L’é scomenzà l 1° Trofeo Ladin Elite

Data

07 de fauré 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ansera, mèrtesc ai 6 de firé te stadie de la giacia de Dèlba l’é stat la pruma partida de la scomenzadiva sportiva patrozinèda da l’Union Generela.

Endèna la curta paussa de l’Alps Hockey League per la Olimpiades da d’invern de PyeongChang, la trei sozietèdes de hockey ladines, Fascia, Cortina e Gherdëina, les à metù a jir l 1° Trofeo Ladin Elite.

La scomenzadiva l’à l patrozinie de l’Union Generela di Ladins dla Dolomites e ansera, mèrtesc ai 6 de firé te stadie de Dèlba, per la pruma partida l vize president de la Generela Fernando Brunel ge à sport ai jiadores e a la squadres na bandiera ladina e na publicazion su la storia di Ladins de la Dolomites.

La pruma partida anter Fascia e Gherdëina la é stata venta dai Falcons per 4 a 2.

Vegnarà fat en dut 6 partides e se jiarà a l’Olimpich de Cortina, al Scola de Dèlba e al Pranives de Selva. L regolament l’é chel del campionat talian e l venjidor se tegnarà l Trofeo te stadie de cèsa enscin a l’an dò.

En vender ai 9 de firé da les 20.30 vin Ampez l’é Cortina-Gherdëina; en lunesc ai 11 da les 20.30 a Selva l’é Gherdëina-Fascia; en jebia ai 15 da les 21.00 ta Dèlba l’é Fascia-Cortina; en sabeda ai 17 da les 20.30 vin Ampez l’é Cortina-Fascia e en lunesc ai 19 da les 20.30 a Selva l’é Gherdëina-Cortina.

 (vr)

Galaria retrac