Manifestazions atuales

Data

11 de mei 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 11 de mei
Avisc
Di dla porta davierta de "La Vëta"
La lia nueva nvieia duman sada ai 12.5. a unì tla bertotes de scultëures, artisć, moleri, nduradëures y marcadënc a cialé coche l vën laurà te chësc artejanat artistich. Plu avisa iel la berstotes de Gregor Mussner, Alfons Runggaldier, Christian Stuflesser, Gerald Moroder, Uli y Jessica Noflaner, Rari y Armin Grunt, che sarà daviertes dala 9.00-12.00 y dala 14.00-17.30.
Inaugurazion dla KITA te Sëlva
Ai 14.5. dala 10.00 tla scolina de Sëlva nvieia dl Chemun ala giaurida dla KITA "Cësa di Pitli" cun l'assessëura Waltraud Deeg y la diretëura de Casa Bimbo Stefania Badalotti.
Rumon su nosc luech de Sëlva
L Chemun y la Lia dl Turism nvieia duc i zitadins n sada ai 26.5. a fé pea pra l di ecologich. N se anconta dala 8.00 dan la Cësa de Cultura de Sëlva. Tlo partiran su la grupes y cun sac, manëces y n gurmel (che l Chemun lascia fé aposta per chësta manifestazion), jiràn ora per i ridli a rumé su l luech.
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16.00 ales 17.00 tla ciasa de Comun a Badia.
L'Ofize de "Ëres dëida Ëres"
L'ofize a Bornech é da ciafé tla str. Paul von Sternbach nr. 6, info.bruneck@frauenhelfenfrauen.it. Al é davert dal lönesc al vëndres dales 8.30 ales 11.30. Fora de chësc orar, vëgnel tut sö termins sön prenotaziun. Tel. 0474/410303.
Scontrèda su sport e educazion
L Conseier de procura al sport del Comun general de Fascia Matteo Iori endreza en vender ai 25 de mé da les 20.30 te Sorastanza de la Scola na scontrèda averta a duc con l psicologh del sport Dario Carloni dal tìtol "Sport e educazion: canche la comunicazion fèsc la desferenza."
Incuntades dl "Grup Sportif dl Cör Val Badia" (Herzsportgruppe)
La ginastica é vigni lönesc dales 17.45 a les 19.15, te palestra da San Martin. Le grup é por porsones cun problems al cör, aritmies, presciun alta, operaziuns, angina pectoris y ater. Düc pó gní pormez a odëi y porvé fora. Al vëgn garantí la presënza de n dotur. Referënt é Markus Winkler. Infos: Markus al 338/5867867 o le coordinadú Renato Paratscha al 348/7457309.
Rengraziamënt al dotur Di Marino y presentaziun de so liber
Le Consëi Cultural tl Comun de Badia y le Comun de Badia inviëia a na festa de rengraziamënt por le dotur Giuseppe Di Marino, en sabeda ai 19 de ma dales 16:00, tla Ciasa J. B. Runcher a Badia. Te chësta ocajiun gnarál presenté so liber "Il TAO orizzontale - La medicina tradizionale cinese spiegata con i concetti della fisica occidentale".
"Atmosfera": n domisdé cun Susanne Steidl
Tl cheder dles incuntades dl grup de autoaiüt "Atmosfera", por porsones cun problematiches psichiches, sarál en jöbia ai 24 de ma n domisdé cun Susanne Steidl dal titul "I ciafi mia balanza danter alc y basc", cun consëis pratics y eserzizi de relassamënt. An s'incunta dales 15.30 te Raiun Sozial Val Badia a Picolin. Prenotaziuns fina ai 23 de ma al 0474/524552. Al é ma 15 posć a desposiziun.
Cena con delit te Museo Ladin
L grop de teater "I Bontemponi" endreza en vender ai 25 de mé da les 19.30 te Museo Ladin de Fascia a Sèn Jan na "Cena con delit". L cost l'é de 35 euro e l'é da se scriver ite dant da en mèrtesc ai 15 de mé al 340 2302617.
Ciampedel festejea la cobies
En domenia ai 13 de mé, te la messa de les 9.30, la curazìa de Ciampedel recorda i cedeegn de maridoz, l prum an e dapò dal 5° an ogne 5 egn. Dal 51° an inant enveze vegn festejà duc i aniversaries. Dò messa se se troa te calonia per mìngol de festa.
Per miorèr l'energìa vitala
La Kinesiologa-Naturopata Biotranier Irene Deflorian endreza 5 encontres a l'averta con prateghes de Qi Gong per armonisèr l'energìa vitala, miorèr sanità e armonìa de cef e corp. Ogne mercol dai 9 de mé da les 6.30 a les 7.30 sun Pianac e ogne jebia da les 17.30 a les 18.30 vejin a l'Agritur Soreie a Vich. Info e iscrizions: 349.3264800, info@irenedeflorian.it.
Regoeta fer veie te Fascia
En sabeda ai 19 de mé i volontadives di gropes miscionaries Freinademetz e Operazione Mato Grosso i passa a Vich, Poza, Pera, Soraga, Mazin, Ciampestrin e Fontanac a tor sù fer veie e metèi per didèr la miscions. I passa ence ti etres paìjes de Fascia o su apuntament chiaman Pietro al 338.1125392 o Franco al 335.5956009.
Enconter su l'Aministrador de sostegn
En mercol ai 16 de mé da les 14.30 te sala de Consei de Comun de Pardac vegn endrezà l quarto enconter de informazion su l'Aministrador de sostegn. Vegn rejonà de l'Aministrador de sostegn desche ressorsa per la persona pedimentèda.

