Una Tofana de cantiere par el 2021

Data

19 de agost 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Con chesta stajon de istade i à scomenzà un grun de laore, pi che see par ra pistes da schie. I jaa ra pistes Olympia, Vertigine, "A" e "B" del Col Druscié. Tropo depì se podarà vede del 2019, canche i tacarà a fei fora strades par el paes e a fabricà inpiante noe da se montà
Mondiai - A vardà su ves ra Tofana se vede duto un gran cantier, con ome e machines che laora daparduto, par parecià ra pistes da schie, par i Canpionate del mondo del 2021.
Par dute chiste laore s'à moesc ra doa sozietas de inpiante Ista e Funivie Tofana; el comisario de governo Luigi Valerio Sant'Andrea; ra Fondazion Cortina 2021.
I laora sote ra Pales de Rumerlo, da parecià el traguardo de ra gares, che 'l arà da ese pronto ca de poche mesc, par ra gares de Copa del mondo de jenaro che vien. Là se laora anche par fei 'na strada noa, da ruà su a Pié Tofana e in Druscié. Là ruarà duta doa ra pistes par i Mondiai, ra Olympia par ra gares de ra femenes e ra Vertigine par i ome. Ra doa pistes es deenta una, su ra Pales, agnó che se vede polito da ra tribunes. Là 'l é anche da jaà, par fei pasà i schiadore sote ra pista, da bete sote un de i tre tunnel; chi outre doi i sarà pi in outo, da i Festis e sote el souto Kristian Ghedina, ma chi i arae da i fei 'l an che vien de ousciuda. Ra azienda Emaprice r'à scomenzà a jaà da poche dis, con un grun de ome e de machines. I prime laore i à da ese fenide par el mes de noenbre che vien, ignante de 'l inverno, del gnee.

Deplù te la edizion stampeda de La Usc.