Manifestazions atuales

Data

05 de otober 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 5 de otober
Radio y Televijion
RADIO
"LADINIA LIVE": Microfons davierc sun atualità y cultura
La trasmiscion ie da audì uni merdi y mierculdi dala 13:45 ala 14:00 sun la frecuenzes de RAI LADINIA
Mertesc, 09 de otober - "Nia de parora"
Na colauraziun danter l'Uniun dl Teater La Val y le Cor de dlijia, sot a la rejia de Matteo Rubatscher. Na ciacolada cun l regist. Conduziun: Esther Videsott.
Mercui, 10 de otober - Dì mondial de la sanità mentala
En rejonon co la psicologa e psicoterapeuta Elisabetta Cloch. Conduzion Anna Mazzel.
La trasmiscion "DAI CRËPS DL SELA" ie da audì uni di dala 19:05 ala 19:30 sun la frecuënzes de RAI LADINIA
Vender, 05 de otober - "La chëuta di vedli mutons"
Trasmiscion de Alex Runggaldier.
Sabeda, 06 de otober - Momënc de vita – intervista cun Caterina Comploj, 'Nina dl Casteller'
Program de Erika Castlunger.
Domenia, 07 de otober - I "Watussi" – Grupa storica de Gherdëina (prima pert)
Trasmiscion de Tobias Dellago.
Lunesc, 08 de otober - Jëuni de mujiga de Gherdëina – program cunzerc 2018/19
Program de Leo Senoner.
Mercui, 10 de otober - Edith Ploner a cef dla Scoles Ladines dla Provinzia de Busan
Program de Anna Mazzel.
TELEVIJION
Mertesc, 09 de otober dala 20:50 - Sport ladin
Mensil de sport tles valades ladines. Program de Diego Clara y Hartmann Mairhofer. A cura de Leo Senoner.
Mercui, 10 de otober dala 20:50 - Spëisa ladina saus da zacan: tutres cun file vërda
Program de Zak Mairhofer y Stefan Ghedina, conduziun y conzet de Concetta Bonaldi, a cura de Anna Mazzel.
Juebia, 11 de otober dala 20:50 - Nosta scola
Program de Lena Musler y Hanspeter Karbon, a cura de Alessandro Dapunt.

Informaziuns plü menüdes söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota "Mediateca" y les trasmiscions radio sota "Podcast".

Mostres y Ert
"Mudamënc de perspetiva"
N vënderdi ai 12.10. dala 20.30 tl Circolo/Lia Mostra d'Ert a Urtijëi, Plaza S. Antone, giaurida dla mostra de Mayr, Fuchs, Risch, artisć che ova venciù l ann passà l simposium de scultura sun Ciampinëi. La mostra resterà davierta nchin ai 25.10. uni di dala 10.00-12.00 y 16.00-19.00. De lunesc iela stluta.
Matthias Sieff a Riva del Garda
L zipiador fascian Matthias Sieff met fora sia operes a Riva del Garda te la Sala Civica "G. Craffonara" Giardini di Porta Orientale. L'esposizion, dal titol "Antichi caratteri contemporanei" resta averta dai 6 ai 31 de otober duc i dis h. 10.00-13.30 e 17.00-20.30. Inaudazion en sabeda ai 6 da les 18.00.
Mostra "Altavia Garage"
Paul Sebastian Feichter, Hubert Kostner, Pierangelo Giacomuzzi (Treefisters), Alfred Tavella e Guido Tavella con Na.tour.Konferenz met fora dai 5 ai 7 de otober (h. 10-22) la mostra d'èrt "Mensch-Montagna-Turism" Al Plan de Mareo tel Garage de l'Excelsior Dolomites Resort.
Atelier daviert
Elisabeth Frei nvieia de cuer al di dl Atelier daviert n ucajion dl 14ejim di dl'ert cuntemporana, n sada ai 13.10. dala 10.00 ala 18.00, a Laion tl raion artejanel Gornegg 17.
"act" de Helmar Demetz
La mostra de opres d'ert de Helmar Demetz de S. Cristina ie da udëi tl Café Surëdl a Urtijëi tla streda Roma, da lunesc nchin sada dala 10 ala 19.
Mostra Altavia Garage tl Hotel Excelsior a Al Plan
Tl Garage tl Hotel Excelsior a Al Plan, Dai 5 ai 7 d'otober, dales 10:00 ales 22:00. Al é da odëi laurs de Alfred Tavella, Guido Tavella, Hubert Kostner, Pierangelo Giacomuzzi y Paul Sebastian Feichter.

