-19.00 y du. 9.00-12.00.
L'apoteca en sorvisc tla Val Badia, fora dl orar ordinar, dal vëndres ai 17 de forá dales 19.00 al vëndres ai 24 de forá ales 19.00, é chëra da La Ila, tel. 0471/847152.

Leteratura
Prejentazion "Fiores tardives"
En domenia ai 19 de firé da le 4 dapò marena te sala del Comun de Moena l Grop Ladin prejenta l liber "Fiores tardives – Epigrames, epistole e aforismes" de Luigi Canori. La prejentazion sarà viventada da musica e marendöla e la publicazion ge vegnarà data per nia, ensema con l'ùltim numer de Nosha Jent, a duc i sozi. Prejentazion "Fiores tardives" En domenia ai 19 de firé da le 4 dapò marena te sala del Comun de Moena l Grop Ladin prejenta l liber "Fiores tardives – Epigrames, epistole e aforismes" de Luigi Canori. La prejentazion sarà viventada da musica e marendöla e la publicazion ge vegnarà data per nia, ensema con l'ùltim numer de Nosha Jent, a duc i sozi.

Soziel
Deberieda: festa da Carnescià cun "Il Nostro Spazio" de Bulsan
N Juebia Grassa ai 23.2. dala 14.00 se urtons dala 14.00 dan la Cësa de Paussa. Unide duc mascarei coche ulëis! "Deberieda" ie na grupa per se ancunté danter persones che à problems psichics o de sozialisazion cun ulenteres.
Per nfurmazions Marlies Piazza, tel. 0471 798015.
Ancunteda per genitores y familieres de persones cun desturps
N merdi ai 21.2. dala 9.30 tla sënta dl Servisc Soziel a Urtijëi tla str. Purger 16. Dr. Andreas Conca, diretëur dl servisc de psichiatria per mutons y jëuni de nosta provinzia, rujenerà n chësc di de plu argumënc.

Iadi, jites y escurscions
Schitour sön Punta Valacia (Val de Fascia) - 2.637 m
Organisada dala Lia da Munt Ladinia - Val Badia, ai 19 de forá. Ara é saurída, por n tëmp da jí de 4 ores y n deslivel de 1.222 metri. Infos pro Günther Dapoz al 339/6574349.
La Lia da Munt Jonila Val Badia vá cun la liösa y pataroz
En sabeda ai 25 de forá mët da jí la Lia da Munt Jonila dla Val Badia na spazierada cun liösa y pataroz (Böckl) a Weissenbach ta Türesc. An jará da sëra, y an storj ince pro te ütia a se mangé na bona pasta, por raité jö sön la pista iluminada. Por informaziuns telefoné a Verena Dapoz al 338/3399409.
La Uniun Maestri Ladins ala mostra sön l'Imprescionism
Ai 27 de forá vá l'UML a Treviso a ti ciaré ala mostra "Storie dell'Impressionismo". Orars dl bus: 7.00 a Al Plan (dan i stödafüch), 7.05 a Longega, 7.10 a Piculin, 7.15 a Pidrô, 7.20 a Pedraces, 7.25 a La Ila y 7.30 a Corvara (Kosnter). Iade cun entrada y guida costa 38,00€ por iscric, 48,00€ por i atri. Prenotaziuns anter i 20/02 pro Ubi Valentini al 0471/839714 o Questo indirizzo email è protetto dagli spambots. È necessario abilitare JavaScript per vederlo.
Jon cun i schi sun i purtoies de Lusia y San Pelegrin
N merdi ai 21.2. mët la grupa Nëus jon pa bel plan dla Lia da Mont de Gherdëina a jì chësta jita. L program plu avisa ie da giapé tla butëighes Ciofs Inge, Hobby Sport y Sport Bruno Riffeser, ulache l vën pià do la iscrizions da n lunesc, 13 de fauré inant.
Jita de schi alpinism sun la Alpenspitze (2.476 m)
N dumënia ai 26.2. mët la Lia da Mont de Gherdëina a jì chësta jita. N furnea a Walten Passeir y inant nchin dal Wannser Hof, da ulache l pëia via la jita. Iscrizions nchin ai 24.2. da Ciofs Inge, Activ Sport y Sport Bruno Riffeser. Infos pra Ugo al 349/0089939.

Galaria retrac