Manifestazions atuales speziales

Data

14 de setember 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 14 de setember
Proiet "Jënt Ladina"
Presentaziun de n proiet interessant y documentatif dl Istitut Ladin Micurá de Rü
"Jënt Ladina" é n archif de intervistes video tutes sö tl raiun ladin dolomitich, che é da odëi online sön la plata internet www.micura.it. Tl zënter dl'inrescida él porsones de generaziuns desvalies dla Val Badia, Gherdëna, Ampëz, Fodom, Col S. Lizia y Fodom, che cunta de sües esperiënzes de vita te so lingaz dla uma. Dal 2011 cina al 2017 él gnü intervisté da Erika Castlunger y Paolo Vinati indöt 50 porsones. Les tematiches de chëres che ares nes cunta é desvalies, les porsones plü vedles cunta dla situaziun soziala y economica da inlaota, dl laur da paur, dla scora, dles opziuns y dla secunda vera mondiala. Les porsones da 30 a 50 agn cunta dantadöt di stüdi che ares á fat y dl monn dl laur d'aldedaincö y les jones y i jogn sot ai 20 agn cunta dl monn dla scora, de sü soms por le dagní y de sciöche ai vëiga la situaziun dl ladin te nostes valades.
Le proiet "Jënt Ladina" vëgn presenté en mertesc ai 18 de setëmber dales 20.30 tla Ciasa de ra Regoles a Cortina d'Ampëz y en mercui ai 19 de setëmber dales 20.00 tl Istitut Ladin Micurá de Rü a San Martin de Tor.

Show da cujiné "Südtirol kocht" a Badia
Deplö coghi y les patrones dl paisc de Badia presënta spezialités tradizionales tratan n show da cujiné en ocajiun dla segra de Badia
En sabeda ai 15 de setëmber, en ocajiun dla segra de Badia, vëgnel tigní a San Linert n apuntamënt cun la manifestaziun "Südtirol kocht". Dales 10:30 ales 15:00 saral n valgügn coghi dl post y les patrones de Badia che cujina dant de vigni sort de spezialités tradizionales y ince plö modernes. Le publich ará spo la poscibilité da ciarcé i taîs fac cun produc locai. Fausto Moscardo, cogo dl hotel Cavallino, cujinará n grestl y Andrea Irsara dl Gourmet Hotel Gran Ander lasciará ciarcé n rijoto de cier cun scaia de ciajó dl lüch Chi Prá. Le barman Thomas Pozzato dl hotel Cristallo arjignará ca n cocktail "Dolomitico". Oskar Irsara dl hotel Gardenazza mostrará sciöche al cujina cajincí cun farina de për, ciajó, spinot y cracker de polëinta. Le cuarto taí gnará presenté da Manuel Frenademez dl hotel Melodia del Bosco: al se trata de gnoch da ciote y zücia, cun funguns, "coppa" dl lüch da Ciampidel y polber de ciastëgnes. Dles duciaries se crüzia les patrones de Badia arjignan ca fortaies y le conditur Richard Wieser dla conditoria "I Dolci di Ricky" cun n dessert spezial. La manifestaziun, presentada da Silvia Fontanive, vëgn metüda a jí pro paiun a San Linert sides en cajo de bel y ince de burt tëmp. La segra de Badia jará spo inant cun l'alzada dl lëgn da segra, le conzert dla Müjiga di Jogn dl'Alta Badia y da sëra festa cun musiga.

Prevenziun, diagnosa y terapia
Sëra d'informaziun dl Consëi de Formaziun de Badia sön le tumor al dansö. A Badia, tla Ciasa Runcher, en jöbia ai 20 de setëmber dales 20:00
Les referëntes dará informaziuns sön la mamografia, l'ecografia y la ressonanza magnetica al dansö. Al gnará ince splighé ci controi ch'al foss dërt da fá, canch'ai foss da fá y ci ch'an ciafa fora tres chisc controi. Implü gnarál baié de sciöche le dansö dl'ëra é fat y coch'al pó se formé n crebesc y cun ci probabilité che chësc pó crësce. An ciafará ince informaziuns sön i faturs che pó smendrí o aumenté le risch de tumor. Al gnará spo ince baié dles poscibilités ch'an á da fá na operaziun, tl caje de bojëgn, de co ch'ara vëgn planificada, y dles sorts de terapia ch'an pó fá dedô. Ala sëra tolarál ince pert ëres che á albü n tumor y che cuntará de süa esperienza.
Les referëntes sará la Dr. Sara Wasserer y la Dr. Sabine Kaneider dl Ospedal da Bornech.

