I Pavei a Milan, Dìspruch e Pontebba

Data

30 de november 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
N grum de apuntamenc tel fin de setemèna passà à vedù noscia balarines del Val de Fascia Artistico Ghiaccio se spartir anter Lombardia, Friul e Austria

L’é stat n fin de setemèna rich de empegnes e emozions chel tanche passà per nesc Pavei d’Arjent del Val de Fascia Artistico Ghiaccio, che i à tout pèrt a ben trei competizions desvalives.

Ti dis dai 23 ai 25 de november l’era en program a Milan la 2^ garejèda Fascia Elite, olache l’é jit Martina Marchioni, e a Dìspruch la edizion numer 23 de la International Eis Cup 2018, che à vedù la partezipazion de Andrea Martina Brunner, Selene Dantone e Miriam Planchensteiner.

Dai 24 ai 25 enveze a Pontebba l’é stat metù a jir la pruma pèrt del 2° Campionat Fascia Interregionèla e Nazionèla - Memorial Francesca Sacchet. A se dèr jù en pista te chesta competizion l’é stat Elisa Planchensteiner e Micol Testor.

Vedon donca con mingol de orden coche la é jita per noscia balarines.

En vender ai 23 a l’Agorà de Milan, Martina, te la categorìa Advanced novice l’à portà dant sie short program se logan te la 9^ posizion, tel free program la é ruèda 11^, donca te la classifica finèla la se à vadagnà l 10° piazament.

La dì dò a Dìspruch Selene se à logà a l’8° post, Miriam 13^ e Andrea Martina 24^, dutes te la categorìa Basic novice.

Tinùltima a Pontebba te la categorìa Junior Elisa l’à serà en quarta posizion a n sofie dal podie, bon piazament per Micol che se à logà al 9° post.

Dò chest fin de setemèna bon intensif noscia atletes é jà al lurier per se enjignèr e tor dant n’autra endesfida. La setemèna che vegn defat, dai 29 de november ai 2 de dezember tel stadie de la giacia de Ciavaleis l’é en calandèr la otava edizion del trofeo Fiemme On Ice, garejèda internazionèla interclub a chela che tolarà pèrt Sarah Fosco, Sophia Sommavilla, Ginevra Seneca, Matteo Marchioni, Ilary Pollam, Melany Planchensteiner e Selene Dantone.

 ((cri.m))