Sport
Corsc del Ski Team Fascia
L Ski Team Fascia met a jir n cors de ginastica per jir coi schi per bec de la populères dai 9.10 ai 5.12: de mèrtesc te palestra a Vich h. 17.00-18.00, de mercol te palestra a Ciampedel h. 16.30-17.30. Cost 35 euro. Enscinuazions fin ai 5 de otober a info@skiteamfassa.it con dac e rezepis de paament. Info: 0462.764111.
L Fascia Falcons contra l Feldkirch
En sabeda ai 6 de otober da les 8 da sera i Fascia Falcons jia contra l Veu Feldkirch per l Campionat de hockey Alps Hockey League 2018/19.
Turnoi de tennis di ëi ATP Challenger
Dai 6.10. nchin ai 14.10. vëniel jugà tl zënter dal tennis a Runcadic per chësc gran turnoi. N sada y dumënia ai 6. y 7.10. dala 10.00 y dala 18:00 inant iel partides de cualificazion. Da n lunesc 8.10. vëniel jugà per l tabelon prinzipel dala 10.00 inant y nce for da sëira dala 18.00 inant. Da n merdi inant saràl nce la partides de dopl. N sada ai 13.10. dala 14.00 inant finela dl dopl y semifinela dl singul y n dumënia 14.10. dala 14.00 finela dl turnoi singul.
Partida de hockey dl HC Gherdëina
Duman sada ai 6.10. partida dl campiunat AHL ulache l HC Gherdëina jugherà n cësa contra la scuadra de Puster, dala 20.30 tl stadio Pranives de Sëlva.
Vertical Cioch Vedeler
En sabeda ai 6 de otober da les 14.30 se pel tor pèrt a la Cioch Vedeler, garejèda de vertical running che pea via dal ciamp sportif de Soraga.

Sozial
Setemèna acolienza
Tel chèder de la 4^ edizion de la Setemèna de l'acolienza, endrezèda te duta la region dal CNCA, insnet vender ai 5 de otober te oratorie de Poza h. 20.30 per endrez del Comun general de Fascia, con Progetto 92 e la Biblioteches de Fascia vegn moscià l film "La mia vita da zucchina" e portà dant riflescions e conscidrazions aldò.

Cursc
Curs de balé
N vënderdi ai 5, 12 y 19 de utober, dala 20.30, tla Cësa de Cultura O.v. Wolkenstein te Sëlva basite nvieia la Grupa Bal populer de S. Cristina y Sëlva a unì a mparé a balé "Walzer", "Polka" y "Boarisch". Nfurmazions plu avisa giàpen cherdan su l 331 5944322.
Café leterer per nglëisc
N juebia ai 11.10. dala 9.30 nchin la 11.00 tla Bibliotech San Durich a Urtijëi. S'la ciaculé per nglëisc pra n tòch de tëurta y n bon café. Cun Edmund Dellago. N ne à nia drë de se lascé nuté su.
Curs de cujiné
Ai 12, 14 y 16 de utober dala 17.00 nchin la 21.00 tla Cësadafuech dla pitla sala dla Cësa de Cultura O. v. Wolkenstein te Sëlva, cun l cuech Norbert Dejaco. Metù a jì dal KVW de Sëlva. Iscrizions da Claudia Senoner tel. 339 5732700.
Curs de fotografia y co se deriejer cun l aparat digitel
N vënderdi y sada ai 19. y 20.10. cun Norbert Pitschieler y Paul Walpoth, tla sënta dl Fotoclub a Urtijëi (Lia Mostra d'Ert) n vënderdi dala 20.00 (teoria) y n sada dala 13.00 ala 17.00 (pratica dedora). Da se scrì ite iel da Paul, tel. 339 4800706 nchin sada ai 13.10., l possa fé pea al plu 10 persones. Da paië ite iel 30 €. Metù a jì dal KVW Urtijëi.
Ladin per chëi che sà bele n puech
Dai 16.10. inant, for de merdi, dala 20.00 ala 21.30, per de ndut 8 iedesc, tl Istitut Ladin Micurà de Rü te Sëlva, cun Karin Comploj. Priesc 95 €. L orar possa mo unì mudà aldò dl bujën di partezipanc. Iscrizions nchin a n'ena dan che l curs scumëncia: Servisc Furmazion Gherdëina, tel. 0471 773225, email furmazion.gh@micura.it.
Dui cursc de fitness a La Ila
Cun l'istrutur Thomas Valentini. Start: 11 d'otober. Curs de Step dales 19:30-20:30, prenotaziuns al 339 1433016 cun SMS don dant "Curs Step + inom y cognom" (le numer de partezipanc é limité); Curs "Total Body Tune Up" dales 20:30-21:30. Les prenotaziuns gnará tutes sö pro la pröma incuntada.
Curs por geniturs
A La Ila tla Cassa Raiffeisen, söl tema "Crësce sö cun regoles tleres", cun Roland Feichter. Trëi incuntades, ai 09.10, 23.10, y 06.11.2018, dagnora danmisdé dales 9 ales 12, infos y prenotaziun pro Lois Castlunger al 0471/847200.
Cursc de tennis a Corvara
Organisá dal ATC Ladinia, söi ciamps da Corvara. Por mituns y jogn dles scores elementares, mesanes y altes. 1. curs de 10 ores, dai 15 d'otober inant. Cost: 120,00€. 2. curs anual, dai 8 d'otober cina ai 31 de ma Por l'azes ai ciamps ól ester cialzá nëc y na parota da tennis (che an pó ince s'impresté fora pro la uniun) y zertificat dl dotur. Infos y prenotaziuns anter le 1. d'otober pro atennisclubladinia@rolmail.net
I fajun teater deboriada
L'Uniun Teater La Ila y Aterteater mët a jí n curs de teater por les mitans y i mituns dla 3, 4 y 5 elementara (max, 15), dal lönesc ai 8 de otober inant, cun Erika Castlunger. Le curs vëgn fat vigni lönesc cina ai 17 de dezëmber dales 16:30 ales 18:00, tla Ciasa dla Cultura a La Ila. Informaziuns y iscriziuns: Erika 339/6288847.