Cursc da jadiné
L'Ice Club Alta Badia organisëia cursc da jadiné por prinzipianc y progredis
L'Ice Club Alta Badia pita indô cursc da jadiné por mituns y mitans dai 4 agn insö. I cursc jará inant por zirca 3 mëisc.
Le curs por i scolari dla scora elementara mët man ai 24 de setëmber y jará inant vigni lönesc dales 16:30 ales 17:15 y/o vigni mercui dales 16:00 ales 16:45. Al vëgn tigní un n iade al'edema por prinzipianc y dui iadi al'edema por progredis.
Por i mituns dla scolina y dla pröma elementara mët man le curs en jöbia ai 27 de setëmber y jará inant tres la jöbia dales 15:30 ales 16:15.
Le cost é por le curs di principianc de 110,00 Euro y por le curs di progredis de 180,00 Euro.
Düc i mituns y dötes les mitans che á vëia de jadiné dess s'anunzié.
Por l'iscriziun y por informaziuns prëibel cherdé sö o scrí, anter i 19 de setëmber, al numer de telefonn 333 2930586 (Renate).

Jita de chi dl "53" dla Val Badia
Iten Ulten en mercui ai 3 d'otober 2018
I nasciüs dl 1953 dla Val Badia vá en jita ai 3 d'otober 2018, cun le bus che pëia ia te chisc orars: 8:00 zënter da San Martin, 8:15 Longega, 9:00 Porsenú, 12:00-12:30 S. Gertraud Ulten (marëna), program cultural do marëna, 19:00-19:300 cëna cun musiga a San Martin (Ostaria Dasser). Prisc por tó pert: 110,00 euro, da paié ite anter le 24 de setëmber söl cunt bancar IT 70H 08010 58830 000404425391. Por infos: tel. 328 6472341 (Gottfried Trebo).

Jita acompagnada al ander de Conturines
En sabeda, ai 22 de setëmber 2018. Por la jënt dl post
Le Sorvisc ai Jogn Val Badia mët da jí en colaboraziun cun la Ciasa Parch Natural Fanes-Senes-Braies na escursciun acompagnada al ander dles laurs tl raiun de Conturines. Le tru é de zirca 7 ores, cun n deslivel de 1.200 metri. Le grup s'incunta dales 8:30 ala Capanna Alpina daite da San Ciascian. Iscriziuns debann te Sorvisc ai Jogn Val Badia (tel. 0474 523070) anter en mercui ai 19 de setëmber 2018.

Crësce sö cun regoles tleres
Consëis por na vita de familia plü scëmpla y sarëna: curs de trëi incuntades a La Ila tl Salf dla Cassa Raiffeisen
Curs de trëi incuntades por geniturs che á mituns da 0 ai 18 agn: en mertesc ai 9 y ai 23 de otober, y ai 6 de novëmber 2018, tres dales 9:00 ales 12:00 (danmisdé). Referënt: Roland Feichter.
Le curs costa 44,00 € por porsona, 57,00 € por copia. Infos y iscriziuns cina ai 7 d'otober pro Lois Castlunger, tel. 0471 847200. Organisaziun: KVW La Ila.

"E-Bike Ways" tl'Alta Badia
La sabeda ai 22 de setëmber ti vëgn dedicada daldöt ales rodes eletriches
En chësta ocajiun vëgnel dé la poscibilité da se impresté fora na roda eletrica sön Piz La Ila dales 9:00 inant y jí fora por un di dui percursc metüs dant. Sön Piz La Ila, olache al pëia ia trami i percursc, ti vëgnel dé ai partezipanc na cherta che mostra avisa le percurs sciöche ince la dificulté. La "picia roda" é le percurs ble y chël plö saurí, che vá dal Piz La Ila al Piz Sorega y zeruch. La "gran roda" é le percurs plö ri, che vá cina al Pralongiá, jö San Ciascian por gní sö zeruch sön Piz Sorega y ruvé al Piz La Ila. Pro vigni percurs vëgnel pité tles üties che tol pert ala manifestaziun spezialités tradizionales sciöche turtres, föies da soni, fortaies, pössl y atres duciaries. Implö sarale deplö grups musicai che abelësc chësc de amesa la natüra ite. Le cost dl'iscriziun cun l'imprëst dla e-bike é de 37,00 €, sce an á instësc la roda spo costel 12,00 €. Pro l'iscriziun ciafen na cherta cun i percursc, trëi bonns por mangé te üna dles üties partezipantes, deplö scincundes y n bonn cun le 50% de reduziun sön la cherta dl Dolomiti Super Summer por le 23 de setëmber.

