Vèlch outa n gol vèl più che 1

Data

01 de dezember 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La squadres mendres del Fascia Falcons no les é states bones de mever la classifiches chesta setemèna con trei desfates su trei partides. L’é ampò ruà la venta tel recuperament de la partida U.15 col Perjen. Na endesfida à vedù n gol spezièl

Desche vigni setemèna, sion chiò a ve contèr di Falcons.

Ponton via con l derby anter Fiem e Fascia, jià en domenia ai 25 de november da l’U.15. Na partida thriller, che é stata averta tel prum temp dal gol fiemac de Cristiano Weber. Tel secondo temp, doi outes l’é ruà la reazion di Falcons al vantac del Valdifiemme JTH: dant con l’1 a 1 segnà da Igor Cassan e dapodò, dò 2 goi encassé che aea portà l’endesfida sul 3 a 1, con la stiches de Igor Cassan e de Francesco Pezzei. La doi squadres à coscita tacà l terzo temp sul 3 a 3. I prumes 19 menuc de jech é jic inant zenza nience n gol ma dapodò tinultima, a 18 seconc da la fin de la partida, Anna Trettel à serà sù i conts con l dezisif gol del 4 a 3 per i fiemaces. N gol che l podessa esser chel de n film, n gol che fosc l vèl più che un numer 1 sul tabelon del jech, ruà apontin te la giornèda dedichèda a la femenes, de contra a la violenza envers la eles che massa de spes vegn amò metuda en doura te la vita de vigni dì.

L’U. 15 ruèa dal recuperament de la endesfuda de contra al Perjen la dì dant, partida aventa per 6 a 3.

Ai 24 de november enveze l’U.17 à jià la senestra partida de contra al HC Pustertal che à avert na neva fasa de campionat. Na partida fenida 5 a 2, coi doi goi del Fascia/Alleghe rué de gra a la stica de Francesco Soppelsa, duc e doi tel secondo temp.

Tinultima, ai 25 de november, l’é stat jià la partida anter Foxes Academy e Alleghe/Fascia. I busanins à troà l vantac jà tel prum temp e al son de la sirena del terzo temp i se à portà a cèsa la venta per 7 goi a 4.

N week end pére vardan a la classifiches di Falcons donca, ma amò n’outa n bel week end de sport, pien de goi e de emozions. Albert Einstein dijea che la coinzidenzes les sozet canche l Segnoredie vel restèr anonim, fosc la é coscita ence canche n gol vèl zeche più che n numer 1 sul tabelon.

De più su la Usc nr 47 stampèda ai 30 de november

 (Daniele Verra)