Manifestazions atuales speziales

Data

26 de otober 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 26 de otober
Me+Marie, Andrea Valeri y d'autri
Mujiga dal vif ncuei vënderdi ai 26.10. y duman sada 27.10. dala 20.00 tl Circolo/Lia Mostra d'Ert a Urtijëi
Ncuei vënderdi, sëira de chitares y fingerstyle cun:
Andrea Valeri, un di miëur chitarisć de fingerstyle dl mond, cun 6 ani òvel bele dat ora 6 soloalbums, śën féjel cunzerc sëura dut l mond; Stefan Demetz, chitarista y ciantarin de Urtijëi y Marc Perin, chitarista de Puster dl duo "Perin & Barbarossa".
Duman sada:
Me + Marie, l duo rock/pop cun Maria Moling (ex Ganes) y Roland Scandella dla Svizra, metù su tl 2015, che à bele n ann do dat ora cun gran suzes l prim album. Tl Circolo saràl da audì n bel repertoire y pec ora dl album nuef "Double Purpose".
Rachet Bronco à bele desmustrà n chëst ann a Urtijëi che cun si mujiga sterscia y da druch iesi boni de ntujiasmé l publich.
Andreas Mayr Kondrak & Marion Moroder, l ciantarin di Nolunta's y presidënt dl Circolo à bele dat ora n valguna cianties deberieda cun la ciantarina y mujizista Marion Moroder. Si cianties sentimenteles fej unì pel de gialina.
Inant jiràla cun na "afershowparty" cun DJ Jonas Zimmermann.
Chertes danora giàpen da: Bar Pitla Stua a Urtijëi, Disco New a Bulsan y online: https://www.vivaticket.it/ita/event/me-marie-supports-another-place-to-go/116588

"Amore, silenzio e rivoluzione"
Presentaziun dla racoiüda nöia de poesies de Christian Ferdigg
Incö, vëndres ai 26 d'otober 2018, dales 20:00, él a Al Plan de Mareo, plü avisa tla ciasa dla Scora de musiga, la presentaziun dl liber nü dl poet marou Christian Ferdigg dal titul "Amore, silenzio e rivoluzione", dé fora dala ciasa edituria Midgard. L'introduziun al liber vëgn portada dant dal prof. Carlo Suani, la musiga é de Nicol dal Bagn, le salüt ala serada dl presidënt dl'EPL-Ert por i Ladins Iaco Rigo.

Reggae y hip hop ladin y talian tl SaJ.un
Ai 2 de novëmber él tl zënter Saj.un a La Ila le conzert dl pröm vëndres, en chësc iade cun le jonn d'Al Plan Daniel Zardini y i Rebel Rootz
Le jonn d'Al Plan Daniel Zardini (en ert Ethnic Techniques), presentëia ai 2 de novëmber so repertore rap y de improvisaziuns por talian y todësch. Al laora sciöche chelner y ciafa te so laur cun la jënt ispiraziun por süa musiga y sü tesć. Al á metü man cun le scrí poesies, tolon ejëmpl da so berba Paul. Al á spo conesciü le monn dl hip hop y dl reggae y á sintí le debojëgn da dé so contribut sciöche persona y sciöche ladin. Rebel Rootz é n grup musical nasciü dl 2010 a Trënt. I sis musizisć fej composiziun y sona cianties de stil reggae, dance hall, dub, ska y rock. Dl 2012 ái dé fora süa pröma CD dal titul "Radice Ribelle", dl 2014 l'album "Sotterraneo". Ai á soné sön de gran palcs de cités talianes y pro conzerc sciöche "Train to Roots", "Mellow Mood" y al "Venice Sunsplash 2013". Tla Val Badia ési conesciüs do avëi tut pert al OpenAir Gadersound 2018.

La Ila: rapresentaziuns teatrales
L'Uniun Teater La Ila é tl laur da arjigné ca la comedia "Madër nia jí ala nia" (tut dal orginal "Der entführte Selbstmordeinbruch") de Wolfgang Bräutigam. La rejia é de Erika Castlunger
Na dita de costruziun é tl laur da jí ala nia y düc se proa da ciafé na soluziun por trá ite scioldi y al nasc n gröm de incomprenjiuns y confujiun. Sön paladina él da odëi: Ellen Alfreider, Alessandro Bonfanti, Andrea Bonfanti, Marco Moscon, Andy Pizzinini, Chiara Pizzinini, Roland Pizzinini, Sabine Rudiferia, Tobias Stampfer y Cindi Vittur.
Les rapresentaziuns é sabeda 3, domënia 4, mercui 7, sabeda 10 de novëmber dales 20:30, y domënia 11 de novëmber dales 15:00, tla Ciasa dla Cultura a La Ila. Prenotaziuns al 333/2525740.

"4 ëres sot önn en tët"
Chësc é le titul dl teater da ri che chi da La Pli de Mareo porta sön paladina chësc altonn
Le Teater La Pli inviëia dër bel da gní a ti ciaré al teater da rí "4 ëres sot önn en tët", tut dal toch original "Hier sind sie richtig" de Marc Camoletti y porté tl ladin mareo da Hansi Comploi, che á ince la rejia. Sön paladina jobelnëia Caroline Huber, Heidi Ploner, Anna Mühlmann, Annemarie Mühlmann, Elmar Winkler, Simon Willeit, Marco Comploi y Alex Daverda. La premiera cun renfrësch é en domënia ai 28 d'otober dales 15:00. Les atres rapresentaziuns é en sabeda ai 3/11 dales 20:00, domënia 4/11 dales 15:00, vëndres 9/11 y sabeda 10/11 dales 20:00, tres te Ciasa dles Uniuns a La Pli. Prenotaziuns al 331/7642806; les chertes vëgn ince venüdes n'ora dan le teater.