L Fascia à batù la Cornacci

Data

06 de otober 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Trei ponc porté a cèsa con merit che dèsc la gaissa de poder fèr amò miec te la endesfides che vegn

Se cognea ge dèr seghit a la pruma venta tel campionat e coscì la é jita. Dò i trei goi fac ite a la Solandra, i ladins à batù col medemo resultat ence i aversaries fiemaces de la Cornacci.

L prum chèrt de ora i patrons de cèsa é ponté via a mile, no ge lascian fèr l jech che i volea ai fascegn. Aboncont chesta gran gaissa ge à portà pech a chi da Tieser ajache la defendura à semper controlà delvers i atacanc aversaries.

Al venteisem menut Luca Trottner à portà en vantac i bec de mister Chelodi co na bela trata de cef aldò de na trata dal cianton de Sebastiano Rasom. L’un a nia ge à dat forza ai ladins che per duta la partida no ge à conzedù nia ai aversaries e i à schicià i patrons de cèsa te sie mezciamp per troèr l secondo gol, ruà ampò demò a diesc menuc da la fin, canche Federico Cincelli co na trata longia da la defendura, l’à troà Daniele Deluca che no l’à falà l gol. La partida se à serà 0 a 3 con l’ultim gol de Matteo Lorenz.

Chesta domenia l Fascia jia a Vich da mesa les cater contra la Bolghera e en jebia ai 11 da mesa les nef da sera contra l’Oltrefersina te la Copa Provinzia.

L mior: Matteo Lorenz. Chel che aessa podù fèr miec: Gianni Riz.

 

L’articol complet con i resultac de la squadres mendres su la Usc nr 39 stampèda ai 5 de otober

 (Cristoforo Debertol)