Incö á l’atleta da Rasun arjunt l’11ejim post tl inseghimënt. L’important por ëra ê da nia perde massa punc ti confrunc dla norvegeja Eckhoff, che á taié ala fin le travert desco 10ejima. Davagné chësta ultima gara dla sajun á la franzeja Simon dan ala svizera Gasparin y l’azzurra Vittozzi.
Dorothea Wierer é stada bona da ti rové pormez al’atleta norvegeja Tiril Eckhoff, che á podüü pié ia desco terza do le bun resultat tl Sprint da inier. La Wierer desco 19ejima á messü dé döt por defëne la Copa dl Monn. Ala fin ti á basté l’ütl de 7 punc söla concorënta norvegeja: Dorothea Wierer á abiné adöm 793 punc, Tiril Eckhoff 786.
Por Doro Wierer se röia insciö la sajun 2019/20ala miú:
con la gran Copa dl Monn
y
la picia Copa dl Monn de "mass start"
y
4 devëntes individuales che vel por la Copa dl Monn (lapró él ince i dui suzesc d’or ai Mondiai de Antholz)
y
bëgn 4 medaies ai Mondiai iten Antholz.
Chapeau!
Secunda gran Copa dl Monn
Dorothea Wierer defënn la Copa dl Monn generala dl biatlonn te na gara finala che s’á damané dötes les energies
Galaria retrac
View the embedded image gallery online at:
https://www.lausc.it/sport/12163-secunda-gran-copa-dl-monn#sigProIdcc2783bd74
https://www.lausc.it/sport/12163-secunda-gran-copa-dl-monn#sigProIdcc2783bd74