Manifestazions atuales

Data

22 de setember 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 22 de setember
Chino
Al chino de Tieser
Insnet, vender ai 22, en sabeda ai 23 e en domenia ai 24 de setember h. 21.15 "Noi siamo tutto"; en sabeda ai 23 e en domenia ai 24 h. 17.15 "Cars 3". En jebia ai 28 h. 21.15 "Kingsman. Il cerchio d'oro"; en vender ai 29 vegn portà dant l spetacol de teater "Il buio nella valle".
En sabeda ai 30 de setember h. 17.30 "Emoji. Accendi le emozioni".

Avisc
Encunteda per depenje a la Comunanza Ladina a Bulsan
L'enconteda con l'artista Sabine Brugger vegn metuda a jí en vender ai 29 de setember y en juebia ai 12 de otober 2017, da les 14:00 a les 18:00, tla senta dla Ciasa di Ladins, streda Neustift 1/A, a Bulsan. Prenotazions y informazions pro Patrizia: tel. 366 8010690.
Domënia zënza auti tl comun de Badia
En ocajiun dl'edema dla mobilité a livel europeich, vëgnel invié i zitadins da jí a pe en domënia ai 24 de setëmber, por sconé l' ambiënt y amiré les belëzes dla natöra. Al é ince na buna ocajiun por incunté compaejans y s'la cunté tratan che an spazirëia.
L'Ofize de "Ëres dëida Ëres"
L'ofize a Bornech é da ciafé tla str. Paul von Sternbach nr. 6, info.bruneck@frauenhelfenfrauen.it. Al é davert dal lönesc al vëndres dales 8.30 ales 11.30. Fora de chësc orar, vëgnel tut sö termins sön prenotaziun. Tel. 0474/410303.
La gran vera a Moena
La mostra "La gran vera" te Navalge a Moena la resta averta fora de sajon demò tel fin de setemèna con chest orarie: de sabeda e de domenia da les 15.00 a les 19.00.
Judon l Perù pra l Marcià de Segra Sacun!
Nce chëst ann fej la Grupa Gherdëina per l Perù pea cun n stont pra l Marcià de Segra Sacun. Vendon inò juesc y roba da fé damat de segonda man y ti dajon i scioldi ai mutons che à debujën. Chiche ëssa velch da dé ca ie nviei de cuer a purté chësta cosses a Urtijëi tla str. Roma 31, tla str. Purger 61 o tla str. Digon 18. De gra de vosc aiut! Info: Sofia 3314158478.
Camper dl Zënter Consumadusc
Al sarà a Corvara, sön Plaza de Comun, en jöbia ai 28 de setëmber 2017, dales 10:00 – 12:00 (danmisdé), y a La Ila, sön Plaza dl Ladinia, en jöbia ai 28 de setëmber 2017, dales 15:00- 17:00 (domisdé). Al é na bona ocajiun por s'informé, olá, co y can che le Sorvisc di Consumadus pó ves daidé.
Nosta ponsiun é ince te nostes mans
Incuntada por ciafé informaziuns monüdes söla ponsiun d'injunta "laborfonds", en mertesc i 3 d'otober dales 15.00, tla entrada dla Ciasa de Palsa a San Martin de Tor.
Oraries Museo Ladin de Fascia
Tel Museo Ladin de Fascia a Sèn Jan l'é tacà l'orarie de fora de sajon: l'é avert dal mèrtesc a la sabeda, demò de domesdì, da les 15.00 a les 19.00. Per de autra informazions, tel. 0462.760182, mail: museo@istladin.net; www.istladin.net.
Dé di seniors
La Ciasa de Palsa Ojöp Frëinademetz inviëia düć ala festa por le De di seniors. S'incuntun dales 15.30 por festejé la S.Mëssa y dedô passunse n domisdé de aorela cörta cun musiga, café y val' de duc. I s'aspetun tröc en sabeda, ai 30 de setëmber!
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16.00 ales 17.00 tla ciasa de Comun a Badia.
Oraries biblioteca Vich
La biblioteca de Comun de Vich resta serèda enscin en vender ai 22 de setember. Da lunesc ai 25 la averc endò con l'orarie da dant: da lunesc a vender da les 15.00 a les 19.00.

