Anpezo

media/k2/galleries/6375/thumbs/Bildschirmfoto_2017-12-21_um_10.53.47.jpg
03 de jené 2018

I benemerite de ra Crosc bianca de Anpezo

Da pi de cuaranta ane chesta asociazion ra laora par me dià dute, canche ón pi biśoin. Un servizio che no varda i confis. I premie par i pi varentes, intrà setanta ome e femenes
Ra zena a ra fin de 'l an ra śoa par fei i conte, par vardà al laoro che s'à fato e pensà sora, a chel che 'l é da fei. Suzede anche par ra Crosc bianca de Bolzan, che r'à in Anpezo una de ra poca sezios fora da 'l Südtirol: i vorentie i se moe inze 'l nosc paes e par ches'outra vales, ogni di, de spes di note, par me dià.

Deplù te la edizion dl 22 de dezember
media/k2/galleries/6374/thumbs/Bildschirmfoto_2017-12-21_um_10.54.00.jpg
28 de dezember 2017

Vita noa par ra vecia Villa Alessandra

I s'à cordà intrà Comun de Anpezo e Parochia de San Iaco, par zede chel vecio hotel e fei fora cuartiere da vende. Un vantaśo par dute, anche par el paes: no se vedarà pi chera cadrea che deboto ra s'in toma śo
Dinultima sarà el capocomun Gianpietro Ghedina Crepo e el pioan don Ivan Brambilla a bete ra firma, da se cordà par comedà fora ra vecia Villa Alessandra, in Begontina. Par ades 'lé stà el consilio de comun a dì de scì.

Deplù te la edizion dl 22 de dezember
media/k2/galleries/6354/thumbs/Bildschirmfoto_2017-12-21_um_09.45.45.jpg
24 de dezember 2017

Un hotel noo de ra familia Alverà par el ben del paes

Su chera ares intrà Ciademai e Ra Era, sote stradon, nasce un hotel noo de ra familia Alverà de Śan, dal 1991 fin ancuoi a Ospedà. Diesc cameres, vinte liete, da magnà fato polito: un pas inaante del turismo in Anpezo, ves i Mondiai de schie del 2021. Par darśonśe duto chesto ocore laoro, pascion, sacrifizio e poca ciacoles
In Anpezo 'l é un hotel noo. I 'l à daerto ades de dezenbre, ignante de Nadà, cemodo che i aea inprometù; i 'l aea dito de ousciuda, canche su chera ara, sote el stradon, intrà Ciademai e Ra Era, no n'ea ancora nuia.

Deplù te la edizion dl 22 de dezember
media/k2/galleries/6353/thumbs/Bildschirmfoto_2017-12-21_um_09.45.56.jpg
23 de dezember 2017

Vita noa par el vecio tavolare de Anpezo

Setezento libre scrite a man da pasà inze 'l computer: una storia vecia, mudada da zento ane, che varda ves el doman. Duto pi fazile par i tecniche che laora, ma anche par i zitadis
Da ca inaante sarà pi fazile śì drio cartes, śì a vede ce che 'l é inze 'l ufizio tavolare del Comun de Anpezo, inze chi setezento libre, coscita grei, coscita vece, scrite dute a man.

Deplù te la edizion dl 22 de dezember
media/k2/galleries/6309/thumbs/Bildschirmfoto_2017-12-14_um_10.54.36.jpg
18 de dezember 2017

Masa laśaroi par Nadà

Una machina, un sporer, un cuartier dafità, finamai un cian: duto và ben parcabolà sode a ra śente. Pi che see par ra festes: coscita i carabiniere me domanda a dute de i tende, de stà de sguaita
Ogni an 'l é ra solita baronades de chi laśaroi che i dora Internet par cabolà i sode a calchedun. I carabiniere de Anpezo e de San Vido de Cadore i à denunzià outra cuatro parsones che à dorà pi che see el sito subito.it par domandà sode, senza mantegnì chel che i à inprometù.

Deplù te la edizion dl 15 de dezember
media/k2/galleries/6308/thumbs/Bildschirmfoto_2017-12-14_um_10.54.54.jpg
17 de dezember 2017

I biei done de San Nicolò par i pizete

Ra bela festa par duta ra famea, voruda da r'Ulda, aduna co ra parochia de i sante Felipo e Iaco, ra Regoles e el Parco d'Anpezo, e diada dal Comun e da ra Filodramatica de Anpezo
Canche 'l é ruà sul sagrà de ra jeja de i sante Felipo e Iaco, el cuore del paes, San Nicolò 'l à ciatà el pioan decano don Ivano Brambilla a 'l spetà. El Santo 'l é ruà su 'na caroza tirada dal caal, aduna co i so anjolete, intrà dute i pizete che spetaa, co i jenitore e i none. Par chesto beśen i dì gramarzé a Anjelo e Nicola Bernardi Agnel, inze a Fiames.