Religion
Santa mëssa ladina a Balsan
Aladô dla tradiziun, gnaral tigní la mëssa ladina d'aisciöda a Balsan, sön iniziativa dla Comunanza Ladina. Ara sará en sabeda, ai 12 de ma 2018, dales 16:00, tla Dlijia dai Capuzineri a Balsan. I ladins s'abina na mesora denant por na proa da cianté. Do mëssa saral na agape.
Pelegrinaje a Plaus
Organisé dala Uniun dles Porsones Vëdues y Sores dla Val Badia, en jöbia ai 24 de ma. An jará tla dlijia de Santa Monica a Plaus. Laía mëssa cun siur degan Iaco Willeit. Iade cun bus dala Val Badia y marëna costa 45,00€. Prenotaziuns anter i 20 de ma pro la rapresentanta de paisc o al 0474/590069.

Iadi, jites y escurscions
Jita naturalistica
Duman sada ai 12.5. se ùrten dala 7.00 sun Plaza S. Antone cun la Lia da Mont de Gherdëna y la Lia defendura di uciei per jì a scuté su y usservé i uciei. N furnerà cun auti privac de viers de Laion. Per nfurmazions pòssen cherdé su Monica al 339 6563015. N ne à nia drë de se lascé nuté su.
Dodesc lec y Barolo
Dai 19. ai 23.5. mët Rodes Gherdëina a jì na jita cun la roda da Sirmione nchin a Savona passan per plu lec. N furnerà da Sëlva demez cun la curiera y da Savona inò de reviers. Tl priesc de 480 € iel laite durmì cun mesa pension, curiera, berca y iscrizion al club. Per nfurmazions cherdé su Ivo Vettorazzi 3381815353 o Armin Rifesser 3355426848.
Jon a ti cialé al gial da mont
N lunesc ai 21.5. mët la Lia da Mont de Gherdëina a jì na jita cun l ciaciadëur Roman d'Aldoss per jì a ti cialé al gial da mont. L ie na ucajion per mparé velch sun chisc tieres. N se anconta dala 5.30 sun Plaza Nives te Sëlva per furné deberieda sun Jëuf de Sela y jì pona a pe de viers de Col Rodela. Per nfurmazions cherdé su Roman al 338 9202515.
Jita cun la roda tla Val dl Adesc
N lunesc ai 21.5. dala 8.30 peien via da Sëlva cun la curiera per furné nchin a Bulsan y da iló furneràn cun la roda nchin a Maran. Per families y duc chëi che ti sà bel a jì cun la roda. Da se scrì ite iel pra l KVW de Sëlva.
Jita per la families a Kaltern
N lunesc ai 21.5. mët la grupa dla Lia da Mont "Nëus Granc y Pitli" a jì na jita su per la "Rastenbachklamm". L vën furnà cun auti privac a Kaltern, da ulache n jirà pona su per n troi fat de sceles y puenc; suinsom dla "Klamm" puderàn sté a fé damat cun l'ega. Da jì iel za. 3,5 ëura. Da se scrì ite iel dai 14. ai 18.5. da Barbara, tel. 346 8305416.
Viac tl'Uganda a cialé la miscions cun safari y gorilla tracking
Dai 25.10. ai 5.11.. Do l referat cun Maria Prean àn ulù mëter a jì n viac tl'Uganda per jì a ti cialé ala miscions. N fajerà nce n safari y jirà a ti cialé ai gorillas che manacia de murì ora. Per nfurmazions y iscrizions, nchin ai 15.5.2018 cherdé su l 333 2852859 o l 348 3429443. L ie da se scrì ite tan abenëura pervia de giapé la lizënzes de jì a ti cialé ala gran rarità di gorillas.