Festes y Segres
Segra da San Martin de Tor
En sabeda sëra y en domënia ai 23 y 24 de setëmber gnaral fat festa por la Segra a San Martin de Tor.
La gran mëssa sará dales 9:30 te dlijia, dedô aurela cörta te paisc, dales 14:00 inant conzert dla Musiga da San Martin, dales 16:30 inant bal cun i Pazedins de Fascia.

Iadi, jites y escurscions
Jita ntëur al Croda da Lago
La Lia da Mont de Gherdëina mët a jì n dumënia ai 24.09 na jita ntëur al Croda da Lago sëura Cortina. Pudëis Ve nuté su tla butëighes dai ciofes Inge, Active Sport y Sport Bruno Riffeser te Sëlva, nchin ncuei vënderdi ai 22 de setëmber. Per plu nfurmazions pudëis cherdé su Ugo al 349 0089939.
Escursciun Ju de Pordú - Laste
Organisada dala Lia da Munt Ladinia - Val Badia, en domënia ai 24 de setëmber. Ara é de dificolté mesana, por n tëmp da jí de 7,5 ores y n deslivel söpert de 1.000 metri y jöpert de 1.200 metri.
Informaziuns pro Heidi Dapunt al 334/3501192.

Mujiga
16ejima festa di Ladiner
Na sëira cun mujiga di Ladiner, Nicole Stuffer, Robin Leon y "Die Rodensteiner" ncuei vënderdi ai 22.09 dala 18.00 nchin la 22.00 sun Plaza de Chemun te Sëlva.

Sozial
Festa 30 agn Club Boé (1987-2017)
En domënia ai 24 de setëmber 2017 a La Ila.
L'invit é davert a döta la jënt cun le program ofizial dales 14:00 inant tla Ciasa de Cultura a La Ila.