Deplù te la edizion dl 15 de dezember
media/k2/galleries/6273/thumbs/Bildschirmfoto_2017-12-07_um_09.10.29.jpg
11 de dezember 2017

El lunario par el Signor che nasce

Da diesc ane el paes se ciata sote el Comun Vecio, el prin di de dezenbre, par scotà i pizete e i śoen de ra Young Band, par vede ra lumes che s'inpiza, intrà relijon e sozietà. Una festa par dute nośoutre, ignante che rue ra roa del turismo
Ce bela musiches che i à sonà, de cheres pi conosciudes, de ra tradizion. Ce varentes che i é chi pizete, chi tośatiei de ra nostra Young Band, ogade dal so diretor Davide Donazzolo.

Deplù te la edizion dl 7 de dezember
media/k2/galleries/6262/thumbs/Bildschirmfoto_2017-12-06_um_09.51.08.jpg
09 de dezember 2017

Una vita su ra crodes e sul gnee d'Anpezo

Da Venezia in Anpezo, da pi de zincuanta ane, par fei el maestro de schie e ra guida su ra crodes de ra Dolomites: pi che see con chera de ese dute pi segure, i ome che laora e i turistes. Un pensier par Toni Gobbi, morto in Gardena del 1970
Setanta ane de amor par ra croda, cuaranta ane de laoro da guida, senza mai se desmenteà del so mar: Giorgio Peretti, venezian nasciù del 1941, 'l é guida alpina dal 1977. Coscita el Colejo rejonal de ra guides, che el s'àciatà par ra so foula fora a Piee de Cadore, inze 'l palazo de ra Magnifica comunità, 'l à vorù i dà un pefel de guida emerita.

Deplù te la edizion dl 7 de dezember
media/k2/galleries/6261/thumbs/Bildschirmfoto_2017-12-06_um_09.47.02.jpg
08 de dezember 2017

Ra Schola Cantorum a Firenze e par Santa Zezilia

Un viaśo par se ciatà con chi outre cantore da duta r'Italia, inze una de ra zitas pi beles del mondo. Ra zena de Santa Zezilia par se sentì dì de ese una de ra śoies de chesto paes, intrà devozion e tradizion. Dute pó śì a ciantà inze jeja, da fei un servizio par ra comunità
Vendres ai 17 de noenbre i cantore e alcuante parentes i é moeste par śì a Firenze par el convegno nazional de ra scholae cantorum de duta r'Italia. Firenze, ra cuna del Rinascimento... saon propio gaśade a r'idea de śì inze chesta bela zità e de podé anche vede alcuanta de ra so bela jejes e i so monumente.

Deplù te la edizion dl 7 de dezember
media/k2/galleries/6248/thumbs/ANPEZO_1.jpg
06 de dezember 2017

N “Fashion Weekend” dut sul vert

Verda de color, ma verda incia per l'atenzion a le mont e a sua ecologia: chesta la edizon 2017 del Cortina Fashion Weekend.
Ruà oramai a sua setima edizon, l Cortina Fashion Weekend de sto an l se intenjarà de vert. Dai 7 ai 9 de dizembre difati trei sarà le giornade de moda, shopping, mujiga, conferenze e divertiment che la val de Anpezo la organizarà per daurì sta sajon da d'invar che bele per come che l'à metù man co na nef bela biencia la somea ester una de chele bone, da segné e regordà sul lunare. Per savè valch de pi su come che sarà la edizion de sto an on fat na ciacolada con Franco Sovilla, president de ...
media/k2/galleries/6224/thumbs/Bildschirmfoto_2017-11-30_um_09.28.34.jpg
04 de dezember 2017

Un pioan coscita stimà e benvorù

El pree anpezan don Andrea Constantini Ghea 'l é deentà pioan de doi vilaje de Belun: a Cavarzano e Sargnano i inpararà presto a i voré ben, cemodo che 'l é stà a Vigo de Cadore, a Falcade e in Comelego Outo. Ra so fede par ra Madona de ra Difesa
"Maria Rejina Madona de ra Difesa
Benedisce e proteje chi de ciaśa meai me amighe e el me paes".
Chesto 'l é scrito, par talian, su ra "memoria" che recorda ra consacrazion a pree de don Andrea Constantini Ghea, ai 23 de maśo del 1998 e ra so prima mesa dita el di dapò inze ra jeja de San Jaco.