Radio y Televijion
RADIO
"LADINIA LIVE": Microfons davierc sun atualità y cultura
La trasmiscion ie da audì uni merdi y mierculdi dala 13:45 ala 14:00 sun la frecuenzes de RAI LADINIA
Merdi 15 de mei - L club ecologich familièr
L club é n pont de referiment per duc i dejèjes leé a la dependenzes. En rejonon con Giuliano Pellegrin "Righy", president de l'Acat Fascia. Moderazion: Anna Mazzel.
Mierculdi 16 de mei - Entrada de basa, n tentatif nü che vegn porvé fora dal govern finlandesc!
Na ciaculada cun Tone Kastlunger, che vir y laora da 10 agn tla Finlandia y che nes cunta dl proiet pilot dl "Entrada de basa" por düc. Moderaziun: Esther Videsott.
"DAI CRËPS DL SELA", la trasmiscion ie da audì uni di dala 19:05 ala 19:30 sun la frecuënzes de RAI LADINIA
Vënderdi 11 de mei - "Nëus son familia"
Program de Simon Moroder.
Sada 12 de mei - L'onesté
Program de Giuliana Dejaco.
Dumënia 13 de mei - L "Trejante" y i capuzinri dala varëtes
Program de Georg Mussner.
Mierculdi 16 de mei - Neves locutores: na endesfida per i lengac de mendranza?
Program de Anna Mazzel.
TELEVIJION
Merdi 15 de mei dala 20:50 - Deboriada: sozietà, familia, sanità - Internet
Program de Ivan Senoner y Georg Penn, a cura de Leo Senoner.
Mierculdi 16 de mei dala 20:50 - Trail Spezial
A cura de Cecilia Mazzel.
Juebia 17 de mei dala 20:50 - Nosta Scola - atualità dala scoles dla valedes ladines
Tesć y cunzet de Martina Rier, camera y tai de Hanspeter Karbon, a cura de Alessandro Dapunt.

Informaziuns plü menüdes söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota "Mediateca" y les trasmiscions radio sota "Podcast".

Mujiga
Conzert de cianties con Bambi
Anché, vender ai 11 de mé da les 20.30 te gejia Sacro Cher de Cianacei, la sociazion Bambi endreza n conzert de "Cianties per la mama, n grignot per Francesca" con i cores di joegn de Fascia e Donatella Bernardi col compagnament del maester Paolo Bernard.
Cunzert cun l cor Joy in Harmony, l Cor Sasslong, l Cor di Jëuni de Gherdëina y l Ladinia women's chorus
N sada ai 12.5. dala 20.00 tla Cësa de Cultura a Urtijëi. Per i 10 ani dl cor di Paejes Tudësc, feji n viac de cunzerc tl Südtirol y se fërma nce te Gherdëina ulache i tenirà chësc cunzert deberieda cun i autri cores. Sun l program iel nce na mëssa cianteda cun l cor tudësch.
Conzert d'aisciöda dla Musiga d'Al Plan
Ai 19 de ma dales 20:00, tl salf dles manifestaziuns d'Al Plan. Sot la bachëta dl dirighënt Georg Plazza gnarál pité n program de 8 toc, danter chisc ince un deboriada cun le cor di mituns dla elementara y mesana. Danter la pröma y secunda pert sarál l'ocajiun da surandé n valögnes onoranzes.

