»L’é na situazion sureala«

Data

29 de merz 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L raprejentant di boteghieres da Moena Fabrizio Deville met dant si pensieres su la situazion de sie setor.


»Chest moment de la stagion anter la fin de firé e l mes de marz per l comerz e i restoranc l’é un di momenc olache per solit se laora miec. L’é na situazion sureala, se aon sentù ence anter coleghes, sion passè da l’encas maor a cogner serar deldut.« Chest l pensier de Fabrizio Deville, raprejentant di botegjoeres de Moena e titolar de la boteiga Ladin Sport. »I ghesć da l’Emilia Romagna e da la Lombardia l’é i clienc miores, che à desponibilità economica e che vif proprio l paes con le seconde ciase. – l’à dit amò. Da la politica a la sanità nesciun aea capì la situazion, senó no se aessa seghità a far comunicazion sui social dijan de vegnir te Fascia, ades se se sent ence en colpa…  Se a la metà de firè i aessa dit fora dret de serar dut l’assane fat.

N gran problem per nösc setores l’é che ne rua da far i paiamenc de roba che no saon canche venaron, aon jà fat i ordegn per la stagion da d’istà, tocia vardar de i anular se l’é meso, dapodò no se sà nince se la marcianzìa ruerà, anter l’auter zenza l vadagn de n bon mes. I fornitores valch i aida ma no massa, duc i é en dificoltà.

Pense che chest moment a livel talian, ma ence chigiò da noi, vedù che la situazion no la era de le miore nince inant, se le banche per ipotesa metessa a jir la prozedura de faliment, l 50% de le boteghe fosse virtualmenter falide, n 25% podessa esser bon de se la cavar a valch maniera e demò l rest podesse star en pe belebon. 

De più su La Usc stampèda de vender ai 27 de mèrz.

 (Cristina Marchetti)