Deplù te la edizion dl 1 de dezember
media/k2/galleries/6081/thumbs/DON_IVANO_.jpg
03 de november 2017

“Son al servije de la felizità de la jent”

Na ciacolada con don Ivano Brambilla, da puoch deventà l nuof pioan de Anpezo.
Nassù e cressù su a Milan nte na famea ulache la mare la eva bergamasca, don Ivano Brambilla l é tornà ades in Anpezo come pioan darè le esperienze madurade ntel ospedal de Belum e a Pedavena. Na vita no saurida la sua (davant sedes agn l à pardù sa fradel e l pare l eva mort co l ava apena 14 agn, ndr), ma che proprio per ester stada dura la l à renforzà e fat deventà la persona che l'é aldidancuoi.

Don Ivano, ven sié jù davant vint agn come capelan e torné coche pioan de Anpezo...ades che ...
media/k2/galleries/5902/thumbs/nicolo_6.jpg
10 de otober 2017

Da Anpezo a Capo Nord: 5.750 km fai co la roda

Chesta la esperienza che l joven anpezan Nicolò Menardi l à sarà via sti di passai.
21 agn, la scola ruada e tanta voia de cugnesse l mondo: chest chel che l à portà Nicolò Menardi a volè ruà ntel luoch pi a nord de duta Europa con sue sole forze, nten viaz che pervedeva de sparagné pi che l podeva e de vive a la giornada. Na prova de soravivenza sun n percors de cuaji 6000 km fat nte cuater mes, n viaz che l à fat da sol fin a Regensburg, ma che da ilò navant l à fat con Pierre Mouterfi, n amigo todesch cugnessù nten viaz fat n Thailandia calche temp davant. Ruà a Capo Nord l ...
media/k2/galleries/5679/thumbs/Bildschirmfoto_2017-09-07_um_09.52.33.jpg
12 de setember 2017

Chera Zestes pienes de belezes

Una croda no masa outa, ma intrà ra pi beles, da vardà duto d’intorno, inze meśo ‘l incanto de chesta val. Un luó ceto, senza reśiro e senza susuro. I segne de ra guera, ra grota de r’aga, ra sciares de sasc, el lago fato col cuore
Ancuoi vedon de fei algo depì de cuatro pasc; par chel che voron śì a vede beśen caminà alcuanta ores. Ra no n’é masa longa, ma r’é erta e beśen se parecià a fei almanco 750 metre in su, e pitosc dreto, par dapò vegnì śo danoo. Se pó lascià ‘l automobile inze ‘l piazal de Pié Tofana, da moe e ruà inze ‘l medemo posto; se calchedun à acaro de ra slongà, de stà fora un di intiero, el pó moe anche da ciaśa. Se moe a 1.675 metre e se taca alolo a sfiadazà, su par chel troi inpó el local e i ...
media/k2/galleries/5678/thumbs/Bildschirmfoto_2017-09-07_um_09.52.25.jpg
11 de setember 2017

Ra boteghes de i artejane in Boschedel

Par Nadà se podarà fenì i fabricate: d’ousciuda e d’istade del 2018 se śirà inze, da podé scomenzà a lourà. Duto nasce da ‘l insogno de 24 parsones e de ra so families, da podé restà inze ‘l so paes
De chi zinche capanoi su ra spona de Boschedel, tre i é deboto fenide, i é ruade a cuerto, i à fodrade de len, ades i é drio a lourà de inze, da i fenì. S’in vede un outro, deboto fato del duto, su pede el stradon. El cuinto i é drio a ‘l scomenzà ades, con chera de el fenì ignante de ‘l inverno. «On dute acaro, i laore i prozede polito, son drio a mantegnì chel che voraon, canche ón scomenzà» - el me disc Roberto Zambelli Nichelo, presidente de el Consorzio botteghe artigiane di Cortina. «Par ...
media/k2/galleries/5677/thumbs/Bildschirmfoto_2017-09-07_um_09.52.14.jpg
09 de setember 2017