Chino
Al chino de Tieser
Insnet, vender ai 11 da les 17.30 e da les 21.15 se pel veder "Show dogs – Entriamo in scena". Chest film vegn moscià ence doman, sabeda ai 12 de mé da les 21.15. En domenia ai 13 da les 21.00 spetacol de teater con Gabriele Biancardi. Info: www.cinematesero.com
LiteraKino, proiezion de films per granc
Tla Bibliotech San Durich a Urtijëi vëniel mustrà ncuei vënderdi ai 11.5. dala 20.30 n film tla rujeneda tudëscia. N vënderdi ai 18.5. saràl da udëi n film per tudësch.
L program plu avisa di films che unirà mustrei proscimamënter ie da udëi tla bibliotech, ulache l ie nce julantins da pudëi se tò pea.
Film per mutons – Enes dla families
N vënderdi ai 18.5. dala 16.00 ala 17.30, tla Bibliotech San Durich a Urtijëi, vëniel mustrà n film per mutans, mutons, jëunes y jëuni. L program plu avisa dl film che unirà mustrà ie pona da udëi tla bibliotech, ulache l ie nce julantins da pudëi se tò pea.

Teater
Spetacol de teater per Lifeline Dolomites
En domenia ai 13 de mé da les 21.00 te teater de Tieser la biblioteca de Pardac endreza n spetacol de Gabriele Biancardi con museghes del grop Punto Gezz, naratora Beatrice Uber e balerina Chiara Buratti. Al spetacol dal titol "Aede mai proà a esser femenes?" vegn tout sù bonaman per Lifeline Dolomites.

Referac
Cie tën pa su nosta families
N sada ai 12.5. dala 20.30 tla Bibliotech S. Durich a Urtijëi saràl, n ucajion dl'Enes dla Families n referat cun descuscion sun l tema "Was gibt unseren Familien Halt". Referënc ie l pèr Petra y Klemens Grimm dl Osttirol, cunsiadëures per la families.
Varì cun plantes de medejina
N merdi ai 15.5. dala 20.00 tla Bibliotech T. Gruber a S. Cristina. Na apoteca de cësa cun plantes de medejina adatedes per duta la familia. Metù a jì dal VKE.
Viver cun valores – Sëira de descuscion
N mierculdi ai 16.5. dala 20.30 te calonia de Urtijëi. Sëira de descuscion cun Martina de Zordo sun l argumënt "Wert-voll leben, was ist uns wichtig" cie nes sà pa mpurtant. Metù a jì dala Grupa Uemes y Fenans dla Pluania de Urtijëi.
Nosc cervel, na cassa dla marueies - Fit tl cë per jëuni y vedli
N juebia ai 17.5. dala 20.00 tla sala Raiffeisen te Chemun a S. Cristina, nvieia l KVW al referat cun Petra Gamper, ulache n ne giaperà nia mé nfurmazions de coche l cervel ie fat, ma nce cunsëies de utl per se mantenì saninton mentalmënter. Referat cun prejentazion nterativa de na publicazion.
La ponsiun d'injunta Laborfonds
Paiëise ite vigni mëis por la ponsiun d'injunta Laborfonds? O ponsëise sura da se scrí ite y orëis informaziuns plü menüdes? Ëise domandes sön i Laborfonds? Les colaboradësses di Laborfonds respogn a Ostes domandes en lönesc ai 14 de ma te Ciasa de Palsa a San Martin. Se anunzié por fá fora n termin individual pón dal lönesc al vëndres dales 8:00 ales 12:00 al 0474/524794.

