Dancà y de na pert

Data

05 de jené 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Na ciacolada pal café con Michael Comploj, co fej sën d'invern ciafer de schibus a Al Plan
La Usc: Michael, co aste pa festejé San Silvester?
Michael Comploj: Nos fajun San Silvester scialdi a ciasa, adöm cola familia. I mituns é ciamó scialdi pici y chi mëss ince jí a dormí tla finada, porchël n'él nia bën dio da jí encërch a fá festa.

Tö laores da val’ agn encá desco ciafér dal bus. T’esste pa emponsé che te foss en iade ciapé te cösc laur?
I mëssi dí che pordërt dijêi belo da picio ensö ch’i n’ess mai fat ciafér, deache i l’aratâ plü co ater en laur da stüfé o ci sái ciamó. Mo spo sunse zacó gnü porté ete te cösc laur y al m’á pa tres salpü bel, sides canche i jea con camions, co sën che i laori con jont sön coriera.

Tal tomp da Nadé sëise cater corieres te paisc. Ci se müdel pa te cöstes edemes de gran noto respet ales atres edemes dla sajun?
Ci co se müda é soradöt la gran massa de jont. Al é vëi che i sun de cater, mo al pö empó zacó che i sunse tres massa pëgri da porté i sciori a destinaziun. Al mo vën enmont che ara i döri ciamó massa dio ala jont, sce ai mëss jí cin’ minuc deplü cola coriera. Al i mancia la pazionza sides da doman da jí pai emplanc, co da sëra da roé zoruch t’alberch. Spo i áldun mefo soflenn. Al é en pü’ en ater laoré.

Döta la intervista ciafëise t’La Usc stampada di 5 de jená 2017.

 (Intervista: Pablo Palfrader)

Galaria retrac