Un stradon noo par i Mondiai de schie del 2021

El laoro del Comun de Anpezo par se cordà con Anas, da zerne el projeto da fei fora, ignante de tre ane, par meorà el reśiro de i automobiles inze ‘l nosc paes, inze ra nostra val. Un projeto che varda a ra pistes, a ra gares, a duto chel che podarà suzede chi dis, ma anche i anes dapò
El comun de Anpezo ‘l à dito a Anas de fei ignante de duto i laore inze meśo el paes, da comedà fora el stradon 51 de Alemagna, par chel toco che và da fora In Ria fin a Crignes, via par sora el ru Bigontina e ra Boite. Chesto laoro ‘l à da śoà par i Canpionate del mondo de schie Cortina 2021. Ignante ‘l é stà mostrà i doi projete pi grei, inze ‘l Alexander Girardi, daante a supośò trezento parsones. Dapò ‘lé stà un consilio de comun, agnó che dute i consiliere in sala, chi noe de el grupo ...
media/k2/galleries/5600/thumbs/Bildschirmfoto_2017-08-31_um_10.15.32.jpg
31 de agost 2017

Ra Union de i Ladis de Anpezo

I Ladis de Anpezo par ra storia, ra cultura del paes, ra tradizios da inparà inze    ‘l paes, o mangare da mostrà a chi outre fardiei Ladis, par fei festa dute aduna.
Da zinche ane r’Union de i Ladis d’Anpezo ra parecia, ogni istade, i mercui su ra storia e ra cultura del nosc paes, aduna co ‘l Istitut cultural ladin Cesa de Jan e el comun de Anpezo. Par ‘sto an duto fenisce con mercui ai 6 de setenbre, su in forzela Averau, dares 10.30, daante al rifujo de ra familia Siorpaes, par inparà algo de chel che suzedea su chera crodes, śa zento ane. Se pó ruà su montade, co ‘l inpianto, fin al rifujo Scoiattoli, par dapò fei a pe ‘l ultimo toco; o sedenò se pó ruà ...
media/k2/galleries/5599/thumbs/Bildschirmfoto_2017-08-31_um_10.12.20.jpg
31 de agost 2017

Chel por lago del Sorapisc sofeà da ra śente

Un gran reśiro de turistes, dute i dis, su chel troi ves el rifujo Vandelli, agnó che ‘l é un lago coscita bel, che el padisce, sofeà da tremile parsones a ‘l di. No se pó pensà de fei laore o piazai, ma ‘l é da spetà che ra śente se stufe de s’ingrumà.
Cher’aga zeleste, bela da no crede, ra ciama śente da duto el mondo. Ades in rua masa e chel lago padisce. Tocia spetà d’outon, par śì su in santa pasc, canche rua el fiedo bel e ceto.

De pi tla edizion de La Usc da doman!
media/k2/galleries/5598/thumbs/Bildschirmfoto_2017-08-31_um_10.08.17.jpg
31 de agost 2017

Ra gran Festa de ra Bandes, el gran cuore de Anpezo

Una śornada da no podé desmenteà, piena de emozios e de boi sentimente, da portà inze ‘l cuore. Pi che see da ra vales śo par pede, dal Südtirol e dal Friul l é ruà tropa bandes, par sonà aduna co i amighe anpezane e outre musicantes. El gran laoro de i śoen de ra banda de Anpezo.
Ra no podea śì meo de coscita: anche chesto an ra Festa de ra Bandes ra m’à fato vive una śornada piena de emozios: ormai s’in conta beleche 41, una pi bela de cher’outra. Una śornada da no crede, a ra fin de ‘na setemana intiera de musica, de conzerte, duta ra seres. Chesto an ‘l é stà anche el bon tenpo a dià ‘na man, che ‘l ea cioudo e seren, algo de bel. R’à scomenzà ra nostra Banda de Anpezo a sonà, domegna ai 20 de agosto. Dapò ‘l é ruà ra prima vijinanza, i cadoris de ra Val de ra Boite; ...
media/k2/galleries/5576/thumbs/Bildschirmfoto_2017-08-23_um_17.38.52.jpg
29 de agost 2017

Ome e machines contra ra roa in Alverà

Ra prefetura de Belun r’à betù śo el Piano de protezion zivil, aduna con el comun de Anpezo, da tegnì vorentie de sguaita sote ra graes. Par ‘sto an se và inaante fin ai 31 de otobre; da ‘l an che vien se scomenza co i 25 de maśo
Fin ai 31 di otobre sarà calchedun de sguaita, su ra roa che vien śo dal Ru de ra Graes, fin in Alverà e pi in śo, par ra Begontina. Canche i s’à ciatà, intrà de autoritas, in prefetura a Belun, mercui ai 16 de agosto, el vize prefeto Carlo De Rogatis ‘l à betù śo el Piano di protezione civile, conpain de chi che i à beleche fato par ra roa de Cianzia, fora a Borcia, o a Agabona, in Anpezo.

De più te la edizion stampada atuala de La Usc!