Temp lede
"Family Day" pra l turnoi de tennis
N dumënia ai 7.10. dala 13.30 nchin la 17.00 tl zënter dal tennis a Runcadic. Di dedicà ala families cun juesc y devertimënt per duta la familia, cun na show de striunëc "Magic Art" y l sarà n valgun jugadëures dl turnoi che se mët a despusizion per fé mpue al tennis cun i mutons.
Festa per i 20 ani de turnoies de tennis
N vënderdi ai 12.10. dala 21.00 tl zënter dal tennis a Runcadic vëniel festejà i 20 ani de turnoies nternaziunei de tennis te Gherdëina cun na party ulache l sunerà la grupa The Jam'son. La ntreda ie debant. Duc ie nviei a unì a festejé pea.
Domisde cun jüc da mësa
La Biblioteca Sas dla Crusc inviëia a n domisde d'aorela cörta cun jüc por döta la familia, deboriada cun le Spieleverein Dinx. An s'incunta en jöbia ai 11 d'otober dales 15.00 ales 17.00, te biblioteca a La Ila.
Amisc dla letöra s'incunta a Badia
En jöbia ai 11 d'otober dales 20:00 s'incunta te biblioteca de Badia i "amisc dla letöra", por baié de libri che an á lit.
Line Dance - invit da gní a balé
Le Consëi de Formaziun da La Val inviëia a plü serades da balé "line dance" cun Giovanna Moling. La pröma é en vëndres ai 12 d'otober dales 20:00, te salf dles manifestaziuns da La Val. An s'incunta spo ciamó ai 26/10, ai 9, 16 y 23 de novëmber. Informaziuns y prenotaziuns pro Giovanna al 338/1249472.
Sëra de biodanza
Le Centro Hòdo, www.centrohodo.com, organisëia na sëra de biodanza cun Angelo Palfrader, a Al Plan de Mareo, tl salf dla scora mesana basite, en mercui ai 17 d'otober dales 20:00. Infos y prenotaziuns al 333/4383509, mail: angelopalfrader@virgilio.it, www.biodanzaitalia.it
20° Top Wine
En sabeda ai 13 de otober da les 10.00 a les 17.00 al Refuge Maria sun Sas Pordoi la SITC endreza la 20^ edizion del Top Wine 2950, la degustazion de vins più auta del mond. Con passa 20 cèvenes regionèles e una del Piemont e amò l chef Paolo Donei de Moena e l Pastificio Felicetti de Pardac. Info: 0462.601178 o info@valdifassalift.it

