Na parità che sà de desfata

Data

09 de november 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L 2 a 2 contra l’ultima en classifica ge à lascià te bocia na saor braussa ai jiadores fascegn che cogn amò crescer n muie per otegnir resultac de valuta

L’é n parege che sà de desfata chel arjont dal Fascia a cinch menuc da la fin contra l’Altopiano Paganella, ultima squadra en classifica.

L’é n Fascia che no sà dèr seghit a la bona partides de l’ultima setemènes.

L’é n grop, chel de mister Chelodi, che cogn crescer amò n muie e l lo cognessa fèr più prest possibol.

Se l resultat de parità de la domenia dant contra l Monte Ozolo aea lascià l braus te bocia perché i fascegn aessa dassen vadagnà i trei ponc de gra al bon jech e a la gaissa palesèda, l doi a doi de chesta partida lascia te bocia, se se pel, na saor amò più braussa, ajache enstouta l no aer vent l’é dut per merit o miec, per colpa, di jiadores de cèsa.

Per chel che vèrda la squadres mendres, l’é ruà trei bela ventes de gra a la formazions A e B di Giovanissimi 5 a 1 e 4 a 0 contra Civezzano e Gardolo, e ai Esordienc 2 a 1 contra l Fiem. La Juniores alincontra à perdù 1 a 0 semper contra l Fiem.

Doman, da mesa les sie, i Giovanissimi “B” jia a Perjen e la Juniores da les sie a Vich contra l Verla.

En domenia la pruma squadra jia da mesa les trei a Juan contra la Cauriol, i Arleves a Vich da mesa les unesc contra l Porfido Albiano e i Giovanissimi “A” da les unesc contra l Verla a Masen di Giovo.

De più su la Usc nr 44 stampèda ai 9 de november

 (Cristoforo Debertol)