Dui cursc de fitness a La Ila
La U.S La Ila/seziun Fitness mët a jí d'altonn 2 cursc de fitness a La Ila adöm al istrutur Thomas Valentini. Start: 11 d'otober
Curs de Step: 19:30-20:30
Prenotaziuns al 339 1433016 cun SMS don dant "Curs Step + inom y cognom" (le numer de partezipanc é limité)

Total Body Tune Up: 20:30-21:30
N bun alenamënt por döt le corp: al vëgn lauré sön le fle, sön la agilité y potenzié i muscui dles iames y pert alta dl corp cun eserzizi dl Cross Fitness y Functional Training. Les prenotaziuns gnará tutes sö pro la pröma incuntada.
I 2 cursc mët man ai 11 de otober y jará inant vigni jöbia por indöt 8 iadi tres tla gran palestra da La Ila.

Pelegrinaje de duta la provinzia a Baiston
Per duc i cumëmbri dl KVW. N sada ai 6 de utober. Santa mëssa dala 11.30 cun l Vëscul Ivo Muser. L se trata de n pelegrinaje a stëila, chël uel dì che n vën adalerch da plu luesc caprò, per se ancunté duc deberieda a Baiston. Da se scrì ite dai 17 nchin ai 20 de setëmber
L mumënt plu mpurtant di 70 ani che l KVW festejea chëst ann ie l pelegrinaje a Baiston. N chësta ucajion pieta i trëi cunsëies dla grupes dl KVW de Gherdëina la puscibltà de jì a Baiston cun la curiera o a pe da Neva Tudëscia/Deutschnofen demez. Deberieda cun l'autra grupes dl KVW de Südtirol se abinons sun plaza de dlieja, ulache l Vëscul Ivo Muser zelebrea la Santa mëssa. Do mëssa vëniel partì ora la marënda, che unirà njenieda ca dala prutezion zevila dla Crëusc Blancia.
Dala 7 y dala 8 daduman da Sëlva y dampro ora
Per chëi che va a pe muev la curiera dala 7 daduman da Sëlva demez y fërma a Santa Cristina 10 menuc do la 7 y da 20 menuc do la set a Urtijëi, a Runcadic fërmela dala 7.25.
La segonda curiera per chëi che furnea nchin pra dlieja, muev 1 ëura do y plu avisa dala 8 daduman da Sëlva demez y fërma inò dampro ora.
De reviers furnons inò duc deberieda dala trëi domesdì.
La iscrizions
La iscrizions vën piedes do dai 17 nchin ai 20 de setëmber, te Sëlva tla butëiga "Sartëur", a S. Cristina tla butëiga "Antich & Rariteies", a Urtijëi tla butëiga "La Flaura".
Da paië ite iel 10 euro per la curiera, per la marënda vëniel scudì 7 euro te curiera.

Servisc de curiera La Saurida
N lunesc ai 17 de setëmber scumëncia inò l servisc de shuttle sun y da Plesdinaz. Nchin ai 16 de dezëmber
L servisc va mé cun prenutazion, un'ëura dan l viac. Publicon nce tla USC i orares avisa. L servisc va uni di dala 07.00 nchin la 17.30. L numer de telefonn per se lascé nuté su ie 331 897 2000
Plesdinaz - Zënter de S. Cristina
Cristauta 8.00 9.00 10.00 11.00 14.00 15.00 16.00 17.00
Praulëta 8.05 9.05 10.05 11.05 14.05 15.05 16.05 17.05
Puzé 8.07 9.07 10.07 11.07 14.07 15.07 16.07 17.07
La Crëusc 8.08 9.08 10.08 11.08 14.08 15.08 16.08 17.08
Mauron 8.09 9.09 10.09 11.09 14.09 15.09 16.09 17.09
Oberaldoss 8.10 9.10 10.10 11.10 14.10 15.10 16.10 17.10
Inaz 8.11 9.11 10.11 11.11 14.11 15.11 16.11 17.11
Bucinea 8.12 9.12 10.12 11.12 14.12 15.12 16.12 17.12
Plaza 8.13 9.13 10.13 11.13 14.13 15.13 16.13 17.13
Chemun 8.14 9.14 10.14 11.14 14.14 15.14 16.14 17.14