Radio y Televijion
Programazion ladina sul canal 642 e TV Ladina
Sul canal de la mendranzes linguistiches TML (642) ogne sabeda taca la neva programazion ladina de la setemèna, organisèda te bloches de zirca 3 ores che se enterza a la programazion per mochen e cimbro e la pea via con chisc oraries: de sabeda h. 7.00 e 17.30; de domenia h. 10.30 e 21.00; de lunesc e de jebia h. 14.00 e 21.00; de mèrtesc e vender h. 10.30 e 17.30; de mercol h. 7.00 e 14.30. Duc i dis da les 7.00 per mesora l'é programes per ladin col TG Ladin, l program istituzionèl del Comun general "Da Fascia en curt" e dapò "Anter pult e cassabanch" e la neves da La Usc di Ladins. Da les 7.45 l'é l program con la stories animèdes del Contacontìes per i bec; da les 9.00 i TG per ladin, mochen e cimbro; da les 12.30 l'é "Da Fascia en curt" e dò n curt spezièl sui bai di Schuhplattler e amò l TG Ladin; h. 14.00 l'é Anter pult e cassabanch e Pororo; h. 17.15 Contacontìes e dò Pororo e h. 19.30 endò TG Ladin, Contacontìes, Pororo e i spezièi curc e h. 22.30 amò l TG Ladin. Te la trei ores de programazion duta fascèna coi oraries scric de sora se pel veder l rotocalch setemanèl Pedies, che va fora ogne setemèna con na trasmiscion neva: de sabeda h. 8.00 e 20.00, de domenia h. 12.00 e 22.00 e dapò fora per duta la setemèna; sobito dò l'é la rubrica de sport "Finalzil". L'é ence i programes culturai de "L Cianton de l'Istitut" e "L Cianton de la musega" e dapò l teater de "Vic e Ac" e l program didatich per bec "Ocio". La maor pèrt di programes é da poder veder ence su Youtube, TV Ladina.
RADIO
"LADINIA LIVE": Microfons davierc sun atualità y cultura
La trasmiscion ie da audì uni merdi y mierculdi dala 13:45 ala 14:00 sun la frecuenzes de RAI LADINIA
Mierculdi ai 27 de setëmber - Cor Kerygma
Le cor feminin de Badia po festejé 25 agn de ativité. Le grup Kerygma á abelí cun sües usc tröpes festes incundan la parora de Dî y la ligrëza tl cianté deboriada. Moderaziun de Sara Frenner.
La trasmiscion "DAI CRËPS DL SELA" ie da audì uni di dala 19:05 ala 19:30 sun la frecuënzes de RAI LADINIA
Vënderdi ai 22 de setëmber - Blanch y Fosch: Dolomites Vives
Ntan chësc instà iel unì śarà – for de mierculdi – l jëuf de Sela al muvimënt di auti. Cunscidrazions y minonghes, ma nce prupostes de co ti miuré la scumenciadiva n auter ann. La parola ti vën data a Alan Stuffer, Alex Monteleone, Arthur Mutschlechner, Christoph Vinatzer y Moritz Demetz. Program de Simon Moroder.
Sada ai 23 de setëmber - Momënc de vita: intervista a Marina Lezuo
Marina Lezuo é nasciüda tl 1926 a Col Santa Lizia, olache ala á ince tres vit y insciö ara odü sciöche le paisc y la manira de vire s'á mudé. Ara se recorda de canche ala jô a scora tratan le tëmp dl fascism y de canche les mineores dl Fursil é indo gnüdes daurides ti agn 40. Program de Erika Castlunger.
Dumënia ai 24 de setëmber - Tradizions y vita da zacan de setëmber
N dumënia ai 24 de setëmber iel segra te Sëlva y una na tradizions mpurtanta ie chëla de fé crafons. Marta Senoner nes conta dla usanza di crafons plu dagiut. Dan n valgun dis à inò metù man la scola; ma co fovel pa zacan a jì a scola, co fova pa l nseniamënt y cie univel pa tan nsenià? Na udleda ala scola y maestri da zacan tl ejëmpl de Sëlva. Program de Georg Mussner.
Lunesc ai 25 de setëmber - Campions dl'arpizeda sportiva
L'arpizeda sportiva ie na disciplina for plu de moda. Nce te Gherdëina ie l muvimënt slargià ora y nia puec se fej nce streda tl agonism. Cun resultac de marueia coche Michael Piccolruaz y Filip Schenk. Program a cura de Leo Senoner.
Mierculdi ai 27 de setëmber - "Anter la vaces é troà mia pèsc"
Veronica Moser, na joena grignolènta dal carater feruscol e mìngol rebestech ne conta de coche anter la vaces l'à troà sia pèsc. Ades chel che la la fesc ster ben no l'è più jir stroz e fèr festa ma jir te stala a rencurèr e petolèr la vaces. Program de Anna Mazzel.
Juebia ai 28 de setëmber - La familia Schuen
La familia Schuen da La Val é conesciüda por so bel cianté y soné. Te chësc program cunta Paul y Hilda Schuen de co che vëi vir süa pasciun musicala y co che ai ti l' á spo passada inant a sü mituns, che é düc trëi ciantarins y musizisć de profesciun. Program de Sara Frenner.
TELEVIJION
Merdi ai 26 de setëmber dala 20:50 - La vies de comunicazion dla valedes ladines: Stredes de viers dla front
Dinrer iel unì fat tan ngrum de stredes tla valedes ladines sciche ntan la prima gran viera. Per traspurté la munizions, la maiadives y i saudeies de viers dla front iel unì fat ferates ite per la valedes, stredes su per i pasc y teleferiches nchin sun la pizes plu autes dla Dolomites. Nia ne fova bon de fermé la ngordia de ulëi concuisté uni plu pitla piza di Crëps Majarei: no sas, no dlacia, no levines. Program de Elisabeth Kostner, a cura de Anna Mazzel.
Mierculdi ai 27 de setëmber dala 20:50 - Maximilian I de Habsburg imperador
Ester stà bon ntel 1511 de ciapà l ciastel de Botestagno, luoch importante per controlà i comerzi che jiva dai pais todesch del vars de Venezia, l eva stà n valch no da puoch per l'imperador Massimilian I. N obietif studiè ntei agn davant, per chel che l ava bù da conzede piena autonomia a la val de Anpezo, e che l ava portà l'imperador medemo a fà su, come ringraziament per avè ciapà l ciastel, la Via Crucis de Toblach, vero capolavoro de l'art e la storia de dut l Tirol. Na storia chesta che demà da puoz agn le doi comunità de Anpezo e Toblach i é vegnude a savè e che ades la le lia ncora de pi de chel che le fosse davantvia. Program de Giulia Tasser, produzion de Hanspeter Karbon, a cura de Alessandro Dapunt.
Juebia ai 28 de setëmber dala 20:50 - Euro TV - magazin d'economia
Program de economia dles valades ladines de Diego Clara y Hartmann Mairhofer, produziun de ZAK Multimedia, a cura de Leo Senoner.