Dotors y Apoteches
Apoteches
L'apoteca en sorvisc tla Val Badia, fora dl orar ordinar, dal vëndres ai 5 d'otober dales 19:00 al vëndres ai 12 de otober ales 19:00, é chëra da San Martin/Picolin, tel. 0474/523020.
L'apoteca che ie de servisc per Gherdëina, ora dl orar ordiner de giaurida, da n vënderdi ai 5.10. nchin n vënderdi ai 12.10. ie chëla de S. Cristina, tel. 0471/792106 o 333/1776615 (orar de giaurida 8.00-12.00/15.00-19.00).
Dotors
Doturs Val Badia: Le dotur en sorvisc tl fin dl'edema di 6 y 7 de setëmber, ti cin' comuns dla Val Badia, é le dotur Letterio Taormina, La Ila, str. Boscdaplan 101, tel. 375/6261774.
L dutor de servisc te Gherdëina da n sada ai 6.10. dala 8.00 daduman nchin la 8.00 daduman de n lunesc ai 8.10. ie l dutor Valentin Tröbinger de Sëlva, tel. 0471/773073 o l 335 6844944.

Teater
"Nia de parora" - Pasciun di discepui
La Uniun Teater y le Cor de Dlijia da La Val porta dant te dlijia da La Val la storia dla pasciun "Nia de Parora". Regia de Matteo Rubatscher y direziun musicala de Elio Clara. Premiera en vëndres ai 19/10 dales 20:00. Les atres rapresentaziuns é: domënia 21/10 dales 16:00, jöbia 25/10 dales 20:00, sabeda 27/10 dales 20:00 y domënia 28/10 dales 16:00. Les chertes vëgn venüdes n'ora dan la rapresentaziun. Informaziuns al 333/8236384.

Referac
La metoda "Validation ®"
N lunesc ai 8.10. dala 14.00 ala 18.00 y n merdi ai 9.10. dala 8.00 ala 16.00, tla sala Gisela Moroder tla Cësa de Paussa a Urtijëi prejenterà Cinzia Siviero la metoda "Validation" che à da n fé cun l'assistënza a persones cun demenza y amaledes de Alzheimer. Metù a jì dala Lia Sarëinn.
Ma co fejes'a a fé dut?
Gusté per ëiles cun referat. N merdi ai 9.10. dala 9.00 ala 11.00 tla sala di jëuni te Calonia a Urtijëi. Vester oma, fëna, avëi n lëur y pona mo cialé ora bën... Co dëssen pa fé a fé dut y pona mo vester cuntëntes? Sabine Fischer rejona de esperienzes y pensieres, che ie mpurtanc per ti vester a chësta ndesfideda. Metù a jì dal Muvimënt Catolich dl'ëiles.
Sëira de nfurmazion per i jëuni
N mierculdi ai 10.10. dala 20.15 tl local di jëuni Saut mët la Consulta per i Jëuni a jì na sëira de nfurmazion n cont dla veles dl cunsëi provinziel, cun la prejënza de candidac ladins.
"Zënza scioldi deguna festa"
N mierculdi ai 17.10. dala 20.00 tla sala Raiffeisen te cësa de chemun a S. Cristina cun Werner Niederbrunner dla cunsulënza dla Caritas per chëi che à debic. Tratà uniràl argumënc coche: Co possa pa la familia ntervenì tl ciamp dl'educazion finanziela? Cie dëssa pa i pitli mparé canche la se trata de manejé i scioldi? Nosta munëides y l cunsum y nsci inant.
La lege söi lüsc y sconanza dla proprieté da paur
De chësc nen vára te n referat organisé dala Uniun dles Patrones La Val, che vëgn tigní incö vëndres ai 5 d'otober dales 20:30, tl salf dles manifestaziuns da La Val. Referënta é Maria Hochgruber Kuenzer.
Sara Moling cunta de süa esperiënza tl Brasil
La Ciasa de Palsa Ojöp Frëinademetz inviëia dötes les porsones interessades ala incuntada cun Sara Moling da Lungiarü, che baiará de süa espriënza fata tratan so iade tl Brasil. L'apuntamënt é por en mertesc ai 9 d'otober dales 15:30, te Ciasa de Palsa a San Martin.
Sara Moling y süa esperiënza tl'India
Le Consëi de Formaziun d'Al Plan y la biblioteca "Angelo Trebo" inviëia a na incuntada cun Sara Moling da Lungiarü, che cunta dles esperiënzes che ara á fat tratan so iade tl'India. An s'incunta en mercui ai 10 d'otober dales 20:00, te biblioteca d'Al Plan.
"Tomades, no dilan! - Prevenziun dles tomades dla jënt de tëmp"
Chësc le titul de n domisdé che l'Aziënda Sanitara de Südtirol mët da jí en vëndres ai 12 d'otober dales 14:30 t'Istitut Ladin a San Martin. Al baiará le dot. Aldo Marcocci, la dietista Silvia Pitscheider, l'infermiera Valeria Moling y le fisioterapist Pepi Costner. An dess conësce i faturs de prigo y i faturs de proteziun tl ambiënt olache an vir, y odëi ite l'importanza dl'ativité fisica tla prevenziun dles tomades.
La sanité sciöche stil de vita - ince tl'eté plü vedla
Le Consëi de Formaziun da La Val inviëia en mercui ai 10 d'otober dales 8:00 tl salf dles manifestaziuns da La Val, olache Ruth Niederkofler tëgn n referat dal titul "Sagns y contënc, cun na mënt tlera y forza de vita cina tl'eté plü vedla. Che n'oress pa nia chël? Sanité, co vá pa chëra?"
Le control dl dolur tles maraties croniches
Chësc é le titul de n referat organisé dal Grup Volontariat Val Badia, che vëgn tigní en jöbia ai 11 d'otober dales 20:00, tla Ciasa Runcher a Badia. Referënt él le dot. Massimo Bernardo. Ara nen jará de valgügn consëis pratics por aumenté la cualité de vita.
Jin Shin Jyutsu te situaziuns acutes
Le Consëi de Formaziun da Corvara inviëia a na serada olache ara nen jará dla ert da se varí instësc. En vëndres ai 12 d'otober dales 15:00, te calonia da Corvara. Referënta é Elisabeth Reich.