Dotors y Apoteches
Apoteches
L'apoteca che ie de servisc per Gherdëina, ora dl orar ordiner de giaurida, da n vënderdi ai 11.5. nchin n vënderdi ai 18.5. ie chëla de Sëuc, tel. 0471/708970 (orar de giaurida lu-ve 8.30-12.30/15.00-19.00, sada 8.30/12.30. Turnus: 9.00-12.00).
L'apoteca de servisc tla zità plu daujin ie ntan chësta ena la "Franziskus Apotheke" a Persenon, Millander Au 2B, tel. 0472/833038.
L'apoteca en sorvisc tla Val Badia, fora dl orar ordinar, dal vëndres ai 11 de ma dales 19.00 al vëndres ai 18 de ma ales 19.00, é chëra da La Ila, tel. 0471/847152.
Dotors
L dutor de servisc te Gherdëina da n sada ai 12.5. dala 8.00 daduman nchin la 8.00 daduman de n lunesc ai 14.5. ie l dutor Aba Fallaha de Sëlva, tel. 0471/794111 o l 0471 797540 o l 333 9593131.
Doturs Val Badia: Le dotur en sorvisc ti cin' comuns dla Val Badia, tl fin dl'edema di 12 y 13 de ma, é le dotur Luca Galiazzo, tel. 342/5181295.

Cursc
Curs per se njenië ca a parturì
Per ëiles che aspieta y genitores dl daunì, che à l terminn de agost/setëmber 2018. L'ancuntedes sarà tla palestra dla cësa de paussa a Urtijëi, dai 25.6. ai 30.7. uni lunesc dala 16.00 ala 18.00/19.00. Iscrizions: CUPP tel. 0471/457457, 8.00-16.00 dal lunesc al vënderdi; email vormerkungen.bz@sabes.it; ëifoma 0471/797778, assistënta sanitera 0471/794290.
Curs da depënje a Balsan cun Sabine Brugger
La Comunanza Ladina inviëia al curs da depënje cun Sabine Brugger chisc dis: 17 de ma y 7 de jügn o 18 de ma y 8 de jügn, dales 14:00 ales 18:00 tla "Ciasa dai Ladins". Da se tó para: papier da acuarel, corusc, pení y peza da neté.
Infos y iscriziuns pro Patrizia Erlacher, tel. 366 8010690.

Temp lede
Qi Gong
N se anconta uni mierculdi dala 8 da sëira a S. Cristina tla sala Raiffeisen te cësa de chemun cun Rodolf Braunhofer. L se trata de muvimënc fac cun la drëta tecnica de tré l fla, che porta a n miëur bënsté dl corp y fej bon ala sanità. Uniun possa passé n iede a purvé ora. La Lia Sanynton nvieia a se nuzé de chësta ucajion.
Autores liej dant
Ncuei 11.5. dala 20.00 tla bibliotech O.v. Wolkenstein te Sëlva. Sylvia Zöschg lijerà dant ora de si liber "Sie wollte nicht Mama sagen".
Trix: domesdì de juesc da mëisa per families y mutons
Duman sada ai 12.5. dala 14.00 ala 17.00 te calonia de Urtijëi. Per families y mutons dla scolina, scola elementera y mesana. N domesdi da sté te familia fajan n blòt juech deberieda, che ai mëndri ti sà tan bel. Ma nce per i majeri y per genitores iel suënz na esperienza dldut nueva. Gran vela de juesc d'uni sort.
Domesdì da pastelné
N lunesc ai 14.5. dala 14.00 ala 18.00 a Urtijëi tl local Matada sun Plaza de Dlieja. Metù a jì dal VKE.
Marcià da La Poza
N sada ai 19.5. dala 7.30 nchin la 14.00 te Sëlva daujin al Chemun. L sarà inò l Cor de Dlieja y la grupa di Alpini che dà ora velch da maië y da bever.
Festa per la families
N dumënia ai 20.5. dala 10.00 nchin la 18.00 pra l luech da Ruf a Urtijëi tla streda Socrëp. La Lia Ciavei de Gherdëina mët a jì chësta festa ulache n giaperà nce da maië y da bever, l sarà na mostra de tieres da smilé, n puderà jì a bastin y fé na raida cun la cales.
Premiaziun dl concurs de dessëgn Raiffeisen
Incö vëndres ai 11 de ma dales 15:00 él tla Ciasa dla Cultura a La Ila la premiaziun a livel local dl 48. concurs de dessëgns Raiffeisen, a chël ch'al á tut pert iniann i scolares y scolars dl comun de Badia. Tema da iniann ê "Les invenziuns müda nosta vita".
Imparé da se devertí y se fá demorvëia
En ocajiun dl'edema dles families, á pici y gragn la poscibilité indoman sabeda ai 12 de ma dales 15:00 ales 17:00 da vijité le Lüch da Murin a Badia, le pröm lüch dla valada che á arjunt la zertificaziun "scora söl lüch da paur". I impararun da conësce le lüch da paur cun i 5 sënsc y tres aspec naturalistics y scientifics. Infos y prenotaziuns pro Rossana al 320/7237860.
Sëra de biodanza
Le Centro Hòdo, www.centrohodo.com, organisëia na sëra de biodanza cun Angelo Palfrader, a Al Plan de Mareo, tl salf dla Scora Mesana basite, en mercui ai 16 de ma dales 20:00. Infos y prenotaziuns al 333/4383509 , mail: angelopalfrader@virgilio, sit: www.biodanzaitalia.it
Nia ma libri...
La biblioteca Sas dla Crusc inviëia mitans y mituns dai 10 agn insö da gní en jöbia ai 17 de ma dales 16:00 te biblioteca da La Val, por n domisdé de compagnia te biblioteca. Referëntes é Sylvia y Veronica.