Informaziuns plü menüdes söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota "Mediateca" y les trasmiscions radio sota "Podcast".

Mostres y Ert
"Dolomites" - Mostra de fotografies
Mostra de fotografies dla Dolomites tla cësa di cungresc a Urtijëi nchin ai 30 de setëmber.
Mostra "Sculptura" tla Galaria Ghetta
La mostra „Sculptura" tla Galaria Doris Ghetta a Puntives cun opres di artisć: Lois Anvidalfarei, Aron Demetz, Gerhard Demetz, Hubert Kostner, Walter Moroder, Peter Senoner, Bruno Walpoth sarà da udëi nchin ai 30.09.
Mostra coletiva "Mi plu bel crëp"
La mostra sarà da udëi nchin ai 6 de utober tl Tublà da Nives te Sëlva.
Montes y meres
Mostra de pitures de Horst Steinhauser, che ie unì descrit dal critich d'ert Eugen Galasso coche l "moler dla ondes", pervia de si pitures da na gran forza y che fej mprescion per si cuntrasć danter i culëures y l linëus che l ti dà ite. Si lëures ie da udëi tla Cësa de chemun de Laion nchin ai 6.10.
Mostra "Le monn demorvëia di andri dles Dolomites"
Tla Ciasa J. B. Rinna a San Ciascian. La mostra é daverta ciamó cina ai 10 d'otober, dal mertesc ala sabeda dales 10.00 ales 13.00 y la domënia dales 15.00 ales 18.00.
Mostra "Der kleine Schritt war's"
Simon Rubatscher mët fora 9 chedri serigrafics di astronauc todësc storics, a Bornech tl Buchladen am Rienztor. La mostra é daverta cina indoman sabeda ai 23 de setëmber 2017 (tratan i orars dla botëga).

