Un stradon noo par i Mondiai de schie del 2021

Data

09 de setember 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
El laoro del Comun de Anpezo par se cordà con Anas, da zerne el projeto da fei fora, ignante de tre ane, par meorà el reśiro de i automobiles inze ‘l nosc paes, inze ra nostra val. Un projeto che varda a ra pistes, a ra gares, a duto chel che podarà suzede chi dis, ma anche i anes dapò
El comun de Anpezo ‘l à dito a Anas de fei ignante de duto i laore inze meśo el paes, da comedà fora el stradon 51 de Alemagna, par chel toco che và da fora In Ria fin a Crignes, via par sora el ru Bigontina e ra Boite. Chesto laoro ‘l à da śoà par i Canpionate del mondo de schie Cortina 2021. Ignante ‘l é stà mostrà i doi projete pi grei, inze ‘l Alexander Girardi, daante a supośò trezento parsones. Dapò ‘lé stà un consilio de comun, agnó che dute i consiliere in sala, chi noe de el grupo Sistema Cortina, con el capocomun Gianpietro Ghedina Crepo, i à votà aduna. Manciaa chi outre cuatro consiliere, de el grupo Cortina presente e futuro, che i s’in é śude: par lore manciaa alcuanta cartes e no sarae stà da votà chera delibera. El consilio ‘l é stà fato lunes ai 4 de setenbre; ra setemana ignante, mercui ai 30 de agosto, el comun ‘l aea ciamà ra śente del paes, da se ciatà aduna, par vede chiste projete e par dì ra soa.

De più te La Usc, edizion stampada!