La gran fadìes de la roda da mont

Data

21 de auril 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I atlec del Fascia Bike Racing Team à tout pèrt a la Mtb Garda Marathon. Jon a descorir la garejèda e i resultac.


I atlec che é ponté via da les 9 da doman, en domenia ai 15 de oril, i à cognù pedalèr per 61 km. La Mtb Garda Marathon pervedea n dislivel de 2.200 mt e l’é stat la pruma vera garejèda Marathon de la sajon sportiva. L percors de chest an é stat mudà da chel che i atlec aea jà vedù e proà i egn passé e chest per dèr vèlch da nef e mingol de fadìa de più.

La garejèda é stata venta dal rus Aleksei Medvedev, che l’era jà ruà prum autra doi outes te chesta competizion. Per chel che revèrda i atlec del Fascia Bike racing team, l prum a ruèr l’é stat Manuel Verra che à serà su te la 18^ posizion de categoria M1 e 123° assolut. Dapodò l’é ruà Valerio Bacchiocchi, che dò l burt azident abù endèna la 3^ edizion de la Val de Fascia Bike l’é stat bon de esser endò competitif, ruan te la 43^ posizion de categoria M1 e 354° assolut. In ultima l’é ruà Graziano Degiampietro, 18° de categoria M5 e 503° assolut.

Dò chesta gran fadìa, descheche aon dit soraldut per n arcedament no amò ezelent, i atlec del Fascia Bike se enjigna per la garejèda che sarà ai 28 de oril, la Ötzi Alpin Marathon.

 (Daniele Verra)