Temp lede
Femenes: l coraje de la cultura
En vender ai 29 e en sabeda ai 30 de setember te teater Navalge a Moena vegn portà dant n event dedicà a la femenes dal titol "Donne: il coraggio della cultura".
En sabeda ai 30 h. 18.00 premiazion del concors leterèr resservà a la eles "Il carro delle Muse".
Festa del volontariat a Maso Toffa
En domenia ai 24 de setember a Maso Toffa (Caran - loc. Cela 16) vegn metù a jir la Festa del Volontariat per endrez de la Coprativa Oltre. Program: h. 10.30 l'é la messa, h. 12.15 aperitif analcolich e marena e dò bai de grop e loterìa de solidarietà.
Mirèr la steiles sun Vael
En sabeda 23 e en domenia ai 24 de setember al refuge Roda de Vael vegn endrezà doi dis con la Sociazion Astrofili Trentins che i farà cognoscer i secrec de la steiles. Ben segur l'é pervedù ence l'osservazion. Info: 0462.764450 o 335.6750325.
Festa sun Col Raiser
N dumënia ai 24 de setëmber dala 11.00 meteràn man cun l "Frühschoppen" pra la Utia Odles. Dala 14.00 saràl la mëssa pra la capela de Fermeda cun l Cor "Sasslong" y i guanc dala gherdëina. Dala 15.00 cianterà l Cor "Sasslong" y sunerà la Bhömische de S. Cristina pra la stazion suinsom dla Col Raiser.
Ancunteda di auti
L "Dolomiti Ira Classic 2017" meterà man n dumënia ai 24 de setëmber dala 9.30 sun Ciandevaves/Pana.
Artejenat a S. Cristina
I scultëures de S. Cristina se prejënta cun si lëures tl Zënter Iman. Ncuei vënderdi ai 22.09 dala 16 nchin la 18.30.
E-Bike Ways
Tl'Alta Badia vëgn la sabeda, ai 23 de setëmber, dedicada ales rodes eletriches. En chësc de pon se impresté fora dales 09:00 inant sön Piz La Ila na roda eletrica y jí fora por un di percursc dá dant. Te n valgünes üties vëgnel pité spëisa ladina y al ne manciará nia müjiga tradizionala.
Bayrisch-Grödnerisch
Ncuei vënderdi ai 22 de setëmber vëniel dala 20.30 inant tla Cësa de Cultura a Urtijëi prejentà l cudejel de mujiga cun notes "Bayrisch-Grödnerisch". L sunerà y balerà grupes desferëntes.
Di dl Cunsëi de Furmazion de Sëlva
Duman sada ai 23 de setëmber dala 10.00 inant saràl da udëi tl verzon dla biblioteca de Sëlva l film: „Nëus son Sëlva". Danter velch da bever y da maië saràl nce da audì doi jëuni cun l'armonica.
Trix
Duman sada ai 23 de setëmber saràl a Urtijëi tla Calonia dala 14.00 nchin la 17.00 n domesdì de juesc da mëisa per families y mutons dla scolina, scola elementera y mesana. I cumëmbri dla lia Trix ie a desposizion a ve spieghé duc i juesc. Gran vela de juesc d'uni sort da crì ora!
Festa da d'autonn
La Lia de Pië Pësc de Urtijëi mët a jì duman sada ai 23.09. na festa tl „Family Park Plan da Tieja". Dala 10.00 inant saràl Frühschoppen cun lianies blances, brezli y mujiga dal vif.
I Ladiner
N dumënia 01.10. saràl tla Sala „Gisella Moroder"a Urtijëi dala 15.00 nchin la 18.00 n ucajion dl di nternaziunel dla jënt de tëmp n cunzert cun la grupa cunesciuda „Die Ladiner". Duta la jënt de tëmp de Gherdëina y simpatisanc dla mujiga populera ie nvieda a unì y passé deberieda chësc di pra mujiga y zeche de bon da maië y da bever.
Na escursciun por cighé y iodelné
Cun Heidi Clementi, en mercui ai 27 de setëmber 2017. Incuntada dales 9:00 sön Ju dl Sela, por fá spo la roda dl Saslonch. Imparun a cighé sot ai crëp. Al é da se tó para proviant. Sce al ess da ester bur' tëmp gnará la manifestaziun tignida tl salf dles manifestaziuns a Corvara. Le cost é de 10,00 euro a porsona. Informaziuns y prenotaziuns pro Sonia al tel. 349 1588485.
"Roda di coi" a Rina
I Stödafüs da Rina inviëia düc canc ala "Roda di coi", chësta domënia ai 24 de setëmber. Ara se trata de na bela spazirada por döta la familia (nia bagheli), dla dorada de za 3 ores. An pëia ia dales 9.00 inant pro le ciamp dal sport da Rina.
Referac sui refuges de Fascia
Te la scomenzadiva "I refuges del gust" de Fascia vegn metù a jir ence na lingia de scontrèdes de aprofondiment. En sabeda ai 23 de setember al refuge Ciampedìe se rejona coi menacrepes del jir sa mont dut l'an; en domenia ai 24 al refuge Contrin l'é l'esperta Elisabetta Demattio. I referac taca da les 13.30.

