Recognoscer daìnt da sé l gran poder che aon

Data

08 de fauré 2016

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Kinesiologa e Naturopata Irene Deflorian da Vich te chisc ùltimes egn te Fascia l’à metù a jir desvalives corsc per emparar a star ben a na vida naturala
Chesta setemana aon intervistà Irene Deflorian da Vich, Kinesiologa e Naturopata, na fegura profescionala recognosciuda ofizialmenter con la lege n. 4 dai 14 de jené del 2013. Dò aer studià e donca aer ciapà chesta profescionalità, da mìngol de temp la laora te chest ciamp ence te Fascia e Fiem olache la endreza corsc averc a duc.
L’obietif l’é ge ensegnar a la jent a star ben col ciaf e col corp tras pìcoi ejercizies da far enstesc. Te chesta intervista cognosciaron miec sie lurier e podaron ence proar a se arvejinar. Descheche disc ela “fosc valch oita basta bever mìngol de èga en più per star miec!”.

Irene ne spiegheto mìngol che lurier che tu fas?
Irene Deflorian: “Ades son dò che me dediche a n’atività olistica (ndr: scienza che disc che l dut l’é de più che la soma de le part de chel che l’é fat) che me ciapa trop e che sente int tel cör. Chesta atività la se dedica al benesser de le persone a duc i livìe e se laora duran l corp. Giö laore col test muscolar che l me permet de comunicar co l’organism desche se la persona fosse na radio che la mana fora one o frequenze. Chigiò jon apontin su conzec de fisica quantistica. Fa cont de veder n organism che mola fora soe frequenze. Cheste le pol vegnir interpretade te n lengaz che noi podon entener tras cheste prozedure che le dora i muscoi del corp. Cheste le se basa su la prozedura “Loop” ideada da la diretora de l’Istitut Kinergia de Bassan, Maria Rosa Fimmanò. Tras chesta noi podon interpretar cheste frequenze e le tramudar te n lengaz che la persona pol entener. Te chest laor se va a comunicar col DNA, con chel che la persona l’é dalbon, che l’à de besogn e che la dejidrea per sé. Chest l vegn fat a duc i livié: tant fisich, che emotif, che mental, energetich e spiritual. Duc i porta a l’equilibrie de la persona. Tante oite me rua persone che le à n problem a livel fisich e da spes se vesc che chest l’é n efet de n problem a n auter livel, donca se va a interagir co la persona te autres livié per dapò aidar ence l corp.”

Deplù te la USC stampeda dl 5 de fauré.