Dancá y da na pert

Data

24 de agost 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Na ciacolada cun Tamara Ciabarri ”Misae”, barista tl zënter a San Martin
Tamara, poste te presenté a nüsc leturs?
I á inom Tamara Ciabarri, i á 21 agn y vëgni dala Lombardia.

Tan dî este pa bele tla Val Badia y co este pa rovada alerch?
I sun chiló da canche i á 8 agn. I sun gnüda sö cun mia familia por le laur de mi pere. I atri é indô jüs zoruch, iö sun restada chiló y abitëii a San Martin.

Co te plej pa le laur t’ostaria?
Al me sá veramënter bel. I á dër tröp da fá cun la jënt y a me me sál bel da me dé jö cun les porsones. Dal mëteman ne me plajô le laur t’ostaria nia massa, deache mi geniturs â tut n bar en afit y iö ê dailó döt le de y n’â nia plü cis na vita. Insciö me sál indere bel, deache i á mi laur, mo i á ince le tëmp por me instëssa.

Él vëi che la barista é ince n pü’ psicologa di cliënc?
Dër dessigü. Ai vëgn chiló y te cunta de vigni sort: ci che ai á fat, ci che ai n’á nia fat, sü problems. Val’ iade vëgni cun i edli mec stlüc y cunta che le de denant ái fat festa, spo cunti dla chestiana y n gröm d’ater. Magari le fejai val’ iade ince zënza orëi. I ne sá nia ciodí che ai á chësta confidënza.

Döta la intervista, cun chëstes y d’atres domandes, ciafëise t’La Usc di Ladins di 25 d’agost.
 (Intervista: Pablo Palfrader)

Galaria retrac