Referac
Convegn Cai-Sat a Moena
En sabeda ai 23 de setember a Moena pean via da les 14.30 la sezion Cai-Sat de Moena e la sezion de Trent les endreza l convegn anuèl con desvalives referac sui mudaments climatics te la scoles de Moena. L titol l'é "2007-2017. Le Tesi di Moena 2.0".
Cors de Public Speaking a Moena
En sabeda ai 30 de setember e en domenia 1° de otober te sala del consei del Comun de Moena vegn endrezà n workshop de Public Speaking. Info e enscinuazion per i 22 de setember: andrea.ciresa@gmail.com, tel 349.1784740.
Serada söles variores
En mertesc ai 3 d'otober 2017 dales 20.00 saral te salf manifestaziuns Ciasa J.B. Runcher a Badia na sëra d'informaziun söles variores (vazinaziuns) y söl decret nü, cun la doturia Elisabeth Delago Salcher, cun l'aconsiadú provinzial Andreas Pöder, cun Reinhold Holzer ("Ökokinderrechte") y cun Bruno Mandolesi ("Primum Non Nocere").
Esperiënzes de vita tl'Uganda
Jogn y jones de Mareo roda le monn y vëgn zoruch te nüsc raiuns con tröpes cosses da cunté y esperiëzes da partí. En mercui ai 27 de setëmber dales 20.00 aldiaran tla biblioteca Angelo Trebo a Al Plan na esperiënza fata tl Uganda da pert de Franz Agreiter y Clara Igira.
Co se cumpurté
Referat n con' de co se cumpurté drët y se deriejer cun maniera tla vita da uni di: n juebia ai 28 de setëmber dala 20.00 nchin la 22.00 tla Sala de Chemun de S. Cristina. Referënta Alexia Wojnar.
Zucher Mascobado
N lunesc ai 25.09 dala 20.30 - 22.00 tla Biblioteca San Durich a Urtijëi, conta la referënta Ruth Fe Salditos dla situazion problematica tla Filipines, ulache ëila se bat per i dërc di lauranc, unian perseguiteda politicamënter.
La sëira vën metuda a jì dala Butëiga dl Mond n cunlaurazion cun la Biblioteca San Durich.
Prejentazion modièi junior te Fascia
En mèrtesc ai 26 de setember da les 17.00 te chino Marmolèda a Cianacei l'é na scontrèda publica per rejonèr di evenc sportives te Fascia con i maores raprejentanc de la val, del Trentin e del setor schi a livel nazionèl e da les 18.30 l'é la prejentazion di campionac mondièi junior 2019.

Teater
Caterina e la Gran Vera te Navalge a Moena
En vender ai 29 de setember h. 21.00 te teater Navalge a Moena vegn portà dant "Caterina.
I giorni e le stagioni, la Grande Guerra e il primo amore" spetacol de Fabio Chiocchetti con museghes de Armando Franceschini, con Rosanna March, Angela Chiocchetti e l'Ensemble "Il Pentagramma".

Cursc
Curs de bal lisier
Le KVW de Badia organisëia n curs de bal lisier te grup cun Giuvana Moling, a chël che düc pó fá para. Al mët man ai 25 de setëmber te Ciasa Runcher a Badia y vá inant vigni lönesc dales 09:00 ales 10:30. Al é da se prenoté pro Veneranda al nr. 0471/839760.
Curs de massaja
En mertesc ai 26 de setëmber a La Val, Scora elementara, dales 20:00 ales 22:00. Imparé da se massajé se instësc y i atri. Informaziuns y prenotaziuns pro Marta Moling al tel. 335 5494287.
Consëis por puzené
Co puzenëion pa le miú, ci sostanzes él pa da tó? Te chësc referat gnarál dé informaziuns y consëis de co tigní nëta la ciasa. En vëndres ai 22 de setëmber dales 20:00 a Calfosch, Ciasa dles uniuns. Referënta: Gisela Costa, organisaziun: Consëi de Formaziun Corvara.
Curs de yoga por mituns
Organisé dala USD San Martin, cun Natalie Dalponte. An mët man en mertesc ai 26 de setëmber y le curs vá inant por indöt 5 iadi, tres de mertesc dales 17.30 te palestra da San Martin. Infos y prenotaziuns le pröm de te palestra o al 348/5198620.
Curs de "quantic yoga"
Organisé dala US San Martin, cun Natalie Dalponte. Al mët man en mertesc ai 26 de setëmber dales 20.00, te palestra da San Martin, y vá inant por indöt 8 iadi. Infos y prenotaziuns al 348/5198620 o diretamënter te palestra.