Zënter de S.Cristina - Plesdinaz
Chemun 9.30 10.30 11.30 12.30 15.30 16.30 17.30 18.30
Plaza 9.31 10.31 11.31 12.31 15.31 16.31 17.31 18.31
Bucinea 9.32 10.32 11.32 12.32 15.32 16.32 17.32 18.32
Inaz 9.33 10.33 11.33 12.33 15.33 16.33 17.33 18.33
Oberaldoss 9.34 10.34 11.34 12.34 15.34 16.34 17.34 18.34
Mauron 9.35 10.35 11.35 12.35 15.35 16.35 17.35 18.35
La Crëusc 9.36 10.36 11.36 12.36 15.36 16.36 17.36 18.36
Puzé 9.37 10.37 11.37 12.37 15.37 16.37 17.37 18.37
Praulëta 9.39 10.39 11.39 12.39 15.39 16.39 17.39 18.39
Cristauta 9.44 10.44 11.44 12.44 15.44 16.44 17.44 18.44

"A spas per la Ladinia" vegn prejentà a La Rezila
L'apuntament l'é en domenia ai 16 de setember da les 3 domesdì con musega e n pìcol marindel
L'é con gran piajer che l'Union di Ladins de Fascia ve envìa en domenia ai 16 de setember te la bela utia de La Rezila a Moena a la prejentazion del terzo liber de la colana "A spas per la Ladinia" de Fernando Brunel.
L'é n bel liber da la soracuerta biencia, che jontà apede ai etres doi, chel brun e chel vert, fèsc doventèr i colores de la bandiera di ladins.
L'é n regoi de 22 raides sa mont che Fernando met bolentiera a la leta de duc si letores. Raides te Fascia, te Gherdena, te Badia, te Fodom e ence vin Ampez, olache l'à rejonà con i patrons de la uties e i bachegn de la monts.
En domenia l liber ge vegn sport a duc con n omaje spezièl.
Fernando ve speta da les 3 domesdì a La Rezila, l ve contarà de si viajes e sarà ence mìngol de musega e n pìcol marindel.

N cuer fit
Cunferënza cun l dut. Felix Pescoller n juebia ai 20.9. dala 20.00 a Runcadic tla Cësa dla Lies
Uni ann audions de cumpanies a chëi che l ti à dat l bòt al cuer. Tl Adesc Aut suzédel passa 1000 iedesc al ann. Cie possa pa uniun de nëus fé per la sanità de si cuer?
L funziunamënt de chësc mustl tan mpurtant, cie che ti fej dann, ma nce cie che pudon fé per si sanità, chisc ie i argumënc de chëi che l dut. Felix Pescoller nes cunterà.
La "Südtiroler Herzstiftung" nvieia duc i nteressei ala cunferënza "Faszination Herz" n con' dl bënsté de nosc cuer.
L cardiologh dr. Felix Pescoller rujenerà tla Cësa dla Lies (Destudafuech) a Runcadic, n juebia ai 20.09.2018 dala 8 da sëira.
Da dedò puderàn fé dumandes al dutor y se nfurmé n con' dla "Grupa dal sport Cuer" te Gherdëina.

Fiat 500 Sella Tour
N dumënia ai 16.9. da Sëlva demez per duc chëi dal Fiat 500
N se urta n dumënia dala 8.30 te Sëlva sun Plaza Nives, ulache n possa se lascé scrì su y pië do i bonns per la marënda y gusté mo dan muever duc deberieda su per i jëufs ntëur al Sela. Dala 11.30 tlameràn tla Bar Peter a Reba per n aperitif y dala 14.00 saràn inò te Sëlva per jì a marënda tl Hotel Oswald. Dala 17.00 finerà via la manifestazion.
Da paië ite iel 35 € per chël che avisa y 28 € per chël che furnea pea, laite tl priesc iel l pachetl de garejeda, gusté, aperitif, menù da trëi derzedes te n hotel da 4 stëiles, na plachëta y etichëta dla manifestazion.
Per nfurmazions cherdé su Peter 329 4221363 o Georg 335 8274025 o scrì a 500sellatour@gmail.com.

Minivolley
Mutons y mutans unide a fé pea chësc bel sport. N lunesc ai 17.9. vëniel inò scumencià
L Club Volley Gherdëina fej a l savëi che n lunesc ai 17 de setëmber scumëncia la pitla atletes y i atlec inò i alenamënc de pallavolo.
Chi che ulëssa fé pea possa unì dala 16.30 tla palestra pra la scola mesana de Sëlva. L segondo alenamënt sarà pona de vënderdi a Urtijëi, for dala medema ëura.
Bënunii y bënunides ie i mutons y la mutans da 8 ani insù. Per plu nfurmazions pudëis cherdé su l 328 3638884.