La Usc di Ladins

Nicola Eccel da Penìa l’é un di pec bachegn de Fascia che amò anchecondì l laora a la veia. Enlouta, beleche duc, i lurèa ti ciampes d’istà e fora per dut l temp de l’an i tegnìa gialines, vaces e chi più riches ence vèlch porcel. Aboncont col jir del temp, la maor pèrt di bachegn à lascià sù sia atività per se dèr jù col turism e con autra sort de lurieres.

Per Nicola, chel del bacan no l’é demò n lurier, ma n gran amor. Chel del bacan l’é n lurier rich e che cogn esser valorisà e portà inant desche pèrt de noscia tradizion.

Nicola, co éla tia giornèda?
Dadoman leve da mesa les sie, conforma aboncont la situazions. D’istà o canche se à de picoi vedìe me descede mingol dant. Leve, me faghe café e, da bon cristian, me lève l mus. Min vaghe jù te stala, spaze e porte fora la grascia. Con calma, lève fora la cianaujes. Ge daghe mingol de pàbol a la vaces e fegn. Scomenze a moujer. Dò che se à mout, se pel ge dèr fora da magnèr a la vaces amò n’outa. Ampò se lèva la machines e i bidons dal lat. Canche d’invern l’é freit, tize te cèsa. La stala comporta che se abie lurger ence te tobià e te majon. Soraldut d’uton, dapò, se cogn ge chejer al bestiam ortames, anter chisc reves e pomes. A fèr coche i fajea na outa, l’é lurger. 

L'intervista entrìa a Nicola Eccel é da poder lejer su La Usc stampèda de vender ai 4 de oril 2020.  (Nicoletta Riz)