We talk in English, a Calfosch
Na bela ciacolada por inglesc - pice curs de 6 iadi. Informaziuns y prenotaziuns pro Marion al tel. 335 6164156 o pro Ingrid al tel. 3478811764. Pëia ia en mertesc 26 de setëmber 2017, te Biblioteca, dales 10:00 ales 11:30.
Curs de inglesc por prinzipianc : Beginning English (A1)
Curs de 10 incuntades, dui iadi al'edema. Informaziuns y iscriziuns pro Cristina al tel. 333 1591599 o por mail: frencris49@gmail.com Pröm iade en mertesc ai 26 de setëmber 2017, a Badia, Biblioteca, dales 20:00 ales 22:00, cun Lalena Stull.
Curs de inglesc - Upper Elementry English Corversation and Grammar (A2)
Curs de 10 incuntades, dui iadi al'edema. Informaziuns y iscriziuns pro Cristina al tel. 333 1591599 o por mail: frencris49@gmail.com Pröm iade en lönesc ai 25 de setëmber 2017, a Badia, Biblioteca, dales 18:00 ales 20:00, cun Lalena Stull.
Curs de inglesc - Upper Intermediate Conversation and Grammar (B2)
Curs de 10 incuntades, un n iade al'edema. Informaziuns y iscriziuns pro Cristina al tel. 333 1591599 o por mail: frencris49@gmail.com Pröma incuntada en lönesc ai 25 de setëmber 2017, a Badia, Biblioteca, dales 20:00 ales 22:00, referënta: Lalena Stull.
Curs de ladin per prinzipianc, a Balsan
Tla Sovrintendënza Ladina, str. Bottai 29 a Bulsan, tl salf Franz Vittur. Curs tigní dala dra. Daria Valentin. Al mët man en mertesc ai 10 d'otober dales 20.00 ales 21.30 y vá inant por indöt 8 iadi. Le curs é debann. infos y iscriziuns anter i 6 d'otober pro Cherubina Nagler a cherubina.nagler@comune.bolzano.it o 0471/997097 o 349/7392326.
Curs de ladin por progredis, a Balsan
Tla Sovrintendënza Ladina, str. Bottai 29 a Bulsan, tl salf Franz Vittur. Curs tigní dala dra. Daria Valentin. Al mët man en mertesc ai 10 d'otober dales 18.00 ales 19.30 y vá inant por indöt 8 iadi. Le curs é debann. infos y iscriziuns anter i 6 d'otober pro Cherubina Nagler a cherubina.nagler@comune.bolzano.it o 0471/997097 o 349/7392326.
Curs de pilates
Le curs mët man l'ultima edema de setëmber le lönesc ai 25 de setëmber y la jöbia, y vá inant por döt otober tres de lönesc y jöbia. Informaziuns y prenotaziun pro Martha al tel. 339 7384558. A La Val, Pice salf te ciasa de comun, tres dales 20:00 ales 21:30, cun Martha Willeit.
Pilates: ginastica por corp y anima
Incuntada en mertesc 26 de setëmber 2017, dales 9:00 ales 10:00, a Al Plan tl Salf dla Cassa Raiffeisen, cun Karin Taibon, prenotaziun pro al numer 329 2223634.
Lachyoga
N domisdé n pü atramanter, da rí, en mercui ai 27 de setëmber 2017. Al é da se tó para na boza d'ega y da se vistí guant da sté saurí. A Calfosch, dales 15:00 ales 17:00, cun Veronika Mantari Eschgfeller.
Curs "To corp y l'amur", por jogn y jones dai 11 ai 14 agn
Indoman sabeda ai 23/09 dales 9.00 ales 11.00 te calonia a La Ila. Le curs tigní da Michaela de Beyer trata tematiches dl amur, dl corp y dla sessualité. Al vá inant un n iade al mëis, tres de sabeda dala medema ora. Jogn interessá pó gní a se fá na idea la pröma sabeda. Infos y iscriziuns tres formular aposta: Renate Pescollderungg al 338/1300787 o peter@doleda.it