Avisc
"Zënza munëides ne dàl ca nia - i valores cun l passé di ani - cie se à pa mudà o nce nia?"
N merdi ai 9.10. dala 10.00 trasmiscion sun Radio Gherdëina. L tema di scioldi ie scialdi atuel. N espert dla banca dajerà nfurmazions n cont dl'educazion finanziela bele da pitli insù. Sëuraprò rujeneràn di valores, co ie pa la situazion da śën, co fòvela pa plu da giut.
Roba da fé damant per n bon fin
La Grupa Gherdëina per l Perù arà inò n stont sun Marcià de Segra Sacun, cun juesc y roba da fé damat de segonda man. I scioldi trac ite tuleràn per ti judé a mutons che n à debujën. Chiche ëssa velch da dé ca ie prià bel de l purté a Urtijëi da Lucy y Stefan Perathoner tla str. Roma 32b, da Helma y Andreas Walpoth tla str. Purger 61, dala familia Stuflesser tla str. Digon 18 o diretamënter sun marcià. De gra de vosc aiut! Info: Sofia 3314158478.
Marcià bio
N sada ai 13.12. dala 8.30 ala 14.00 sun la Pitla Plaza de S. Antone a Urtijëi saràl inò paures bio de Südtirol che vënd si prudoc. La Lia per Natura y Usanzes piterà velch da maië y da bever: tëurtes y pan fac nstësc cun farina grossa d'uni sort. Castanies pratedes ne manceràl y l stont dal craut sarà ënghe inò sun plaza per chëi che uel se mplenì si barijel o se n njinië n nuef.
Ciamena dal guant a Picolin
Le Grup Ciamena dal Guant i recorda ala jënt la poscibilité da dé jö y jí a se chirí fora guant, vigni jöbia domisdé dales 14.00 ales 16.00, tla vedla ciasa de Palsa a Picolin. An pó dé jö guant, mo ince linzos, cisces, pezes da mans, guant da dessot, coltrines, tovaies, cutres, cialzá, etc. Döt dess ester nët y intier.
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16.00 ales 17.00 tla ciasa de Comun a Badia.
L'Ofize de "Ëres dëida Ëres"
L'ofize a Bornech é da ciafé tla str. Paul von Sternbach nr. 6, info.bruneck@frauenhelfenfrauen.it. Al é davert dal lönesc al vëndres dales 8.30 ales 11.30. Fora de chësc orar, vëgnel tut sö termins sön prenotaziun. Tel. 0474/410303.
Repartiziun prestaziuns a Picolin: vigni de davert
L'ofize dla repartiziun prestaziuns (Ex - Krankenkasse) tl distret sozio-sanitar a Picolin é indô davert vigni de: lönesc, mercui y vëndres dales 9:30 ales 12:45; mertesc y jöbia dales 8:00 ales 12:45.
La Ila: Inaudaziuns y iubileum
Chësta domënia ai 7 d'otober él festa a La Ila. Le Comun de Badia y l'US Alta Badia á le plajëi da invié ala inauguraziun dl ciamp dal sport da La Ila ressané y ala festa por i 40 agn dl'Uniun Sport Alta Badia. La festa mët man dales 11:00 cun la santa mëssa y la benedisciun. Dedô sarál l'inauguraziun cun pice renfrësch.
Corsc de ingleis