Mostres y Ert
I studenc descour l'èrt
Al Museo de èrt contemporana de Ciavaleis se pel veder la mostra "Oltre la lente. Quando l'arte è da scoprire", aldò de n projet che met adum l Museo de Ciavaleis e la Scola de Fascia con sie Liceo de la èrts. L'é temp amò fin ai 13 de mé duc i dis h. 15.30-19.30 e de sabeda ence 20.30-22.00.
Mostra de l'artist Matthias Sieff
Se pel veder fin ai 17 de mé la mostra de l'artist da Ciampedel Matthias Sieff dal tìtol "Distorsioni plastiche" metuda fora a la galarìa Contempo, strada T. Maier 48a a Perjen. Duc i dis da les 10 a les 12 e da les 15 a les 19, de domenia e lunesc su apuntament al 340 5682286. Info www.galleriacontempo.com
"La spersa"
Mostra di cumëmbri dl cunsëi dla Lia Mostra d'Ert tla sala dl Circolo a Urtijëi, Plaza S. Antone. Adam Demetz, Silvia Demetz, Sophie Eymond, Mirko Insam, Andreas Kondrak, Medea Moroder, Hannes Mussner, Fabio Perathoner, Simon Perathoner, Christine Runggaldier, Patrick Senoner y Sofia Stuflesser lascia udëi cie che l ti ie tumà ite sun chësc argumënt. La mostra ie mo da udëi nchin ai 13.5. for dala 10-12 y 16-19.
"Ode" de Sophie Eymond
La mostra de pitures dla artista franzëusa che viv y lëura da n pez incà a Urtijëi ie da udëi tl Café Surëdl a Urtijëi, streda Roma, da lunesc nchin sada dala 10.00 ala 19.00.
"Furnì" mostra de Martin Pöll
N vënderdi ai 18.5. dala 20.30 nvieia la Lia Mostra d'Ert ala giaurida dla mostra, tla sala dl Circolo a Urtijëi sun Plaza S. Antone. Ti lëures de Pöll se spitlea i mudamënc dla natura, desseniei do cun de plu materiai. La mostra sarà da udëi nchin ai 1.6. uni di dala 10-12 y 16-19, de lunesc iela stluta.
Montes astrates de Helmar Demetz
N sada ai 26.5. dala 21.00 a Scandicci tla Toscana saràl la giaurida dla mostra de pitures dal titul "Astrattismi" linies y culëures di crëps de Gherdëina. Sun nvit dla sezion dl CAI de Scandicci mët l artista de S. Cristina ora si opres d'ert tla sala Camilli – CNA Scandicci, n ucajion de na manifestazion sun la Dolomites.

Galaria retrac