Religion
Curs de meditaziun y contemplaziun a La Val
Contemplaziun é tla tradiziun cristiana n tru de varijiun y de trasformaziun, n tru che condüj al'esperiënza de Dî. Le curs cun la referënta Alma Schuen é ai 29.09. dales 19:30 ales 21:00, spo ai 6, 20, 27.10. y ai 3, 10, 17 y 24.11.. Informaziuns pro Paula al tel. 3381807072. La Val, Pice Salf sot Comun, 19:30 - 21:00
Mëssa di iubilars a Al Plan
La ploania y comunité d'Al Plan de Mareo inviëia düc i maridá da 25 agn y deplü agn torogn: 30, 35, 40, 45, 50... a na santa mëssa y festa deboriada, plü avisa en domënia ai 24 de setëmber 2017, dales 10:00 inant, te dlijia a Al Plan. Sëgn vëgnel invié düc i iubilars da noza da se anunzié pro Margot, al numer de telefon 0474 501411 o al 335 237473.

Dotors y Apoteches
Dotors
L dutor de servisc te Gherdëina da n sada ai 23.09. dala 8.00 daduman nchin la 8.00 daduman de n lunesc ai 25.09. ie l dutor Aba Fallaha de Sëlva, tel. 0471/794111 o l 0471 797540 o l 333 9593131.
Dotur Val Badia: Le dotur en sorvisc tl fin dl'edema di 23 y 24 de setëmber, ti cin' comuns dla Val Badia, é le dotur Guido Caretta, Calfosch/Corvara, tel. 0471/836870 o 337/616080.
Apoteches
L'apoteca de servisc per Gherdëina ora dl orar ordiner de giaurida, da n vënderdi ai 22.09. nchin a n vënderdi ai 29.09. ie chëla de S. Cristina, tel. 0471/792106 o 333/1776615 (orar de giaurida 8.00-12.00/15.00-19.00).
L'apoteca de servisc tla zità plu daujin a Gherdëina ie ntan chësta ena la "Hofapotheke" a Persenon, pitla Laubes 2, tel. 0472/835642 (orar lu-ve 9.00-12.00/15.00-18.00), i dis de servisc muessela vester davierta almanco de sa. 15.00-19.00 y du. 9.00-12.00.
L'apoteca en sorvisc tla Val Badia, fora dl orar ordinar, dal vëndres ai 22 de setëmber dales 19.00 al vëndres ai 29 de setëmber ales 19.00, é chëra da Corvara, tel. 0471/836173.

Sport
CRONO Fanes
La gara CRONO Fanes é gnüda sburlada a gauja dl bur' tëmp a endoman sabeda ai 23 de setëmber 2017.
Partides AHL te Fascia
Doman sabeda ai 23 de setember h. 20.00 te stadie de la giacia de Dèlba i Fascia Falcons jia de contra al Kitzbühel; en mercol ai 28 i jiarà a Sterzing e en sabeda ai 30 endò te Fascia h. 20 contra l Zell am See. Info. ww.erstebankliga.at.
Na raida per Fiore
Doman, sabeda ai 23 de setember la sociazion Fascia Bike la endreza ence chest an la raida con la roda a recort de Fiorenzo Detomas.
Chest an vegnarà fat la raida del Sela. Info: 340.1147382 o 349.4626739 o info@fassasport.com.
Hockey
Duman sada ai 23 de setëmber dala 20.30 spilenea l HC Gherdëina contro l HK Olimpija Ljubljana tl stadio dala dlacia Pranives te Sëlva.
Cursc de tennis per mutons y mutans de uni età
L Tennis Club Urtijëi mët a jì dai 18.9. inant per dut l ann cursc de tennis, che unirà tenii un, doi o trëi iedesc al'ena aldò che n se l chier ora.
Per nfurmazions plu avisa y per se scrì ite cherdé su l 0471/797275.

Galaria retrac