La Biblioteca de Sèn Jan endreza corsc de ingleis dai 29 de otober ai 28 de november. La lezions sarà de lunesc e de mercol: h. 19.00-20.30 l cors per prinzipianc e h. 20.30-22.00 l cors mesan. L cost l'é 70 euro per i sentadins de Sèn Jan e 90 per i etres. Info te biblioteca, tel. 0462.763062, mail: vigodifassa@biblio.infotn.it.
Prejentazion liber "A Spas per la Ladinia"
Insnet vender ai 5 de otober da les 20.30 a Vich te la ex sala del Consei de Comun l'Union di Ladins de Fascia, col paterozinie del Comun de Sèn Jan, prejenta l liber de Fernando Brunel "A Spas per la Ladinia", terzo liber de raides te noscia Dolomites.
I refuges del gust
Va inant "I refuges del gust" che dèsc l met de gustèr magnadiva tradizionèla e locala da marena e da cena te na lingia de 11 desvalives refuges de Fascia. L program se sera sù en domenia ai 7 de otober: da les 14.00 te Fuciada sarà l Conzert del Cor Enrosadira. Maor info su www.fassa.com.
Seres de la Rei de la resserves
La Rei de la Resserves, cordanza per l patrimonie naturèl, col Comun general de Fascia e l MUSE endreza seres dal titol "N sgol anter pré e crepes" per cognoscer la biodesvalivanza. En mercol ai 10 de otober h. 20.45 a La Gran Ciassa de Soraga, Davide Scridel rejona di ucìe che vif a l'autes.
Fugatti a Sèn Jan con la Sociazion Fassa
La Sociazion Fassa prejenta si candidac e programes per la litazions di 21 de otober en domenia ai 7 de otober da les 18.30 te sala del Consei de Comun de Sèn Jan a Poza. Tolarà pèrt ence l candidat president Maurizio Fagatti.
L Moviment Ladin de Fascia se prejenta
L ML de Fascia prejenta si candidac e so program en lunesc ai 8 de otober a Vich, en mercol ai 10 a Mazin, en jebia ai 11 a Soraga, en vender ai 12 a Ciampedel, en lunesc ai 15 a Moena, en jebia ai 18 a Cianacei, en vender ai 19 de otober a Poza. Duta la scontrèdes é te la sales de Consei de Comun h. 20.30.

Chino
LiteraKino, proiezion de films per granc
Tla Bibliotech San Durich a Urtijëi vëniel mustrà ncuei vënderdi ai 5.10. dala 20.30 n film tla rujeneda taliana. N vënderdi ai 12.10. saràl da udëi n film per tudësch. L program plu avisa di films che unirà mustrei proscimamënter ie da udëi tla bibliotech, ulache l ie nce julantins da pudëi se tò pea.

Iadi, jites y escurscions
Cures y palsa a Abano Terme
Al vëgn organisé n iade de 8 dis a Abanto Terme, dai 4 ai 11 de novëmber. Le cost é de 580,00€ a ce te ciamena dopla (650,00€ te ciamena da un n let). Prenotaziuns anter i 25 d'otober pro Monica Costa al 0474/590069.

Religion
Mëssa di pitli
Duman sada ai 6.10. dala 17.00 tla gran sala de calonia a Urtijëi. Genitores cun popesc, mutans, mutons y sambën nëinesc cun nepoc ie nviei a unì te calonia a na Santa Mëssa per duta la families. Metù a jì dal Decanat de Gherdëina cun Sn. Pluan Vijo Pitscheider y na grupa de genitores.

Galaria retrac